تائهة بين أربع حيطان

بارت مفاجئ

هدى: جنت ماشيه للممر حته اباوع للشباك موجوده سيارة يزن لو لا علمود احاجي ع موضوع السجينه..وصلت قريب منه واسمع صياح اماني ركضت عليها..زهرااااااء هاي شدسووووين !!!!

زهراء:ينعل بليسج شجااااااابج امشي وفيه ركضي..

هدى:تعااالن ولله ماعوفجن..بقيت اركض وراهن نوب رجعت لاماني واكعه بالكاع وكوه تتنفس ياربي شسوي وحدي ..اماني حبي بس اصيح همسه وانزل احاجيهم يجيبون طبيبه..ركضت صحت لهمسه واجن وياها ذكريات وثريا..عفتهن ونزلت اركض..شفت يزن يريد يروح عرفت لاهله كل شهر يروح الهم..كلت خطيه اكوله خل يروح..هو انتبهلي

يزن:تعاي هدى احجي شكو شبيج خايفه صاير شي؟

هدى:هاا لا وين سيف

يزن:احجي ولا تخبليني اماني بيها شي لو وحده من لبنات

هدى:شفته صار عصبي ..ااا اماني شفت زهراء ووفيه ديخنكن بيها وهيه اختنكت وحتموت اريد طبيبه..

يزن:ثوول صار ساعه ساكته وووخري

هدى: يا هذا شبي دفعني وصعد بسرعه..صعدت ورا..

............

همسه:امونه حبيبتي بس فتحي عيونج وصبري..

ذكريات:لج اجه استاذ يزن..

يزن:وينها امانييي..

اماني:اني كنت شبه فاقده للوعي بس اسمع كلامهم واشوف مغوش سمعت صوت يزن من يحجي برجفه معقوله خايف عليه؟ قطع تفكيري وهو يخلي شفايفه بين شفايفي وينطيني تنفس اصطناعي شكد استحيت من لوضع هذا بس كنت فعلا محتاجه لهذا التنفس حته يرجعلي لهوا ..غسلو وجهي بماي وجابولي علاج يلا صحيت شوي ..كوموني ومشوني لغرفه بس مو غرفتنا لا هاي ثانيه بس حجمها اصغر من هذيج والحلو بيها بلكونه..باوعت ليزن
هاي مو غرفتنا؟

يزن:اي بعد هاي غرفتج انتي وصديقاتج وابتعدي عن زهراء ..

اماني:ابتسمت..شكرا

يزن:عليمن اصلا لازم من الاول اسوي هيج..

ذكريات:ماقصرت صديقي زين طلع واحد بيكم بي خير

ثريا:لو تسويلنه مطبخ للاكل الجاهز تسوي فضل..

اماني:هههههه

يزن:ابتسمت على كلامهن وركزت على ضحكة اماني..شكد نازكه بس صلفه ع كولة سيف هههه
يلا اخذو راحتكم اني طالع..

اماني:بعده ستوه طلع وهذن اجن عليه ويتهامسن ويضحكن ..ولجن دفهمني شكو؟

همسه:لو تشوفين استاذ يزن عيني شلون خاف عليج ونوب شلون سوالج تنفس اووووووو مثل الافلام صدنها ولجت

اماني:ضلن يضحكن ويغمزلي

ذكريات:مبروك ضلعه انشالله لذريه الصالحه