يا إما ظابط يا إما بلااش

رحلة لقسم الشرطة

نور قااعدة عالمكتب مش فاهمة حاجة
نور :هو انا مهندسة اى ياربى اااه افتكرت يعنى دلوقت المفروض اعمل تصميم للفندق ده انت فين يا حب عمرى تنتشلنى من الضيااع ده
موبايلها بيرن
نور :ياااس اخيرا
الموظفين باصولها
نور :اقصد ييى عملتلى انتربشن اوف خنيقة
نور:الو ايوا يا هدير ااى عيد ميلاد بوسى وعازمانا صارووخ وهكون عندك مانا عارفة انه بالليل بس عشان نجهز وكده سلام
نور راحت لمكتب ابوها
نور  :يا بابا يا بابا  يا سلوكة
سالم:اتلمى ي زفتة احنا فى الشركة مش فى البيت هنا اسمى مستر
نور:سبت الهندسة وبقيت مدرس يا سلوكة هاراااسود ااه نسيت عيد ميلاد بوسى صحبتى النهاردة ولازم امشى قبل ماتعترض صحابى كلهم رايحين ولازم امشى دلوقت وقبل ماتعترض همشى بدرى عشان نجهز ونجيب الهدايا قبل ماتعترض وغلاوة ماما انا ماخرجتش من زمان وانا عارفة انك قلبك طيب وهتوافق اصلا يلا سلام مووااه
سالم :متنح ومافتحش ببوقه ولا كلمه
نوور راحت لهدير وفضلت عندها وجهزو وراحو العيد   ميلاد وهما مروحين سوى عدو على كمين
الظابط:البطايق يا  انسات
نوور:اى ده ظابط
هدير بتدور على بطاقتها مش لاقياها
هدير:الحقى يا نور مش لاقية البطاقة
نوور:ظبااط الله شكلهم جميل
الظابط :انتو شكلكو مش مريحنى وخصوصا الانسة الى بتبصلنا نظرات غريبة  دى اركنولنا على جنب
هدير:الله يخربيتك فوقى الظابط مفكرك شاربة حاجة
نوور :شايفة الشهامة البلد لسه بخير والله شايفة بيقومو بعملهم على أكمل وجه عااش يا رجاااالة عااش
الظابط: يلا قدامى عالقسم الكلبشات يا عسكرى
نوور:استنى طيب ارن على بابا
الظابط ا:هناك هنرن على بابا وماما والعيلة كلها بس اصبرى عليا ادامى منك ليها
فى القسم
هدير:شايفة هبلك وصلنا لفين
نور :الله يا هدير  اول مرة ادخل قسم ماكنتش  متصورة انه بالجمال ده
هدير:لا ولسسه هندخل عالجزء المشوق ونشوف الجمال الحقيقى ذنبى اى اصاحب واحدة متخلفة كده
دخلهم العسكرى جوة عند  الظابط للتحقيق
العسكرى زقهم جوة وعمل التحية العسكرية
العسكرى:دول يا فندم مش معاهم بطايق ودى مشكوك فيها انها بتشرب حاجة
نور:هو العصير الى جابتهولى الحرباية الى اسمها ايناس فى الحفلة اكيد كانت حاطالى فيه حاجة 
هدير:اسكتى  الله يخربييتك هتودينا فداهية
نور:بس   ي هدير خلى الظابط  يشوف شغله
هدير:ممكن بعد اذنك يا حضرة الظابط ارن على بابا
الظابط:ااه هى  مكالمة واحدة مسموح بيها قدامك   دقيقة اخلصى

