#رفيقي 👫
#الحلقة_الثالثة_عشر
✍نــيـدووووووووو
عدت الايام بي سرعه شديد حسيت انو كل م تغرب الشمس انا ببعد عن المكان البحبو والناس العشت معاهم احلي ايامي العمري م بعدت من جنبهم ولا هم بعدو مني تصرفاتي بقت مرهفه اكتر اقل شي اعملو بحس انو م ح يتكرر تاني دموعي بقت قريبه كانو م كان الخيار خياري حسيت انو ف شي جابرني للحظة كنت ح اعدل عن قراري واقرا هنا بلا طب بلا وجع قلب 😹😹😹بس بنفس الانكسار الحاصل لي كل م بسام يتكلم معاي بحس انو جبر خاطري من يوم كلمتو وهو راسم لي احلام حدها السما كل يوم بعيشني احساس احلي من القبلو برسم لي حياتي هناك كل التفاصيل ح نعمل شنو ونقرا كيف ونمش وين ح نتكلم عن شنو وم خلي تفصيل م فصلو لي مجنون ياااااخ طبعا جا اجازة ف رمضان وبعد العيد رجع قال عندو امتحانات ح يخلص تالته خلاص
لسة بتزكر لما كنا ف الاساس اول مرة نتعرف كنت ف سنة خامس اساس لما شفت خالتو سعاد واقفه مع ولد شايله ملبن شاي ومشط،بترتب ليهو شعرو وبتديهو الشاي وهم ف الشارع انا ماشه المدرسة واتعودت اسلم ليها قالت لي قبل المرة عندها اولاد ف السعودية ومن ضمنهم واحد صغير ح يجي يقرا تامنة هنا من شفتو قلت اها بكون دا ولدا جارية ماشه الفرن اجيب لي رغيفه عشان يعملو لي سندوتش القروش فكة وقعت مني شافتني خالتو سعاد جات علي
مالك ي فرحة
قروشي وقعو هنا
انتي ماشة وين
الفرن
دنقر رفع القروش ومداها لي وهو ساكت
قلت ليهو شكرا يلا ي خالتو انا ماشه
كملت طريقي اشتريت وجيت حبوبه عملت لي الساندوتش شلت شنطتي ومشيت المدرسة جيت البيت وكالعادة بالعصر بمش لخالتو سعاد تزاكر لي شلت كراساتي ومشيت لقيتا بتزاكر لولدا دا سلمت عليها قالت لي
فرحة دا بسام جا من السعودية عشان يمتحن هنا رمقني بي نظرات مستفذة كأنو م كان مهتم امو قالت ليهو دي فرحة جيرانا وبتي الصغيرة سلم عليها ي بسام عاين لي مسافه وقال
عايزة شنو
اتغظت منو م رديت ليهو
بسم الله ي،بسام مالك معاها هي بتجيني كل يوم بزاكر ليها العصر انت شيل كراساتك وامش زاكر جوة ف غرفتك اقعدي ي فرحة الليله ادوكم شنو
قام ومشي بي زهج م اشتغلت بيهو قعدت زاكرت لي ولما جيت ماشة ادتني تفاحة وانا مبسوطة راجعه لاقاني ف الباب قال لي
تاني م تجينا دي امي انا ودي حاجاتنا جيبيها
انا زعوله شديد طبعا وارحم لي زول يكفتني ويضربني بدل يعلي صوتو علي طوالي رميت ليهو التفاحة ومشيت قعدت ابكي وريت ليهو حبوبه اثناء كلامنا جات خالتو سعاد ماسكاهو من يدو سلمت لينا حضنتني قشت لي دموعي واعتزرت مننا وقالت ليهو يلا اعتذر منها سريع
أنت تقرأ
رفـيقي 👫
De Todoماذا لو كان الحب يختبئ خلف الصداقه ماذا لو اختبئت الغيرة خلف مزاحنا لو ظنناها خوة ثم اكتشفنا العكس تعالو لنري 😍
