Seperated By Destiny - United By Dreams (On Hold)

Jannat Breaks Up With Faisu

Jai: Dadi Aashu se bohot pyaar karti thi aur isase pehle ki chachu chachi Aashu ki custody ke liye jhagadne lage unhone chachu chachi ko ghar chodke jane ke liye keh diya aur Aashu mom dad ki beti ban gayi.. kuch saal baad wo dono phir aaye..

Jann: whatt?? Ab kyu??

Jai: Aashu ke liye lekin tab tak Aashu ne mom dad ko apna liya tha.. wo badi ho gayi thi aur usne khud hi court mein keh diya ki wo hamesha hamesha ke liye hamare sath rehna chahti hai aur uski custody mom dad ko mil gayi phir dadi ki death ho gayi... Biologically na sahi lekin Aashu mai mom dad ab ek family hai.. hamare beech koi duriya nahi hai... Infact use na ladki hone ka fayda milta hai.. mom dad mujhse jyada usise pyaar karte hai... Lekin I am not jealous kyuki jitna jyada mom dad Aashu ko pamper karte hai utna didi mujhe pamper karti hai... so now we are happy family lekin bachpan mein in sab ke chalte Aashu ka pyaar par se bharosa uth gaya aur ab...

(Jannat's eyes are all filled with tears)

Jann: aur ab kya Jai?

Jai: aur ab wo kabhi kisise pyaar nahi karna chahti.. kabhi kisise apne dil ki baat nahi kehna chahti.. usne apne dil ko tala maar rakha hai lekin kahi na kahi mai janta hu uska bhi ek dil hai jo kisi na kisi ke liye dhadkega.. kisi ko apna sab kuch manega aur itne saalo mein Rohan ke alawa kabhi koi uske dil ke kareeb nahi aa paya hai.. best friend ke naate sahi lekin Rohan hi hai jo Aashu ke dil ki har baat samajh jata hai.. shayad mujhse bhi pehle Rohan Aashu ka dard mehsoos kar leta hai

Jann: kya wo Aashu se pyaar karta hai?

Jai: pata nahi.. wo dono ek dusre ko bass best friends kehte hai.. Aashu ko mai samajhta hu wo kisiko date hi nahi karna chahti lekin Rohan... You know pehle mai aur Rohan bohot acche dost hua karte the lekin baadme... Wo Aashu se mila aur unki dosti ho gayi.. kaafi dino tak we were the best trio lekin...

Jann: lekin kya??

Jai: lekin dheere dheere Aashu Rohan ke saamne apne aap ko express karne lagi.. apne dil ki baatein karne lagi.. mai bohot khush tha aur maine un dono se baat karne ki bohot koshish kari ki wo ek dusre ko chance dene ke baare mein soche.. mujhe laga tha maybe unke beech ek perfect relationship establish ho paayega.. shayad meri behen ke life se ye khalipan dur ho payega.... Shayad...!!!

Jann: lekin tumhe to unki dosti bhi pasand nahi na..

Jai: haa.. matlab nahi.. tum galat samajh rahi ho.. mujhe unki dosti pasand nahi kyuki mai chahta hu ek to wo Rohan Aashu ko pyaar de ya phir kam se kam use dusre ladko ko notice karne ka mauka de kyuki unki so called "FRIENDSHIP" ke chalte di kisi aur ko notice bhi nahi karti.. unki duniya bass Jai aur Rohan ke aaju baaju ghumti rehti hai

Jann: matlab Ashnoor ka tum dono ke alawa aur koi dost nahi hai?

Jai: Nahi yaar.. Aashu is a very happy to go lucky girl... uske bohot saare friends hai... Infact iss college ke maximum students Aashu ke dost hai.. lekin wo un sab doston ke saath sirf apni khushi baantati hai... Jab wo udaas hoti hai na tab uske paas bass mai aur Rohan hi hote hai.. pata nahi kya rishta hai un dono ka lekin meri nak mein dam kar rakha hai unki dosti ne.. roz raat ko ek to wo hamare ghar khane pe aata hai ya phir Aashu uske ghar khana khane jati hai lekin phir bhi unka rishta kya hai? "Just Friends" I am sooo fed up yaar.. kal raat jab wo khana khane aaya tha na man kar raha tha saara table par ka panner chilly uthau aur uski aankh mein daal du lekin kuch kar bhi to nahi sakta na.. Musicana ke Principal ka beta jo hai..

Jann: kyaa??

Jai: haa... Isiliye wo chahe jo karle uske khilaf koi jata nahi hai

Jann: Anyways... Lekin mujhe to lagta hai tum hi bewkoof ho

Jai: kyaa??

Jann: haa.. tumhe nahi lagta tum kuch jyada force kar rahe ho Ashnoor ko

Jai: maybe.. lekin mai to uski khushi hi chahta hu na