هدير :الو ايوا يا بابا انا فى قسم --انا ونور نسيت بطاقتى يا بابا بسرعة مش وقته طيب سلام بابا هيجيب باباكى معاه
نور:هارااسود ابويا جاى أحيييييه
الظابط ولحد مااهاليكو ينورونا هتشرفونا فى الحجز يا عسكرى دخلهم الزنزانة
العسكرى:تمام يا افندم قدامى منك ليها
هدير:لا لا الله يخليك مش عاوزة
نور :بعد اذنك يعنى شيل ايدك مش اسلوب ده
العسكرى:يلاا يا  بت منك ليه مش ناقصة قرف
رماهم جوا  لقو نسواان شرانيين بيبصولهم
نور: لا محدش يقررب الا ودينى هكسركم
هدير:نور انا خايفة
نور:اقفى انتى بس وراايا  كده
وبدأت نور تدافع عن نفسها ووقعتهم كلك
هدير:جدعة ي نور احسن   تستاهلى
العسكرى:ينهاااار مش فايت انتى اى الى عملتيه ده تعالى ده انتى عاوزة تتروقى
جابها من قفاها
نور:يباشا هما وربنا اتهجمو عليا وده كان دفاع عن النفس صدقنى
العسكرى:يا عوضين يا نبيل تعالو عاوزكو تروقوها
نور كانت مرهقة اصلا ماعرفتش تدافع وكانو اتنين عليها واتظبطت
سالم وعادل ابو هدير وصلو
سالم:سيادتك انا سالم الانصارى أبو نور الى جات  هنا وكانت ناسية بطاقتها
الظابط:اااه ثوانى يا عسكرى هات البنتين
بعد شوية نور دخلت وكانت متبهدلة جامد وهدير زى ماهى كل واحدة جريت على باباها هدير كانت بتعيط ونور عادى
سالم:ازاااى يعملو  فيكى كده ده انا هروح بيكو فداهية
الظابط:اهدى ي سالم   بيه بنت حضرتك ضربت الستات الى  فى الزنزانة كلهم وده الجزاء 
سالم:وخرجتوها لييه
الظابط :نعم !
سالم:اقصد نقدر نمشى دلوقت
الظابط :ااه امضو هنا واتفضلو
فى البيت
نور دخلت تجرى على اوضتها وقفلت عليها الباب
سالم :وفاكرة كده مش هطولك يا بنت هنااء ده اخوكى الى هو ولد عمره ما دخلنى قسم  هتموتينى بجلطة قريب روحى حسبى  الله ونعم الوكيل فيكى
مالك:فى اى يا بابا
سالم حكاله الى  حصل
مالك:اهدى يا حج انت وسبهالى انا هربهالك وابتسم  ابتسامة خبيثة
نور:هما ليه كده هو انا عملت اى لده كله ليكونش عملت حاجة غلط من غير ما اخد بالى اااه يمكن تصبحى على خير يا أنا
فى صباااح يوم جديد
نور راكبة عربيتها ومااشية قطع عليها الطريق ثلاثة حرامية

حرامى ١:انزلى يا قمورة كده
نور  ببرود:ليه
حرامى٢:لا عاوزين نكشف على عربيتك يختى يلا يابت
نور نزلت
حرامى٣:انتى بتعملى اى
نور:بدور معاكو مش انتو عاوزين حاجة تسرقوها برضو بص دى الشنطة بتاعتى ممكن تاخدها
بصو لبعض مستغربين ولسه هيمد ايدو كانت ضربته بالشنطة فوشه وطيرت برجليها المطوة من التانى ومسكتها على رقبته
نور:الى هيقرب رقبة صاحبكو فى الباى باى

حرامى١:خلاص يا انسة سبيه واحنا هنمشى وادى المطوة ورماها
حرامى ٢:حتى السرقة فشلنا فيها
نور:انتو ليه بتسرقو اصلا ده بدل مادورو  على شغل وجيبو فلوس بالحلال
حرامى١:وفكرك ما حولناش أنا اسمى خالد خريج تجارة لفيت على شغل كتير مالقتش او بلااقى بس بأجر رومزى مش هيكفى لجهاز خواتى ولا لعلاج امى ولا شقتى الى  عاوز اجهزها عشان اقدر اخطب الانسانة الى انا حبتها كتر خيرها مستنيااانى وابوها مدينى موهلة شهر اجهز فيه الشقة اعمل ده ازاى بالحلال قولت اشتغل حرامى اسرق الناس الاغنية واجمع القرشين الى انا محتاجهم وابطل ودى كانت اول عملية وفشلت
حرامى٢:وانا اسمى رمزى خريج تجارة مع خالد بس الحمد لله لقيت وظيفة وقدرت اخطب الانسانة الى حبتها وعشان الشقة اخدت سلفة من صاحب الشغل  ومضانى وصل على بياض وانا كنت واثق فيه وبعد مدة طالبنى بالوصل بمبلغ كبير اترجيته يستنى عليا قالى قدامك شهر والا هتسجن واكيد المبلغ ده مش هييجى بالحلال
كلهم بصو لحرامى رقم ٣
حرامى رقم ٣:اى بتبصولى لى انا اكيد مش هسيب صحابى يسرقو لوحدهم لما عرفت حلفت طلاق ماهم نازلين من غيرى
نور:لا ونعم الصاحب ياا
حراامى٣:عاامر اسمى عاامر
نور: طيب  بصو بقا انتو لو صبرتو  ربنا كان  هيفرجها من عنده تفتكرو حياتكو الزوجية هتكون سعيدة لما تتبنى على فلوس حرام ساعتها هتكرهو الساعة الى اتجوزتو فيها ولأن ربنا كبير  عمليتكم فشلت لانه بيحبكم  انتو مش بتوع حرام وعشان كده ربنا بعتنى ليكو يلا اركبو هنروح شركة بابا يشوفلكم  وظيفة فى الشركة وكمان نكووون يوى تييم جبااار