#البارت الخامس عشر....
#اسمعني_صوتك
#للكاتبه روزايه...
اخ لو عندك عيـوني
چا لگيت بمايهن راكد سمارك....
.....
بيسان...
كاعده اقره بليل واجه مراد تقريبا ب10 نزع ملابسه وراح للحمام سبح وطلع حته بدون مايكول حضريلي ملابسه اعتمد على نفسه...
ضليت كاعده اقره شفته راح للميز يكتب على السبوره مدري شكتب وعافهه بين مامشط شعره جابهه وخلاهه كدامي جنت كاعده ع الجربايه ومفرشه بنص الكتب....
مراد... باجر معزومين يم صديقي زيد اخذج انتي وامي خاف تستحين...
بيسان... منو زيد وبمناسبه شنو العزيمه..
... بدون مناسبه هيج مجرد تعارف لان ماعزمني بالعرس المهم حضري نفسج باجر اجي عليج من الدوام اخذج اني راح انام...
...عافني ونام جريت تنهيده طويله زعلك صعب وعنيد حيل شوكت راح تفل اني كملت قرايه ونمت حته من اكعد للدوام هو كاعد قبلي وطالع ....
بالدوام صارت الساعه ب11 اجه عليه وطلعت لكيته جايب خاله ويا يدري بيه استحي وما اعرف اجامل....
وصلنه للبيت ماشاء الله بيت ضخم شكبره فتحتلنه الباب مره جبيره مبينه تشتغل عدهم امشي واتلفت عندي احساس غريب حيل ....
مسك...
واكفه اباوع على الخطار واني اشوفهن يتقربن ياربي اني بحلم لوبعلم لوعيوني صار بيهن شي هاي بيسان لوتشبهه ...
ركزت حيل واني اشوفهه تمشي وتلتفت من خالتهه تاكدت هي لان شفتهن بالعرس ...
هنا حسيت احساس موطبيعي لقاء الاحبه شعور ماينوصف فتحت الباب وركضت عليهه وهي بعدهه صافنه ودايره وجهه حضنتهه ....
حسيتهه جمدت واستغربت الوضع ابتعدت عنهه واني اباوعلهه شفت عيونهه غركت بالدموع وهي تصيح مسك مسك ...
دقايق واحنه متحاضنين ونبجي حسيت بدفو ايدهه وهي تخليهه على خدي وتطمن عليه استحيت من خالتهه مارحبت بيهه التهيت ...
مسك... اتفضلوا اعذريني خاله تفاجأت بجيه بيسان..
ام ايهاب... زاد فضلج خاله ...
مسك... دخلوا للصاله وتلكتهم الحجيه واني الفرحه ماواسعتني حته الحجيه تاشرلي عود شبيج...
بيسان... مسك معقوله شفتج ماجاي اصدك شجاي يصير لج عقلي راح يوكف...
مسك... اسكتي اني مامصدكه هاي مفاجئه لومدبره...
... والله ما ادري مراد كال صديقي زيد عازمنه...
... تدرين الي ساعد زيد وطلعوني من السجن هو مراد زوجج...
ياربي شكد الدنيا صغيره ندور بنفس الدائره ونجيب بلافكار السيئه ونجمعهه داير مدايرنه وبين رمشه عين يتغير الحال. .
... تعالي احجيلي كلبي طاك عليج شلون صار هيج وياج ومنو زيد بسلا العقيد ولج...
... اي العقيد عم سهى هو الي ساعدني هسه انكوم واحجيلج فشله من الحجيه....
