Umpisahan natin sa mga bituin
Kung paano sila kuminang sa langit
Na syang makakapukaw sa iyong paningin
PANINGIN, bagay na nawala sa italyanong nakadiskubre ng teleskopyo
TELESKOPYO,bagay na ginamit para makita ang KATOTOHANAN sa labas ng mundo
MUNDO, isang planeta kung saan naninirahan ang mga tao at di isang pamagat ng tugtuging gusto mo
GUSTO MO , isang bagay na ninanais mong mapasayo ngunit di pwedeng maging kayo
KAYO,walang kayo
Syensya , isang uri ng asignatura na kailangan ng matinding pasensya at ng iyong presensya.
Dahil sa mga terminong ginagamit na talaga namang nakakaubos ng enerhiya.
Mga pangalan ng taong di mo kayang bigkasin at mapapailing ka nalang at mapapadaing
Mga konseptong alien sa iyong paningin na mapapanganga ka nalang sa galing .
Mga Teoryang nakakabilib at napakalulupit na hinigitan pa si thea na mabangis at malupit
Isa , dalawa ,tatlo magbilang tayo ilan ba ang planeta sa labas ng mundo
Balikan natin ang mundo gaya ng relasyon nyong pabalik balik lang naman dahil paikot ikot lang kayo
Apat ,lima ,anim ituloy natin
Ilan ba ang kalupaan at katubigan na unti unti ng nasisira't natatabunan
Mga palayan na sementado dahil sa mga ganid na tao
Na sarili lang ang iniisip at di kabuhayan ng ibang tao
Dumako naman tayo sa kalawakan kung saan naglulutangan ang mga planetang naglalakihan at naggagandahan
Nabuo dahil sa maliit at maiint na bilog na bigla nalang sumabog at ito'y
Lumawak ng
Lumawak
At Lumawak
At tinawag na ngang kalawakan na may mga planeta , bituin at mga bulalakaw kung saan ka pumipikit at humihiling sa gabing madilim.
Sana
Sana
Sana
Mga paulit ulit na sana na sana matupad na
Pito, walo,siyam isama na natin ang sampu dahil lahat naman ay may katapusan,lahat naman ay may hangganan ibahin mo lang si kalawakan na walang hangganan at walang katapusan dahil patuloy tuloy na lumalawak kahit pa walang kasiguraduhan.
Sensya'y kumplikado kung wala kang sapat na kaalaman dito pero kung ito naman ay matutuhan mo tiyak naman na garantisado.
Garantisado sapagkat malaki ang tulong nito lalo pa ngayon na napapalibutan na tayo ng teknolohiya sa mundo.
BINABASA MO ANG
Random Thoughts
De TodoHighest Rank #12- Nanay So ayun na nga 😂 wala talagang kwenta magbubuhos lang ng saloobin at katulad ng nababasa nyong title dyan random so iba iba hahaha😂 isang gawang walang patutunguhan 😂 Cover photo:https://www.google.com/amp/s/facilityexecut...
