تائهة بين أربع حيطان

البارت الثالث

أماني:نباوع من الشباك الحديقه مال المبنى دتحترك وصايرين هوسه جوا يطفون وحته من المبنى بي جهات ديحترك كمنه نتصارخ وخايفين كلنا كعدنا وطلعنا من الغرف دنمشي وكبت نار من كهرباء كدامنه نوب طفت الكهرباء ..لحضات مرعبه بس صريخ وضلام ووحده تنردم بالثانيه وتيهت صديقاتي مدري شلون وصلت للدرج وابجي واصرخ حسيت لزمني

يزن:اماني موو

اماني:بنبرة بكاء..اي يزن حنحترك طلعني فدوووا

يزن:لتخافين بس اهدي تعاي نزلي وياي الولد جابو اطفائيه

اماني:جلبت بملابسه مثل الطفله وابجي وانزل ويا ع كيف لان ضلمه صرنه بالطابق الارضي وداني لغرفته بيها لايتات هواي ومو ضلمه

يزن:اكعدي هنا بين ما نحل الامور اروح اني

اماني:كمت على حيلي لا عفيه اخاف ولله ما اريد ابقه وحدي

يزن:ههههه خرب ضحكتيني ولوضع ميساعد هسه بله هذا اللسان كله وتطلعين تخافين هيج

اماني:مسحت دموعي وكتله ما اخاف اشاقه يلا روح

يزن:يلا لعد لتفتحين الباب لاحد

اماني: بعد ما طلع دنكت وابعد بشعري عن وجهي ومتوتره اول مره اعيش هيج اجواء ضلام وصريخ وخوف ورعب بقيت اتذكر هاي اللحضات والنار المشتعله رجفت من هول المنضر الشفته ..غمضت عيوني واخذت نفس نزلت دموعي ..امنا العذراء تحمي صديقاتي يارب....... بقيت نص ساعه انتضر
انفتح لباب رفعت راسي

صادق:هاي انتي هنا !

اماني:اي مدشوف يلا اطلع

صادق: وشعندج بغرفة يزن هاا وتبيعين شرف براسي واني اكول ليش يزن ما باعها

اماني: احترم نفسك يالماتستحي واطلع ..شو هذا سد الباب ودخل ونضراته القذره موجها اله كمت من مكاني وارجع ليوره وهو يتقدم عليه.. صرخت وخرررررر ..خله ايده ع حلكي واصيح ميطلع صوت ولزم اديه وحصرني عالحايط وخله راسه بركبتي وانفاسه تلامس بشرتي لعبت روحي ودموعي نزلت هو ضخم ومكدر ادفعه ضليت بس ارافس وهو يشم ركبتي ...عضيت ايده وخرها مني تفلت بوجهه وادفع بيه ضربني راشدي صرخت بصوت عالي انفتح الباب

سيف:لك صااادق وكت سووووالفك امشي اطلع يزن يدور عليك صار شكد ..
وانتي شعندج خاتله هنا وبغرفة يزن ومكلوبه لدنيا برا امشي اطلعي منا

اماني: طلعت امشي بخطواب متثاقله ودموعي تنزل وامسح بركبتي وانردمت بواحد ما باوعت منو بس خليت ايدي ع حلكي لا تطلع شهكتي ومشيت لزمني باوعتله يزن

يزن:شطلعج مو كتلج ابقي ؟
وليش تبجين!

اماني:دفعته وكملت مشي صعدت فوك مطفين لحريق ومشغلات شموع لبنات لكيت لبنات رحت الهن حضنتهن وابجي