استيقظت ميلي كالعادة علي صوت المنبه و صوت مامتها عشان تصحي علشان الجامعة
الأم:اصحي يا ميلي يلا عشان الجامعة
ميلي:يا ماما سبيني شوية خمساية بس و هصحي
الأم:لا انا كل مرة بسيبك بلاقيكي نايمة ساعة كمان
ميلي:لا لا المرة دي بجد ولو مصحتش ادلقي عليا مية
الأم:يوووه يا ميلي هتصحي ولا اندهلك ابوكيي چااااك يا چاااك تعالي شوف بنتك اللي مش عايزة تصحي ديه
ميلي:لا لا چاك ايه بس خلاص انا هقوم بكرامتي احسن
الأم:يلا خدي شاور و اجهزي بسرعة عشان تنزلي تفطري
ميلي:حاضر يا ماما
و قامت ميلي و خدت شاور و لبست لبسها المعتاد و اللي هو لبس واسع و مريح و جهزت و نزلت تفطر مع والديها عالسفرة
الأب: صباح الخير يا ميلي
ميلي:صباح الخير يا بابا
الأب:عاملة ايه في المزاكرة؟
ميلي:اهو الحمدلله ماشية تمام
الأم: تمام ايه دة انا مبشوفكيش ماسكة كتاب و قاعدة ماسكة الموبايل بتتفرجي علي اللي اسمه دايڤ دة ولا هينفعك ولا حاجة
الأب:صحيح الكلام اللي مامتك بتقوله دة ؟
ميلي: ايه يا ماما احنا لسة عالصبح مش ناقصة خنايق ،لا يا بابا بذاكر مكنتش ساعة يعني اللي اتفرجت فيهم علي فيلم
الأم:ساعة ايه دة انتي من ساعت مرجعتي مفتحتيش كلمة انا مالي دة مستقبلك و انت حرة
ميلي:اه دي شكلها عايزة تتخانق طب انا ماشية بقي يلا سلام
الأم:اهربي اهربي من الموضوع مش هترتاحي إلا لما تعيدي السنة
ميلي: لا لا ان شاءالله مش هعيد السنة ولا حاجة
الأب:خلي بالك من نفسك و لما توصلي كلميني
ميلي:حاضر يلا سلام
و طلعت ميلي من الشقة هروباً من حوارات اهلها دي زي كل يوم و المسافة مابينها و مابين الجامعة مش كتيرة بس برده مش قليلة بس ميلي بتحب تمشيها كل يوم عشان بتقعد تفكر و هي حاطة السماعات و بتسمع اغاني و كالعادة كانت ماشية و بتفكر ف حاجة واحدة و هو دايڤ و بتحلم بحياتها معاه اللي عمرها ما هتحصل اصلاً
لحد ما الحلم دة وقف اول ما وصلت عند بوابة الجامعة
و كلمت صديقها الاقرب ليها هو چوش اللي هو (noah centineo )
ميلي:الو انت فين
چوش:ايوة انا دقيقة بالظبط و هبقي عندك
ميلي:ماشي
و فعلا چوش دقيقة بالظبط و كان جيه
چوش:هاي
ميلي:هاي ،ايه السرعة دي انا قلت انت هتيجي ولا بعد ساعة
چوش:عيب عليكي انا عمري اتأخرت عليكي؟
ميلي:اه كتير
چوش:احم ايه الإحراج دة طب تمام (و كان بيقولها و هو بيضحك)
ميلي:عندك كام محاضرة النهاردة؟
چوش:لا دة انا النهاردة عندي ٣ محاضرات و قاعد لحد بليل و انتي
ميلي:لا دة انا النهاردة عندي محاضرة واحدة
چوش:طب النهاردة في حفلة ف بيت كلاي بفكر اروحها بعد ما اخلص تيجي؟
ميلي:اممممم لا لا روح انت انا بتخنق من جو الحفلات دة
جوش:يا ميلي تعالي بقي ماتبقيش رخمة
ميلي:يا چوش لا مش عاوزة اروح
چوش:عشان خاطري بقي
ميلي:يووووه....ماشي
چوش:ايوة بقااا خلاص هستناكي هناك الساعة ٨
ميلي:بس انا معرفش كلاي دة ساكن فين
چوش:هبقي ابعتلك المكان عالواتساب
ميلي:خلاص ماشي،يلا لازم امشي عشان الحق المحاضرة
چوش:اه و انا كمان ،يلا سلام و اقابلك بليل
ميلي:خلاص ماشي
و ميلي و چوش كل واحد سلك طريقه و راح محاضرته
اتمني يكون شابتر ١ عجبكوا و كمان استنوا المفاجئة اللي هتحصل في القصة دة كدة لسة محصلش حاجة🔥
#soul
#davefranco
أنت تقرأ
Soul
Romanceفتاة تدعي ميلي في العشرون من عمرها تعيش مع والديها و كانت الابنة الوحيدة و لديها صديق يدعي چوش، كانت مهووسة بالممثل الوسيم الذي يدعي دايڤ فرانكو و لكن لأي مدي سيصل بها الأمر و سيحدث لها شئ لم تتوقعه اطلاقاً هذا ما سنعرفه في هذه القصة. ملحوظة:هذه الق...
