#جبَروت 🖤
الحلقه الرابعه
عماد كان جايب ف ايده كياس حطهم ع الطاوله وقعمز وقاللها / يمه علاش اديري هكي خيرك ؟
جازيه / خيرني شن درت ؟ وبعدين والله الا تدلع والله ما كانت لا تبكي لا شي شافاتك انت دارت روحها تبكي هالفانص
عماد / يمه باهي خلاص بالله عليك .. زي ما انتي امي حتى هيا مرتي را
جازيه / تحط سبر وحده جايه جديده بسبري ني امك خمسه وعشرين سنه 😡
عماد / يمه انتِ مفيش حد ياخد مكانك لكن..
جازيه قصت عليه / اركب اركب لمرتك واسكت عليا
عماد ركب وخش وهو مضايق بيطربق /
انا جيته وابتسمتله / حبيبي خش خيرك واقف جنب الباب
عماد جبدني ليه / متزعليش منها مرا كبيرة باهي
انا / علاش بنزعل اصلاً ؟ ما صار شي عادي ❤
عماد ضحك / ويولومو فيا علي حبك ❤
انا / اكيده امك هادي 🙄
عماد سيبني / فكينا من امك امك
انا / باهي ما قلت شي انا .. نحطلك تتغدا ؟
عماد تلوح ع الصالون / تعبااان والله ما خاطري
انا / مترقدش هنا نوض خش للدار وارقد
عماد يتكلم وعيونه مسكرات / غير خليني تعبان
انا / يا عماد نوض صلي الظهر وارقد نوض
عماد / يا عمري صليته ف الجامع خليني نرقد بس
انا طفيت التلفزيون وسكرت البرسيان متع الصاله وضلمت الحوش كله وجبتله غطاء غطيته وواسيتله رجليه بحيث يكون مستريح ❤ كان راقد ع الكنبه فاتحها زي السرير وانا قعمزت ع الارض وشديتله ايده وقعدت نفكر
انا / الله لا يفرقك عليا يا اغلى الناس 💓
معش نندري علي روحي لين سمعت صوت الاذان فتحت عيوني لقيته متكي ويشوفلي
انا فقت ومزلت شاده ايده / حبيبي نضت من امتى ؟
عماد ابتسملي / يا عمري فقت من الساعه 6
انا انخلعت / علاش توا الساعه كم 😐
عماد ضحك / الساعه 8
انا كيف بنفك ايدي من ايده عماد ضغط عليها شفتله 👀
عماد / نايض من 6 ربطيني مقدرتش نتحرك منبيش انوضك ولا نبي نزعجك
انا بست يده / اسفه يا روحي عطلتك ؟
عماد / معطلتينيش علي شي الا حاجة وحدة .. الصلاة
انا / نتوضو ونصلو مع بعض
أنت تقرأ
جبروت 💛
Romanceروايةة ليبية😻 تحكي ع امل💞 وحياتها مع راجلها عماد💙 وطبعا الرواية منقولة💓 وانشاءالله تعجبكم
