يا إما ظابط يا إما بلااش

ماقبل العاصفة

البارت الثالث 😁
#ياإما_ظابط_ياإما_بلاش😎
#The_Writer👸
#Asmaa_Elhofy👸👸
نور:استنونى هنا هدخل اقول لبابا وياريت تبعدو شوية عن الباب افضل ماتسمعوش حاجة
داخل المكتب
نور:بابا ي بابا ي سلوكة
سالم: فى اى يا أخرة صبرى مش فايق لمصايبك
نور بصت للشخص الغريب الى قاعد مع باباها وفضلت متنحة شوية
سالم :اخلصى قولى  عاوزة اى
نور قربت من كرسى باباها وبصوت واطى:مين ده ي بابا أول مرة أشوفه فى الشركة
سالم:ده أستاذ على صحفى وجاى يسألنى على   شوية حاجات وبطلى تحشرى مناخيرك فالى مالكيش فيه
على :طيب همشى أنا يا سالم بيه
سالم:تمام يا على ولو عوزت اى حاجة بلغنى
نور:بابا  هو انتو واستاذ على ده كنتو بتتكلمو فاى
سالم:وانتى ماال سعتك
نور:بحيث كده بقا فاسمع انا فى ٣ حرامية طلعو عليا وجبتهم معايا هنا تشغلهم
سالم: ااه اهلا وسهلا ينورونا
نور:يلاا ي رامز  ي خالد ي عامر خشو ي عيال بابا وافق
خالد:شكرا جدا ي سالم بيه على كرم اخلاقك ونوعدك إننا هنكون عند حسن ظن حضرتك
نور:اى رأيك ي بابا نشغلهم فى الحسابات هما خريجين تجارة انا هروح لأنكل توفيق فقسم الحسابات  يشرحلهم الشغل ماشى ازاى تعالو ورايا باى ي سلوكة 
سالم واقف متنح بعد ما مشيو: هو انا فعلا فى الواقع يعنى الى حصل ده حقيقى انا اكييد بحلم أيوا بحلم لا انا اتهبلت وبقيت بكلم نفسى ألو   ابعتيلى مالك بسرعة
مالك:فى اى يا بابا مالك
سالم:أختك هتجيب أجلى انا مش عارف  اتصرف معاها  ازاى جايبالى حرامية اشغلهم لا اشغلهم اى هى الى شغلتهم واخدة الشركة على حسابها ولا كأنها شركة ابوها
مالك:بابا هى فعلا شركة أبوها
سالم:انا قربت أتجنن من عمايلها استنى رايح فين
مالك:هروح اشوف النيلة واتصرف معاها
سالم :مالك  معلش براحة عليها ماتحرجهاش قدام حد فهمها براحة
مالك ابتسم: حاضر ي بابا
نور:فهمت بقا ي عمو توفيق هتعمل اى خليك جنبهم لحد ما يفهمو الشغل ده بابا موصى عليهم و  --لقت حد بيشدها من قفاها
نور: يالهووى ادى الى كنت خايفة منه ي مالك سيب برستيجى ي جدع
مالك :اتنيلى ادخلى مش عاوز اسمع صوتك
مين الى جبتيهم دول وعرفتيهم ازاى وامتى
نور حكتلو كل حاااجة وسكتت وهو سكت يفكر
نور :اى
مالك:اى
نور: يعنى اى رأيك فى الكلام
مالك:والله ولسه هيقوم
نور :لا رأيك وانت قاعد زى مااانت والله ي   مالك انا واثقة فيهم هى الظروف الى حطتهم فى الموقف ده  وحرامية فاشلة أصلا بذمتك فيه حرامى ينزل يسرق ببدلة او نضارة شمس يا مالك انا واثقة ان ربنا حطهم فى طريقى عشان نساعدهم واسأل عن اهلهم واحوالهم حط نفسك مكانهم دول تقريبا فنفس سنك
مالك:اقول اى دلوقت بعد الى قولتيه محدش بيقدر يقنعنى غيرك  هاتيهم بقا عشان هعملهم انترفيو وبعدين تروحى على شغلك
نور:علم وسينفذ يا افندم
بعد مرور اسبوع
رامز:انتى جايبانا هنا لى ي نور
نور:بصو انا وهدير جبناكم هنا للكابتن رضا هيضربكم عالفنون القتالية
عامر:وده هنحتاجه ليه لا مؤاخذة
نور:محدش يعرف بكرة مخبى اى وبعدين انتو بقيتو من فريقى يرضيك اكون انا كبنت اجمد منكو هتيجو هنا بعد الشغل وده على حسابى يعنى  كابتن رضا هيدربكو اوك
خالد:ماشى موافقين
هدير:هموت واعرف دماغك دى فيها اى
نور بغموض:كل شى بأوانه ي هدير كل شئ بأوانه
بعد عدة أشهر
نور:هو بابا ومالك اتأخرو ليه يا ترى هرن كده عالسكرتيرة أيوا ألو ... بابا عندك او مالك--خرجو من بدرى.. بس لسه ما وصلوش طيب سلام
ياربى انا قلقانة اى ده الموبايل بيرن وكمان رقم غريب
نور بقت قلقانة خايفة ترد ايدها بترتعش وقد حدث ما كانت تخشاه
نور:ألو انت بتقول اى مستحيل
بعدي  يوم
نور قاعدة لابسة اسود وصوت القراان شغال وجنبها هدير ونور ساكتة مش بتعيط
هدير: يا نور حرام عليكى نفسك اتكلمى عيطى اعملى اى حاجة بلاش تسكتى ابوس ايدك يا نور
نور:انا بقيت لوحدى خالص ي هدير يعنى مافيش مالك عشان اغلس عليه ولا بابا مافيش سند ولا ضهر طيب هما كانو بيعوضونى عن ماما دلوقت مين يعوضنى عنهم هو انا هنام ازاى ولا هاكل ازاى وهما مش معايا طيب واحد بس يفضل معايا منهم والله مش عاوزه غير واحد بس هو ده كتير يا هدير
خالد ورامز وعامر وصلو
خالد بص لرامز وقاله: تعرف ان مالك اليوم الى مات فيه الصبح كان بيوصينى على نور وقالى خد بالك منها هى بتحب اللمة والعيلة لو جرالى حاجة انتو عيلتها
عامر وعنيه فيها دموع:الله يرحمه فى الفترة القصيرة دى كان بيعاملنا كاننا فعلا خواته
رامز:احنا لازم نحافظ عالامانة الى سبهالنا وراح باصص لنور وراحولها
خالد:البقية فحياتك ي نور

