#جبَروت 🖤
الحلقه الثالثه
ماما / انتي يا بنت نوضي راهو راجلك جي ويسأل عليك
انا نضت مخلوعه / 😮 عماد ؟؟ شن جابه علاش جي ؟
ماما / منعرفش نوضي ساوي وجهك المقلوب واطلعي لراجلك
انا / باه🤨
انا نضت خشيت للحمام " حشاكم " طلعت صليت ومشيتله ف لمربوعه لقيته هو وبابا
انا / السلامُ عليكم
هما / وعليكم السلام
عماد اشرلي متع تعالي جمبي /
انا مشيت قعمزت جنب بابا
عماد نزل راسه
بابا وقف / شوف روحك يا عماد زي ما تفاهمنا .. وطلع
انا نتبع ف بابا بعيوني منبيشي يطلع وبعدين شفت لعماد
عماد شافلي / خيره تليفونك مسسكر
انا / شي كنت راقده
عماد / مية الف مرة نقولك معش تسكريه تليفونك
انا / شني معش نصكره عماد تعبانه وخاطري ضايق نبي نقعد بروحي ومنبيش نتكلم
عماد قعمز جنبي وشد ايدي / حتى انا يا امل ؟
انا توترت / عماد وخر بابا بيجيب قهوة ويجي اكيده
عماد وخر / خيرك انتي خيرك 🤨
انا / خيرني 😏
عماد تنهد / اتعبي فيا يا امل .. اكبري اعقلي خلاص فكينا من المشاكل
انا / مزلت مصمم ان انا اللي غالطه ؟
عماد / انتي لسانك طويل وديريها
انا / مداما انا لساني طويل علاش واخدني ؟
عماد يدبل ف عيونه / لاني نحبك . . نعشقك . . نموت فيك امل .. انتي امتلكتيني بكل ما فيا 💓
انا نشوفله وساكته وخانقتني العبره لان نحبه اضعاف ماهو يحبني بس خايفه من الجاي .. خايفه يفرقو بيننا 😢💔
خشت ماما / هي القهوة هي
عماد وخر / علاش متعبه روحك يا عمتي ؟
ماما / اياح وينه التعب ؟
عماد خدي قهوة وهو طول الوقت يشوفلي لين وترني وانا عقلي وقلبي معاه نفكر فيه ونستاحش فيه برغم انه جنبي 🙄❤
ماما / خير ان شاء الله في حاجة ؟
عماد / ام..
انا قصيت عليه وشفتله / ما في شي يا ماما عادي جايه بايته وعماد مقدرش يبات من غيري 😂
عماد تحشم وفنص فيا / 🤨
ماما / حق يا عماد 🤔😂
عماد / هههههه سكرت راسها تجيكم وتبات
أنت تقرأ
جبروت 💛
Romanceروايةة ليبية😻 تحكي ع امل💞 وحياتها مع راجلها عماد💙 وطبعا الرواية منقولة💓 وانشاءالله تعجبكم
