و قررت ميلي بدل ما تركب تاكسي تتمشي لحد بيتها مع ان المشوار طويل
ميلي كانت مضايقة جدا مش كمان عشان حوار چوش بس لأ هي دايماً كانت بتحس انها وحيدة و ملهاش صحاب حتي چوش دة هي معرفتوش كدة و السلام
هحكيلكوا دلوقتي ازاي چوش و ميلي بقوا صحاب
ميلي و چوش كانوا مع بعض في المدرسة بس كانوا بيكرهوا بعض لحد آخر سنة في المدرسة كانت يوم ميلي ماشية ف الشارع بليل و لقت چوش مرمي عالأرض و كان مضروب و هي اللي ودته المستشفي
و لحقته من الموت و من ساعتها هما بقوا صحاب و چوش مبقاش قادر يستغني عنها لان هي السبب ان هو عايش دلوقتي
اما ميلي كانت دايماً حاسة انها وحيدة و ان مافيش خد بيحبها و مبتتكلمش كتير بس هي شخصية مخلصة جداً و لما بتحب حد بتحبه بجد زي ما هي بتحب المنثل اللي اسمه دايڤ فرانكو دة مع انها متعرفش هو عامل ازاي و شخصيته ايه
ميلي كانت متضايقة جداً من حركة چوش لان هو معملهاش اعتبار خالص و فضل سايبها بالساعات بس هي عادي شايفة ان هي كدة كدة شخصية مملة
اه ميلي شخصية كئيبة شوية بس هي اتعودت عالموضوع دة و عارفة انها شخصية مش مهمة اصلاً
و هي بتتمشي و حاطة السماعات و في هدوء تام تفتح الانستجرام و بتقلب و اذا تلاقي خبر الممثل دايڤ نقل للمستشفي بعد ما عمل حادثة جامدة
ميلي وقفت في مكانها من كتر الصدمة
ميلي:ازاااي حصل كدة و امتي و فين
و بتقلب بتشوف ايه اللي حصل
يقطع تدويرها في الانستجرام بمكالمة من چوش
ميلي:يووووه مش وقتك خالص
و تكنسل عليه
و اذا الدموع تنزل من عينيها
ميلي فعلاً عاشقة للممثل دة
و وسط عياطها
ميلي:هو يوم باين من اوله
و اذا بچوش تاني يتصل ب ميلي للمرة العاشرة و قررت ارد عليه و بعصبية:
ميلي:نعم ،عايز ايه؟
چوش:ميلي ارجوكي متزعليش مني مكنش قصدي
ميلي:چوش بقولك ايه اقفل دلوقتي عشان انا مش قادرة اكلم حد
چوش:انتي صوتك متغير كدة ليه انتي بتعيطي؟
ميلي:يا چوش اكيد مش بعيط عشانك يعني لو سمحت نتكلم بكرة انشاءالله يلا سلام
چوش:طب يا مي...
و تقفل ميلي ف وشه السكة
و فضلت تتمشي ميلي في حزن شديد من اللي حصل ف اليوم كله و وصلت البيت و حاولت علي قد ما تقدر تمسح دموعها قبل ما تدخل البيت عشان اهلها ميشوكوش ان في حاجة حصلت
و تفتح ميلي الباب بالمفتاح
ميلي بصوت عالي:انا جييت
الأم:ايه اللي أخرك كدة ؟
ميلي:عادي يا ماما الوقت سرقني
الأم:اوعي تتأخري كدة تاني فاهمة
ميلي:فاهمة
الأب ييجي
الأب:ايه يا حبيبتي عملتي ايه ف الحفلة؟
ميلي:اه الحمدلله اتبسطت
طبعاً ميلي كانت بتكدب بس هي كانت عايزة تقفل النقاش عشان
عايزة تطلع الاوضة تريح شوية
الاب:طب كويس
الأم:ميلي اطلعي ذاكري لك كلمتين كدة قبل ما تنامي
ميلي:بكرة يا ماما بكرة
الأم:هو ايه اللي بكرة انا مبشوفكيش فاتحة كتاب هتسقطي يا بنتي
ميلي:يا ماما انا جاية تعبانة بكرة بقي
الأم:ما تشوف بنتك دي انت غلطان انك خرجتها النهاردة
الاب:ما هي قالت لك بكرة خلاص
الأم:هو انت مش خايف علي مستقبل البنت ،بنتك مستهترة...
و راحت ميلي طالعة السلم و سابتهم يتخانقوا مع بعض لأن هي مكنتش قادرة خالص
و دخلت ميلي اوضتها و قفلت علي نفسها و سامعة صوت خناق اهلها بس طنشت
اترمت علي السرير بتبص علي الحيطة اللي فوق غرقانة في افكارها و فضلت كدة لمدة ربع ساعة
بعدها جت تفتح التيليفزيون و لقت فيلم now you see me اللي
دايڤ كان بطل من ابطاله و ابتدت تعيط تاني عشان افتكرت حوار الحادثة
ف سابت التليفزيون شغال و دخلت الحمام قفلت الحمام عليها و غسلت وشها و بصت لنفسها في المراية و اد ايه كان منظرها تعبان و بعدها سمعت صوت خطوات رجلين في الاوضة و كانت حوالي الساعة ٢ بليل ف فتحت باب الحمام و بصت مندهشة
ميلي:ايه دة؟
متنسوش تعملوا vote llchapter❤️
أنت تقرأ
Soul
Romanceفتاة تدعي ميلي في العشرون من عمرها تعيش مع والديها و كانت الابنة الوحيدة و لديها صديق يدعي چوش، كانت مهووسة بالممثل الوسيم الذي يدعي دايڤ فرانكو و لكن لأي مدي سيصل بها الأمر و سيحدث لها شئ لم تتوقعه اطلاقاً هذا ما سنعرفه في هذه القصة. ملحوظة:هذه الق...