نور:هما ماتو ازاى ي خالد
خالد:العربية اتخبطت واتقلبت عالصحراوى
نور:العربيتين
خالد:لا اليوم ده عربية مالك عطلت فركب مع سالم بيه
نور:وعرفتو مين خبطها
خالد:للأسف ماوقفش
السلام عليكم
كلهم بصو للى جه كان حد غريب عليهم ما عدا نور حست انها شفته قبل كده
على:انسة نور البقية فحياتك انا على الصحفى الى شوفتيه فمكتب والدك قبل الحادث بشهر
نور:ااه افتكرت حياتك البقية شكرا جدا لحضرتك
على:ممكن كلمتين على انفراد لو سمحتى
نور :اتفضل
طلعو فى الجنينة
على :قبل الحادثة كنت على اتصال ب سالم بيه وكان فى ورق يخصنى وو
نوروعنيها اتملت دموع:بابا مات مقتول مش كده
على :انسة نور حقيقة انا
نور:ارجوك قولى الحقيقة مين قتل بابا انا واثقة انه اتقتل وانت عارف مين لازم تقولى ارجوك
ولم تحتمل ولاول مرة منذ وفاتهم تبكى
على :اقسم بالله هجيب حقه ومش هسبهم
نور لم تحتمل واغمى عليها
على شالها ودخلها جوة
هدير:نور اى جرالها
على :اغمى عليها انا  هرن على الدكتور.
انتهى البارت 😁
رأيكوا......