رفـيقي 👫

#الحلقة_الثانية_وعشرون

#رفيقي 👫
#الحلقة_الثانية_وعشرون
#بقــ ✍ــلم نــيدوووووووو

الصباح مشيت وكنت شغاله المحاضرة الاولي م اتلاقيت مع بسام جدولنا كان مضارب اليوم دا لما اكون فاضيه هو شغال زمن الفطور لقيتو بس م اتكلمنا كتير كانو معاي ناس بلسم وهو معاهو اصحابو شلنا فطورنا ومشينا قال لي نهايه اليوم نتلاقي بس انا شغاله 4محاضرات الليلة وهو عندو شفت دوامو مسائي قال ح يرجع البيت عشان يمش المستشفي طلع م اتلاقينا عدا الاسبوع كلو كدا نادرا م نتلاقي وبسمة دي م لقيتا طول الاسبوع مرة كانت خاته صورة ليها ف الاستوري هي جوة صيدليه وكاتبه
(صيدلانيتو ✌) في الريبلي قلت ليها
(السلام علي اعينكم حين تقرأون روشته الدواء 💖✋)

😻😻😻فررروووحتي ياااااخ كلامك حلو زيك كدا

ولو بحب الصيادلة ياخ😍

هههههه وم كان تقري صيدلة

بدون احس قلت ليها كنت عايزة اقراها بس وعدت بسام نقرا سوا

يعني م داخله طب عن رغبه دخلتي عشان بسام؟

يداب انتبهت لنفسي «قلت ليها لا م كدا اصلا بحب الطب ومن صغيرة كنت بسمع بسام بيقول عايز يبقا دكتور وحببني فيهو بس كدا ☺واصلا م ف فرق بينهم

اها كويس انا زاتي كنت عايزة اقرا طب بس لما جيت السودان نقصو لي نسبتي ونقصني 1%من الطب قلت اقرا صيدله م فرقت

كلو لخير 💙

وطوالي طلعت من الواتس تاني من اليوم داك م اتونسنا اتصلت لخالتو سعاد مرة سالتني من بسام وكدا طمنتها عليهو وقالت لي هي زاتا ماشه السعودية المرة دي تقعد مع اولادا وتودي امها وابوها عمرة وكمان عفورة متواصله معاها مرة قالت لي امش ليها ف جامعتهم قلت ليها كويس بجيك كل الناس عارفه اخبارهم وتفاصيلهم م عدا بسام 😓💔بقا بعيد مني كل البعد وصلت مرحله يوم كامل مرات م بنتونس هو مشغول وانا مشغولة بقيت م بدخل الواتس يومي الدراسة كترت ياخ بنشط،مرات يوم الخميس بس مرة اتوضيت وماشه علي المسجد شايفه غسان داخل المسجد رفع لي يدو سلمت ليهو وبعد صليت طلعت لقيتو واقف لي جنب الكلر منتظرني سلمت عليهو وسالني اذا شغاله محاضرة ولا لا قلت ليهو م شغاله قال لي خلاص معناها تقعدي تتونسي معاي بس،

معليش والله بس مسكت صحباتي شنطتي وهم ماشين الداخليه م ح ينتظروني خليها مرة تانيه

لا ياخ م بنتلاقي تاني جدولنا مليان انتي دايما مشغوله كدا

ههههههه م حكايه مشغوله بس انت دايما بتجي لما اكون مشغوله

خلاص الليله نحن الاتنين فاضين اسي شيلي شنطتك من صحباتك ونتونس حبه بس وامشي

اوك ح اجيبا واجيك