#البارت السادس والعشرون...
#اسمعني صوتك
#للكاتبه روزايه...
تعال ارجعلي كافي هوايه الك مشتاگ...
ماخليت رب ومادعيته...
مايعتب عليه بالدنيا امام...
اله ورحت يم بابه ونخيته..
ماضل اي دعاء كالولي بي زين..
كبل من الصبح رحت اشتريته..
نسيت العمر كلشي وكلشي ناسي..
بس يوم الي رحت بي صدك مانسيته..
بيسان....
لازمه قميصه واصرخ مراد لاتعوفني ولك مراد افتح عينك لاهيج تشاقه وياي حبيبي مراد افتح عينك....
اي رد فعل ماكو لمراد دمه ينزف بغزاره اخر لمسه الي حضنته من وجهه وابوس بيك اريد بهاي اللحظه تطلع روحي اخذني يارب اخذني هسه ....
بعده صوت الطلقات يرن باذاني ماحسيت غير باب السياره انفتح واثنين لابسين اسود يشحطون بيه ايده بايد مراد حته سحبته وياي....
واني اصرخ بعلو صوتي عوفوني مراد كوم راح ياخذوني اجتني ضربه قويه على راسي وكعتني بالكاع....
انتبهت والالم ياكل ببطني وراسي صاير بي انفجار كوه افتح عيوني الدمع حاركهه الساني بس يردد مراد مراد ....
باوعت على نفسي بسياره كيه حمل وبيهه جادر ويمي نسوان اكبر مني وهم يبجن ....
صرخت بصوت مراااد وكمت من مكاني والسياره تمشي والطريق عثر لزمتني وحده من النسوان وكعدتني ادفع بيهه واصيح عوفوني اريد اشمر نفسي من السياره....
التمن عليه ولازماتني ويسكت بيه واني افرفح اريد امد ايدي واشلع كلبي من صدري الحركه والالم ما الهه مثيل....
بطني تأذيني حيل نفسي لعبت كمت اتقيء دموعي جمر وتنزل على خدي ...
وين عفت مراد وين اني حاجتني وحده منهن كالت يمه استهدي بالله الله يرحمه زوجج ...
... هي كالت هيج واني نار واشتعلت بيه دفعتهن بكل قوتي وشمرت نفسي من السياره وهي تمشي بالطسات....
هي وكعه هي وكفه على حيلي ورجعت بنفس الطريق اركض حافيه رجليه تجري دم بس ما احس بالالم الالم بكلبي ....
اركض بكل سرعتي اريد الحك على مراد اريد انقذه اريد اموت يمه اني ويا سوه ما يعوفني هو كالي ....
اركض والهث من التعب واحس الالم يكطع ببطني التفتت واشوف 3 زلم يركضون وراي وقريبين عليه ...
كمت اركض سريع واصيح كوم مراد كوم ماتقبل واحد يشوف طولي وهاي الزلم تركض وراي...
ماحسيت غير جره من حجابي والضرب انهال عليه من كل مكان حميت بطني باديه والدفرات احسهه ويه كل ضربه روحي تطلع وياريت طلعت....
رجعوني لسياره واني منتهيه اي حيل ماعندي خشمي ينزف وضهري عبالك طلقه وثارت بي ما اكدر اتحرك ....
