تائهة بين أربع حيطان

البارت الرابع

اماني: دامشي وصلت للغرفه...فجأه تطلع من الغرفه
..زهراء مدري شتضم بهدومها..شافتنه انصدمت..

زهراء:شتسووون هناا

اماني:احنه لو انتي..وشضميتي بهدومج..
مجاوبت ركضت للغرفه مدري شسوت وطلعت تركض

ونزلت..شو خل ندخل ونشوف شسوت..دخلنا للغرفه بيها شباك حيل جبير ..والغرفه بكد ماقديمه نصها
تراب..وعنكبوت وحشرات ..انتبهت عالارضيه اثار دم..
وقميص مال بنات عباره عن دم ..بقيت مصدومه من المنضر ماحسيت الا همسه تجر بيه وتركض..من لخوف ركضت وياها..وصلنا الطابق الغرف..اتنفس بسرعه وخايف من مضهر الدم..مر من يمي سيف..

سيف:ها الصلفه شمسويه مصيبه

اماني:مجاوبت..رجعنا للغرفه..

ثريا:ها ولجن استكشفتن؟

همسه:وياريت ما رحنه..

ذكريات:وكع كلبي من لخوف اوف..

هدى؛اماني حبي..استاذ يزن يريدج..

اماني؛شيريد؟

هدى:مادري بس زهراء يمه تبجي وتحجي وهو ساكت..

اماني:كمت مشيت..طلعت للممر..واكف بس هو ..أشرلي تعاي..رحتله..

يزن:شمسويه فوك؟

اماني:شمسويه!

يزن:دا أسألللللج جاااوبي..

اماني:شو لتصيح مو رجوله ترفع صوتك على مره..حجيت هيج ضربني راشدي بقوته وكعت بالكاع..رفعت راسي باوعتله ودموعي ماسيطرت عليهن ..كمت بسرعه اركض وامسح بدموعي..جانن لبنات جايات وراي شافني ابجي انخبصن شبيج وشبيج ..مااابيه مااابيه راح انتحرررر واخلص منكم ..ركضت للممر البي شباك..والبنات يجرن بيه واني كل عقلي اريد اطفر..والبنات طلعن من الغرف ويردن يقنعني بعدين اسمعهن يكولت وخرن وخرن اجه استاذ يزن..ماهتميت درت وجهي حته اعبر من الشباك..اجه شالني بدون ميحجي..واني ادفع بيه واصيح نزلني وميقبل..نزلني بغرفته وقفل الباب وطلع..كعدت بالكاع من التعب خليت راسي بالكاع وغمضت عيوني ونمت..حسيت على خطواته بالغرفه..كمت من مكاني وردت اطلع..لزمني

يزن:ليش تردين تنتحرين

اماني:ميخصك دفعت ايده مني

يزن:شسويتي بالطابق الثالث وليش رحتيله اصلا خطر عليج وخصوصا الغرفه السوداء

اماني:يا غرفه سوداء..

يزن:صارت بيها قصه وصار اسمها هيج..

اماني:شكالتلك زهراء

يزن:شايفتج بيها مدري شتسوين وانتي مهددتها بالقتل..

اماني:اني!!
وانت تصدكها؟

يزن:لا طبعا مو داكولج لتروحين هيج اماكن وعوفي لمشاكل توديج للمصيبه..

اماني:يزن والرب اني الشفتها بالغرفه ومن دخلت لكيت قميص مليان دم..