هلاو القصه بخط شمس هذه اول قصه الي و القصه خياليه 100٪ اتمنى تعجبكم
. ______
.هلو اسمي ميار عمري 18 سنه كلش حلوه و شكره و بيضه و عيوني عسلي و وسط و خشمي صغير و شفتي جنهه كرزايات و شعري طويل و ثخين جنت كلش خجوله و نازكه كلش نجحت من السادس و طلعت معدل 94ونص فتت صيدله كلية بغداد الجامعه طبعا الفرحه متنوصف راح ابدي قصتي.....
قبل اسبوع من اول يوم كليه رحت للمول حته اشتري ملابس و ميته من الفرح .... ف فتت ع محلات و شتريت اني و اهلي امي و اخويه و بيبيتي ام ماما بابا مكدر يجي ف شتريت ملابس و اكسسوارات و كلش جانو حلوات و نازكات بعدين جعنه و رحنه تعشينه بالمول ف اني رحت اجيب الاكل اخويه عمره 17 سنه بس مراح جاب اكل النه جان يم اصدقاءه بالصدفه شافهم المهم رحت اوصي اكل و اني و دا امشي للمطاعم و دا افكر باللبس و الاكل لان جنت ميته جووع ،🤦🏼♀️😂
اصتدمت بواحد جان شويه ضخم و منتبهت ع شكله كتله اسفه اسفه جان يكلي شبيج متباوعين شنو اسفه اسفه اني ظليت اعتذر و اكله مجان قصدي لكيته صافن بوجهي و مويمه السالفه طبعاً جنت ممخليه ولا قطرة مكياج المهم كتله باي و اسفه مره ثانيه هو كلي روحي الله وياج عفته و اني ظليت مصدومه من الفشله الي اكلتهه وصيت اكل و رجعت كعدت يم اهلي و اني افكر بالنظرات و الشكل و مدري اضحك مدري ابجي 😂💔
وره شويه رحت اجيب الاكل رحت جبته و اجيت و وصلت يم اهلي و كعدنه ناكل و كملنه اني اشتهيت دونات رحت اشتريت و اجيت كعدت اكل و كملت رحت جبت مي الاهلي داا كعد بمكاني جان اشوف هدومي كله ككو و ملابسي جان لونهه فاتح 🙎💔🤦🏼♀️
ظليت اباوع لماما و اكله بنظراتي الي مليانه دموع و ضحك شنو اسوي هسه كلتلي مو شتريتي كنينكس مرطب كلتله اي كالت اخذي و نكعد نمسح الككو اني و وياج بسرعه مسحنه بس تنكعت هدومي و جانو فاتحين تبريد و الدنيه شته كلتلي روحي نزلي طلعي برا المول كعدي لان هيج تتمرضين هسه احنه شويه و نلحكج كلتله ميخالف نزلت و ملابسي منكعه و الكل يباوع عليه و اني بنص هدومي صرت
طلعت و كعدت ع البايات مال الدراج و مجرشه من البرد و مادري شسوي 😔 و اخذني التفكييير و محسيت اله ع واحد يكلي محتاجه شي بيج شي اني اول مرفعت راسي لكيته نفسه الي اصتدمت بيه هنوب انصدمت كلت هذا مين طلعلي بكلبي ف جاوبته ها اي لا مادري شكرا 😂💔
هوه طكهه بضحكه و كلي شبيج حتموتين كتله مابيه شيي و درت وجهي كلي هاج هاي سترتي اني نصدمت كتله ها لا شكرا ما اريد مابيه شي و هسه حفوت جوه متقصر باي
كلي وين هيج تتمرضين تعالي اخذي. الستره تره ما اريدهه كتله شكرا والله مابيه شي و هسه حشتري ملابس/ طبعا اني نسيت اشتري ملابس من تنكعت هدومي من كال سترتي تذكرت اروح اشتري رحت صعدت بسرعه ع اهلي بنفس المكان لكيتهمم ماهمه كلت اهوو و الجنطه مالتي يم ماما جانت و بيه تلفوني كلت خرب انه شحسوي شويه فتريت بالمول حته ادور ملكيتهم رديت نزلت و كعدت بنفس مكاني شويه نشفت ملابسي او بالاحره تعودت ع البرد 💪💔
وره شويه جتي ماماكلتلي يله تعالي حنروح كلتله بعد وكت ردت انام بمكاني ضحكت كالت شمدريني نسيناج كلتله هو هم هذا تالي وكتي تنسوني و ضحكنه 😂😂
رجعنه للبيت و اني فرحانه بالملابس الي شتريتهم لان الكليه كلش متحمسه الهه من اني و صغيره جنت اجلب بخوالي و بخالاتي حته ياخذوني وياهم للكليه و جنت اروح وياهم المهم....
__
حبايبي
طبعا بالبارتات الجايه راح تتعرفون ع ميار اكثر و ع اطباعها و هيه كلش كلش خجوله لدرجه تستحي تساا ع الاسعار و من هيج شي يعني مرات تتجرأ و مرات لا
__
لهنا و نختم البارت الاول اتمنى تعجبكم اتفاعلوا حته انزل اكثر و اكتب بعد.... مثل مكلت القصه خياليه
أنت تقرأ
صدفتي الجميله....
Fantasyصدفةٌ .. ما أجْملَ الدُّنيا بِهاأجْملُ الأشياءِ تأتي بالصُّدَفْذلك الإحساسُ ما أروعَهُبِهواها دقَّ قلبي وارتَجَفْغرَّد الشَّوقُ بسمعي وانتشىخافقي حينَ رآها وعَزَفْبعدما تاه الْهوى عنْ طُرُقيونسِي الْحُبَّ فؤادي واعتكَفْأنا أهواها .. وهِي تسكُنُنيمَن...
