#اسمعني_صوتك
اجتماعيه قيد الكتابة
#Rozaya1122
#البارت الثاني عشر....
#اسمعني صوتك
#للكاتبه روزايه...
وآنه أول بنادم گلبه مايبرد
أنه المبيوع سد بسد
آنه الخلص حياته يگول
چا وحد ؟
....
مسك....
انفتح الباب دخل المختارسلم على المدير تفاجأت بي اعرفه هذا الرجال...
نفسه ابو المحل ابو احمد الي كلما افوت اسلم علي ومرات يشيل كيكه ينطيني هو نفسه الي نبهني على السياره من رادت تضربني بيتهم براس الشارع مالتنه...
المدير... ابو احمد تعرف المتهمه بنيه ومانكدر نوقفهه بالسجن على ذمه التحقيق الا تصعد اوراقهه للقاضي ونحولهه لسجن النساء راح تاخذهه يمك وانت الكفيل مالتهه اذا انهزمت تنسجن تعرف التعليمات بعد ماكو داعي انبهك...
المختار... سيدي ما اعرف شنو اكول بس هاي البنيه يتيمه واني من زمان بالمنطقه ابوهه ينحلف براسه الله يرحمه صارت ضحيه بيد عمهه ومرته الي اصلا سمعتهم تعبانه ورجال سكير وهو راح للرحمه يعني مستحيل يطلع هيج تصرف منهه...
.... يا ابو احمد احنه هنا انطبق القانون بس اذا بريئه الله ينصرهه اكو ادله واكو شهود هاي كلهه تصعد للمحكمه وانشوف.....
... والله حرام تاخذوهه بجرم غيرهه شنو هالطفله وتضرب سجينه وتحفر وتتدفن هالعقل مايستوعبهه بنيه مجتهده مثقفه كل سنه الاولى على قسمهه تشوه سمعتهه والجاني يفتر بطوله...
هسه المنطقه كلهه تصيح مسك تخاف الله ونعم التربيه وكلهه تدري مرت ابوهه مو زينه وياهه وعمهه واحد سكير واصلا عنده سوابق مال سرقه ...
... اني مابيدي شي حته اني مو ظابط تحقيق تتحول اوراقهه وانشوف شنو يقرر القاضي واذا ماعليهه دليل مستحيل تتعاقب.......
.... هاهي سيدي راح اخذهه يمي بس انت هم على كيفك وياهه وانريد وكفتك ...
... ان شاء الله ابو احمد من راح ترفع الاوراق انوصي عليهه..
مسك... التفت عليه ابو احمد وكال يله بويه كومي ربج ماينساج ويضيع حقج...
طلعت ويا ودموعي ماجاي توكف شلون هيج راحت سمعتي اكيد هسه حته بالكليه طشت وصرت على كل السان المنطقه كلهه عرفت وصرت علج بحلوك الناس ....
طول الطريق ابجي على نفسي شكد شبعت ذل وكل يوم اكعد عندي امل اخلص منهم ...
وصلت لبيت ابو احمد الي بس هو ومرته وبنته مريضه بيهه صرع ومقعده واحمد ابنه متزوج وطالع ماعدهم احد...
تلكتني ام احمد سلمت عليهه ومستحيه حيل سوده بوجهج مسك على هاي الوكعه عمرج ماطابه بيت غريب تالي هسه اطبين متهمه...
