انا اسمي احمد مش شغال حاليا عاطل زي
معظم الشباب اللي في مصر و عندي 24
سنه . . . الحكايه اللي انا هحكيها دلوقتي انا
شاهد عيان على أحداثها مش بس كده انا كنت
في أوقات طرف في الحكايه و شوفت بعيني
اللي انا مش ممكن اصدقه لو حد بيحكيه
الا . . . . لأني بصراحة مش بصدق الحاجات
دي . . . . المهم انا عندي اخت اسمها هدير
أصغر مني بتسع سنين . . . . و الحكايه دي
أبتدت لما هدير كان عندها تقريبا خمس سنين ،
كنت بشوف هدير بتتكلم مع حد انا مش شايفه
ولما كنت بسألها انتى بتتكلمي مع مين كانت
بتقولي بتكلم مع صاحبي أحمد , في البدايه
انا كنت فاكره مجرد خيال اطفاله بس
الموضوع استمر معاها فتره كبيره جداً ولما كان
عندها 6 سنين بدأت تقوم من النوم مفزوعه
ودايما كانت بتبقى خايفه ولما نسألها في ايه
كانت مش بترد الموضوع تطور جدا بقا لما هي
قررت انها تصارحنا بالموضوع وقالت لنا انها
معاها عفريتين مسلمين واحد اسمه أحمد
والتاني محمود احنا طبعا مش صدقناها في
الأول وافتكرنا الموضوع مجرد خيال أطفال
لان طبعا الكلام ده لو بجد تبقي مصيبه أو علي
الاقل هتكون اختي اتجننت ولكن لسوء الحظ
طلع كلامها صح هدير قالت لنا انا هثبت لكم ان
كلامي صح وحقيقي وهقول لكم على حاجات
انتوا عملتوها فعلا المدهش في الموضوع انها
لما ابتدت تقولنا ، كلنا وقفنا مندهشين . . لان
الحاجات اللي هي قالتها حصلت فعلا وماكنش
حد يعرف حاجة عنها الا . . . صاحب الموقف
نفسه بعد ما هدير قالت لكل واحد على موقف
حصل معاه لوحده . . . خالتي خدت هدير في
حضنها وابتدت ترقيها ،راحت هدير باصلها بصه
غريبه وقالت لها اوعي تشتري العبايه الستان
السودا عشان ضيقه جدا وملفته . . . خالتي
اندهشت اكتر لأنها فعلا كانت . . . هتشتري
عبايه ستان سوده خالتي من فرحتها فضلت
تكبر الله اكبر بصوت عالي جدا ، خالتي قالت
البت دي عندها كرامات وربنا راضي عنها . . .
انا عقلى ماكنش مستوعب اللى شوفته قدام
عنيا وبعد كدا هدير بقت تطلب طلبات غريبه
ولما حد يسالها ليه ؟! تقوله دي طلبات احمد
ومحمود وفي يوم طلبت بخور ومسك . . . . .
ولما دورنا على البخور . . . . والمسك مش
لقيناهم و واحد عطار قاللنا ان الانواع دي
بتيجي بالطلب من . . . السعوديه لانها مش
موجوده في مصر طبعاً احنا مجبناش البخور
والمسك، وهدير كانت زعلانه وكانت بتقولنا ان
أحمد ومحمود تعبانين جداً و بقى جسمهم
هزيل جداً ، وكانوا بيطلبوا منها انها . . . تلتزم
بالصلاه هدير بقا كانت مره تلتزم وتصلى ومره
لا وكانت مش مواظبه على الصلاه في معادها
احمد ومحمود كانوا بيقولوا لها ان قوتهم بتزيد
لما هي تلتزم بالصلاه وبتقل لما تبتعد عن طاعه
ربنا . . . وقالوا لها ان المسك والبخور اللي هما
كانوا طلبوه . .
