رفـيقي 👫

#الحلقة_الثامنة_عشر

#رفيقي 👫
#الحلقة_الثامنة_عشر
#بقلــ ✍ ـم نيــدووووووووووو

الساعه 10سامعه تلفوني نعسانة ياخ يداب نمت شوية بسام المزعج دا اتصل لي فتحت الخط،

فروووح

مية مرة قلت ليك م تصحيني ي بسام ياااخ

كسلانة انتي الناس في الشوارع حايمة وانتي نايمة

مالي ومال الناس وم ظنيت زول غيرك عديم موضوع بتهاوم للساعه 10

انتي م عايشة والله الناس يداب طالعه زي الزمن دا اسي كنت في 41الناس يداب جاية وشارع المطار والساحة منورين

مشيت تصيع موش

هههههه طلعتيني بتاع صياعه م كدا كنت مع بسمة بس

مع بسمة للساعه 10في محل ايس كريم كأنكم بالغتو 😳

بالغنا شنو هي قريبة منو اقل من ساعه بتصل البيت انتي م بتعرفي مرة بالليل قالت لي جيعانه اخوها كان عندو اجتماع وح يتأخر الساعه 10مشيت ليها مشينا امواج قالت م عايزة دلفري واتمشينا مسافة رجعت الساعه 12الا ربع شوية واخوها جا

يخربكم

😹😹😹😹اموووت انا في كلامك دا

بسااااام عايز مني شنو اسي

مشتااااق ليك بس

شوووق اليطعنك 😪اسي مصحيني من نومي عشان دا

انتي نايمة ليه بدري كدا لقيت مكالمتك وكنت مع بسمة ودخلت الواتس لقيتك م داخله قلت اطمن عليك

طيب ارجع البيت سريع وتاني م تتأخر كدا انت قاعد مع ناس عمك اسي لو بضايقو من طلعاتك دي ولا قدر الله حصل ليك شي

اها لو حصل لي شي شعورك ح يكون شنو

استغفر الله يعني كلامي دا كلو م عجبك ركزت مع الجمله الاخيرة دي بس

فرروح بالجد كدا انا بعني ليك شنوو

بسام اقفل مني غلطانة انا البصحي عشان ارد ليك وثم تانيا انا م بحب اتكلم بالتلفون بالليل انت عارف كويس الحاجة دي صاح

وريني بعداك

ابيييييييت وتصبح ع خير

م اصبح ولا شي،موش م عايزة تكلميني ان شاءالله اموت

تف من خشمك بسام انت جنيت صاح

اي

طيب اقفل اسي ارجع البيت نتفاهم الصباح ولو وصلت وريني

اسي م كنتي عايزة تنومي

انوم يعني

لالا خلاص بعد اصل بتصل ليك