خلصت ميلي محاضرتها و اتمشت و رجعت بيتها و طلعت الأوضة اترمت عالسرير لإنها كان هتموت و تنام
دخل الأب عليها
الأب:ايه يا حبيبتي عملتي ايه في الجامعة؟
ميلي:اهو عادي زي كل يوم مافيش جديد
الأب:طب كويس بقولك انا و مامتك خارجين النهاردة تيجي معانا؟
ميلي:لا يا بابا انا النهاردة خارجة مع صحابي
الأب:رايحة فين؟
ميلي:عادي رايحة حفلة بس مش هطول يعني
الأب:اوعي تعملي حاجة كدة ولا كدة
ميلي:ههههه هو انا اصلا بعمل حاجة هناك دة انا بفضل قاعدة حطي ايدي علي خدي
الأب:اومال ايه اللي موديكي بدل ما انتي مبتعمليش حاجة هناك؟
ميلي:انا رايحة علشان صحابي بس
الأب:خلاص ماشي خلّي بالك من نفسك و لما تروحي كلميني
ميلي:حاضر يا بابا
و خرج الاب من الاوضة و ميلي مسكت الموبايل شوية و قعدت تتفرج علي صور دايڤ علي موبايلها اللي صوره بس واخدة نص مساحة موبايلها و هي ماسكة الموبايل غرقت في النوم
ميلي بتفتح عينيها و بتشوف السعة كام لقيتها الساعة ٨ الا ربع و الحفلة الساعة ٨
صحيت مخضودة و قامت جري دخلت الحمام و غسلت وشها و لبست علطول
ميلي بقا ملهاش في لبس الحفلات و الفساتين و الجو دة ف الستايل
اللي بتلبسوا في الجامعة هو هو اللي بتروح بيه اي حتة تانية
صرحت شعرها و ظبطت نفسها و طلعت من الاوضة كانوا اهلها خرجوا خلاص و نزلت و راحت الحفلة
وصلت عالساعة ٨ و نص و لقت چوش مستنيها قدام البيت اللي معمول فيه الحفلة
چوش:ممكن اعرف ايه التأخير دة؟
ميلي:معلش يا چوش راحت عليا نومة
چوش:معلش دي اعمل بيها ايه يعني
ميلي:چوش انا جاية الحفلة ديه علشانك اصلاً ف انا ممكن اروح عادي
چوش:لا لا خلاص يلا ندخل
ودخلوا البيت و المكان كان زحمة جداً لحد ما ميلي و چوش وقفوا
ف مكان استقروا عليه
و كل شوية حد يسلم علي چوش و ميلي بتسلم بش هي متعرفش ولا حد فيهم لان ميلي شخصية مش اجتماعية
چوش:عجباكي الحفلة
ميلي:اه تمام كويسة
چوش:شكلها مش عاجباكي خالص
ميلي:لا لا قشطة ماشية يعني
چوش:طب انا دقيقتين بالظبط و راجعلك
ميلي:ماشي
و ميلي شافت چوش راح يسلم علي مجموعة بنات وولاد و مشيوا و وقفوا بعيد
ميلي حست ان چوش هيطول راحت قعدت علي كنبة من كنبات الحفل و مسكت الموبايل طبعا قاعدة بتتفرج علي صور دايڤ كالعادة
و قعدت تشوف اخباره و كدة
ساعة اتنين عدوا و چوش مرجعش لميلي
فكلمته
ميلي:الو يا چوش انت فين
چوش:معلش انا كنت قاعد مع ناس صحابي و الوقت سرقني انا
جايلك انتي فين؟
ميلي:لا ملهاش لزوم خليك قاعد مع صحابك انا ماشية
چوش:ميلي انا اس...
و قفلت ميلي ف وشه السكة و طلعت برة البيت و سمعت صوت چوش بينادي عليها من بعيد و بيجري عليها
چوش:ميلي انا آسف بجد مكنش قصدي
ميلي:خلاص يا چوش مافيش حاجة سبني اروح لو سمحت
چوش:انا بجد اسف و عارف انك متضايقة تعالي نرجع الحفلة تاني و هقعد معاكي
ميلي:چوش انت عارف اني بكره الحفلات دي و انا جيت علشانك و ف الآخر سبتني ورحت قعدت مع ناس تانيين ف ياريت تسيبني دلوقتي عشان انا مش طيقاق
چوش:طب انا هسيبك تهدي دلوقتي و نتكلم بكرة
ميلي و هي ماشية: ان شاءالله بقي
و مشيت ميلي من الحفلة و كانت متضايقة جداً
اتمني يكون شابتر ٢ عجبكوا و بردوا لسة محصلش الحاجة و التقيل كله جي ف الشابترز الجاية مستعدين؟🔥
#davefranco
#soul
أنت تقرأ
Soul
Romanceفتاة تدعي ميلي في العشرون من عمرها تعيش مع والديها و كانت الابنة الوحيدة و لديها صديق يدعي چوش، كانت مهووسة بالممثل الوسيم الذي يدعي دايڤ فرانكو و لكن لأي مدي سيصل بها الأمر و سيحدث لها شئ لم تتوقعه اطلاقاً هذا ما سنعرفه في هذه القصة. ملحوظة:هذه الق...
