#البارت الرابع والعشرون...
#اسمعني صوتك
#للكاتبه روزايه...
بَعدنِي أشتآك وآدعِيلك ..
بعدني لـ هسَه آغنِيلك
بعَدني مِن آكعد لوحدِي
مكآن بـ صفي آخليلك !....
بيسان... دخل مراد وهويصيح ايهاب لازمته امه تريد تهدي لايتخربط وهو نار واشتعلت طلع ايهاب من غرفته وهو ياشر بيده شبيك تصيح ...
مراد... لك حقير ونذل ماتكدرلك لمره توكفهه عند حدهه حذرتك اكثر من مره وكتلك ديربالكم اشوف واحد منكم يطخ بيسان الحجي مانفع وياط تبقى نذل طول عمرك...
ايهاب... مراد تحترم نفسك لولا اني اكبر منك وواجبك تحترمني من يمتى وجاي تعلي صوتك عليه علمود هاي الصفره المسيحيه...
بيسان... هو كال هيج ومراد يهد على ايهاب واحمد وعمي حجزوهم وصوت الصياح وين واصل مراد يغلط وايهاب يرد علي ماكدرت ادخل ضليت بس اتفرج...
مراد... اسمعوا كلكم اذا ماطلع ايهاب من البيت منا للعصر والله والله وتعرفوني من اكول شي انفذه هسه افلشه فوك راسكم طابوكه طابوكه ....
سمعت ايهاب لو اعيد براسك هسه تاخذ مرتك وتنطم عسما للمكبره روح اكعد يم خالتك بجهنم اذا شفت دموع كدامي اكبر واحد مايخلصهه من ايدي وديربالك رجل تعتب للمعارض اسويك فرجه لليسوه والمايسوه...
... عمي دفع ايهاب وطلعه ومراد صعد للغرفه وصعدت ورا يارب هدي راح ينجلط بس دخلنه لزمته من ايده ...
... مراد راح تموت منو يفيدني ايهاب لومرته صحتك راح ادمرهه بهاي العصبيه فدوه اروحلك كافي...
... لج والله لو مارجلهه موجود وحرام امد ايدي عليهه لامثل بيهه تمثيل هالحقيره هاي هي سبب دماري ...
... هدي حالك خلي تولي شجاك اجيت كاب عليهم فد كبه...
... صبا شايفتهه من مخليه الزاهي بالحمام وماملحكه دكلج عبالهه تريد تغسله متعمده تسوي هيج هاي حيوانه شلون رادت تقتل نفس بريئه بسبيل تحقق غاية اختهه ال......
... الرب موجود هو الكفيل هسه من طردته وين راح يروح...
... خلي يروح لجهنم هالناقص غيره استغل مرضي وماخذ فلوس من المعارض دفاتر ولج غير ساكت واكول اخوي الجبير ولخاطر ابوي ....
ياكل حرام وربا ومخليه افلوسه بالاقمار ويتراهن وين ماكو كاوليه يروح يسهر يمهن متشوفي يوميه بمحافظه يركض ورا النسوان...
.... عزااا وماخذ من فلوسك...
... اي ساحب من المعارض بحجه مراد مريض ومن واجهته يكول جبت سيارات من الامارات وخسرت بيهن...
اني اصلا ما اشتغل هيج شغل حرام حته ارباح وفوائد موصي الكل ممنوع تاخذون الف وهذا العار نزل راسي...
