.
مر هذا الاسبوع و اجه يوم الاحد اول يوم دوام كعدت الصبح و اني فرحانه و خايفه لان ماعرف شسوي و شنو اتصرف و ما اعرف احد لكيت ماما مسويتلي ريوك تركيت شلون مجان و لبست و طلعت بابا وداني بالسياره و وصلت للكيله كلي اذا تحتاجين شي خابريني و ديري بالج ع نفسج كتله صار بابا و بسته و نزلت و اول منزلت خايفه و ماعرف شلون احجي اخاف اتفشل و ظليت امشي وصلت للسنتر تقريبا و فتنه بالقاعه مالتنه ☺️
تعرفت ع بنيه اسمه رانيه و كمنه نمشي سوه حته نكضي وكت و منتيه 😂😂 اباوع الكل يباوعولي بنظره غريبه لان ممخليه مكياج بس مسكاره و جنت بيضه و شفايفي بس مرطب و كل البنات الي ويايه بالقاعه تارسين وجهم مكياج اني بابا ممانعني من المكياج اني حريتي انو ما اريد اخلي مكياج
و خلص اليوم و اخذت رقم رانيه و تحاجينه من رجعت و سولفتلي عن حياتهه بشكل بسيط و اني هم و تغديت و حضرت هدومي و سبحت وراها نمت حته اداوم ثاني يوم الي بالكليه💜💪
.....
كعدت ثاني يوم هم تريكت و بدلت ع السريع و مخليت مكياج بس مسكاره و خفيفه و وصلني بابا و نزلت و مشيت شويه و دكيت ع رانيه و بعدين جتي رانيه وظلينه نسولف و نطك صور و كل هذا بس النظرات لاحكتني و مخلصانه..... بعدين دنمشي اني و وياها دنروح للقاعه محسيت اله شخص ضخم صدني و وكف كدامي شويه بعيد.....
________
اسمي عبدالله مرحله ثانيه صيدله كلية بغداد جنت مو كلش ضخم ضخم و معانيي حلوه عيوني حاده و بنفس الوكت ملامحي بين الحاده و الطفوليه عندي لحيه صديقي اسمه احمد اني و وياه الروح بالروح عندي سياره رانج بس مو كلش حديثه اني متواضع و ممتكبر و انيق و ابد ما احب البنات و جانو البنات يذبون روحهم عليه و اني ولا يمي لان اكره البنات كلش..... جنت فد يوم رايح اني و احمد للمول و رحت اوصي اكل و وصيت و دا ارجع يم احمد محسيت غير وحده ناعمه نظربت بيه و رأسا سمعت وحده صوته مو ناعم ولا خشن بس حلو و رقيق تكلي اسفه اسفه و تعتذر اني كلتله شنو متباوعين و بعدين سكتت و هيه ظلت تكول اسفه و اني صافن بالملامح و الوجه و العيون عمري مشايف هيج وحده حلوه و حسيت ع كملة باي و اسفه كلتله ها الله وياج و عافتني و اني ظليت صافن و بعدين مشيت بس مراحت من بالي رجعت ع صديقي يكلي شبيك صافن كتله بعدين كلي اوكي
بعدين جبت الاكل و اكلنه و كملنه و نزلنه جوه بره المول وكفنه شويه واكلنه ذره لمحت وحده من بعيد ترجف و بردانه كاعده ع البايات مال الدراج رحت عليه تقدمت شويه شفت هاي نفسهه الي انظربت بيه رحتله و كلتله تحتاجين شي مسمعتني كلتله مره ثانيه جان تكلي ها لا اي شكرا جانت تخربط لان تفاجأت من شافتني كلتله هاج سترتي ما احتاجاهه هيه رأساً كامت و كالت شكرا هسه اشتري هدوم و عافتني......
اني نقهرت عليهه بس جانت شويه هدومهه منكعه (مبلله) بعدين صاحني احمد كتله اجيت كلي منو هاي و سولفتله جان يكلي هاااااا عرفت ليش صافن الافندي.... ضحكت و كتله اسكت مو هيج يله امشي نروح...
____
لهنا ر نكمل هذا البارت احبكم و ادعموني
أنت تقرأ
صدفتي الجميله....
Fantasyصدفةٌ .. ما أجْملَ الدُّنيا بِهاأجْملُ الأشياءِ تأتي بالصُّدَفْذلك الإحساسُ ما أروعَهُبِهواها دقَّ قلبي وارتَجَفْغرَّد الشَّوقُ بسمعي وانتشىخافقي حينَ رآها وعَزَفْبعدما تاه الْهوى عنْ طُرُقيونسِي الْحُبَّ فؤادي واعتكَفْأنا أهواها .. وهِي تسكُنُنيمَن...
