هذا هو قدري

مشهد خاص بمناسبه العيد🌹

صوت مرح الاطفال مليان في المكان وكل طفل عايز يجرب اللعبه اللي قصاده انها الملاهي جريت بسرعه علي لعبه الساقيه وشاورت عليها بفرح
نيروز بسعاده : عايزه اركبها .. لو سمحت
قرب منها بعطف وهو بينزل لمستواها : نيروز متطلوبش .. نيروز تأمر وبس .. صح يا حبيبتي
نيروز الكبيرة بابتسامة : طبعا يا حبيبي .. دي نيروز هانم
قطعوا ليها التذكره ودخلت تركبهت ونيروز بصت عليها بحب ممزوج بسحابه حزن لمحها عز قرب منها وحضنها
عز : حبيبي ماله ؟؟
نيروز بابتسامة مصطنعه : مفيش حبيبي
اتعدل وبص ليها بجديه : ف اي يا نيروز .. مش هتقدري تخبي عليا على فكره
نيروز بحزن : كان نفسي ف عيل منك يا عز
عز : يا حبيبتي
قاطعته : متقولش لسه بدري .. احنا بقالنا ثلاث سنين متجوزين ولسه محصلش حاجه
عز : يا روحي انا مش عايز غيرك انتي ف حياتي .. وكفايه علينا نيروز الصغيرة
نيروز : هي فعلا إللي مهونه عليا .. عز هو انت مفكرتش تتجوز عشان تجيب عيل يشيل اسمك
عز بدهشه : اتجوز ؟؟ وعليكي إنتي ؟؟ وواحده تانيه تشاركك فيا عشان طفل؟؟ انتي بتتكلمي ازاي يا نيروز .. شيلي الأفكار السودا دي من دماغك انتي اللي من حقك تشيلي اسمي لاخر العمر محدش غيرك يحقله يشيل اسمي
حضنته جامد متناسيه الناس حواليها وعيطت : انا بحبك اوي يا عز .. متسبنيش ارجوك
عز بحنيه : تبقي عبيطه وهبله لو فكرت تفكيرك ده
وباس راسها جامد وهي بعدت عنه وابتسمت وفضلوا مع نيروز الصغيرة وبعدين رجعوها الميتم تاني
نيروز الكبيره : هتوحشيني يا نيرو
نيروز بابتسامة : وأنتي كمان يا مامي شكرا اوي علي الفسحه دي
عز : مش إنتي لسه بتقولي انها مامي ف حد بيشكر مامته .. يلا حضن كبير لبابا عشان تدخلي لأصحابك
حضنته جامد وحضنت نيروز ودخلت جوا واتعدلت نيروز من على الارض بس حست بدوار شديد مشيت لحد العربية بس مكملتش لانها وقعت على الأرض جري عز عليها بقلق
عز بخضه : نيروز .. نيروز فوقي
شالها وركب بيها العربية وراح بسرعه علي المستشفي وبعد ربع ساعه طلعت الدكتوره
عز بقلق : خير يا دكتورة
الدكتوره بابتسامة : خير خالص المدام حامل مبروك
عز بفرحه : بجد
الدكتوره بابتسامة : ايوه بجد .. الف مبروك
عز بسعاده : الله يبارك فيكي
ودخل لنيروز بسرعه وهي فاقت وبصتله باستغراب
نيروز : مالك يا عز
عز : مفيش يا حبيبتي ضغطك وطي وأغمي عليكي فقلقت
نيروز : اسفه أني قلقتك
عز بمشاكسه : انت تقلق الباشا يا باشا
ابتسمت بخفوت ومشيوا بس بدل ما يروحوا البيت راحوا مكان تاني خالص
نيروز باستغراب : اي المكان ده يا عز .. مروحتش البيت ليه
عز : خليكي معايا ومش هتندمي .. يلا انزلي
نزلت تحت وهي بتبص علي المكان بصدمه اتحركت وسط الشموع إللي ف الارض والقلوب اللي حواليها وصورتها وهي متعصبه وصورتها وهي مبسوطه وصورتهم يوم خطوبتهم ويوم جوازهم وصوره ليهم ف شهر العسل ومكتوب بالبونت العريض (بحبك يا طفلتي) لفت لعز بدموع وجريت عليه واتعلقت برقبته جامد وهو حضنها بحب وبعدين بعدت عنه
نيروز بفرحه : انت عملت كل ده عشاني
عز : انتي مش اي حد انتي نيروز عز الدين .. وبعدين هو عشان افرحك بس اعتقد انها بقت فرحتين
نيروز باستغراب : مش فاهمه
عز : ف قرد هيشرفنا بعد تسع شهور من دلوقتي
نيروز بصدمه : انا حامل؟؟؟
عز : ايوه يا حبيبتي .. لا ضغط ولا بتاع الولد الشقي ده هو اللي تعبك .. حلمك هيتحقق يا نيروز خلاص
نطت بفرحه وهو رفعها يوقفها بايده وضحك : اهدي يا مجنون مش هيكمل كده
نيروز : ربنا عوضني عن صبري يا عز .. هيبقي عندي حته منك .. انا انا مبسوطه اوي يا عز
بدون مقدمات باسته اوي وهو اتفاجئ وبعدين بادلها بقوه أشد وبعدوا عن بعض
نيروز بخفوت : عز .. سمعت انه ده غلط اول الحمل
عز وهو بيقرب منها : سيبك من كل الهري ده وركزي معايا .. معايا انا وبس مبروك يا طفلتي
وباسها بشوق وحب وهي بادلته تولع التحذيرات والنصايح كفايه انهم مع بعض وبس ليصبح هو قدرها المجهول ليصرخ كلا منهما امام الجميع بعشق هذا هو قدري♥

كل عام وانتم بخير يااارب 💙🙈 عيد مبارك علي الجميع ان شاء الله
#Nemo