غصبت نفسي

12

‏ ما زلتُ من خوفي عليك أخافني
وأخافُ أن يقسو عليك حناني 🖇💗.

ثاني يوم صبح ماما قررت تسوي طهور لاسد
تكول انتن اجيتن وباقيات هم تضلن يم جوان وتساعدنها شوي
وكالت كل وحده تخابر زوها

بكلبي اكللها يازوجي بارحه لل 6 مشغول تردي يجاوبني تهي بهي

فيان : ماما تلفوني طافي شحن خلي بابا يخابره وعيب احنه نخابرهم غير لو جد الطفل لو ابو

سماح  : هم صدك عمه

ام رحيم : لا بارك الله بيجن
كومي جميلة طيني تلفوني

جميلة : تفضلي عمه

ام رحيم : شحالجن لو كلجن مثل جميلة مريحتلي كلبي الله ليبارك بيجن

سماح : هاي شبيج عمه من صبح

فيان : هوه اني ناقصه يايمه ادعيتج اني الله مطيح حضي وتدعين

ام رحيم : وبشنو مطيح حضج شو اخذتيلج رجال العين عليه من كل جهات وبنات يتمنن حجايه منه شو خلقه واخلاق شهادة وضيفه فلوس ومن عائلة مرموقه

فيان : ااااايه يمه ااااايههه

جميلة : شجاج فيان تجرين حسره ع رجلج ومصارلج هواي من تزوجتي

ام رحيم : عوفيها تتعير عياره نسوان جا مو هاي وياج سماح تركض ركض بس تسمع طاري رجلها

فيان : يمه اني مرتاح كلش رب الراحه بس سدي موضوع

سماح : عمه شبيج وياها من صبح شو بارحه تتعتذرين ويوم معاجبتج فيان

ام رحيم : وخرن من وجهي

جميلة : بنات كومن وياي ساعدني فدوة ماكدر

فيان : اصلا انتي كعدي اني وسماح وجوان نشتغل وخلي يمج اسد

جوان : اني مرضعته وملبسته ومنومته محيتعبج

سماح : وتضرب جوان ع راسها

هههههه والله احسج صرتي اكبرنه

جوان : عمري 14 شبيكم  تره جبيره

ام رحيم : ههههه اي عمي مره وجبيره اللبنيه من تجيها دو__ بعد خلص مره ولازم نزوجها

فيان : ها يمه لاكيتلج رجال لجوان

ام رحيم : زلمه عن الف زلمه يلوك لوجها والله

سماح : عمه جوان بعدها طفله واني ساكته تركت دراسه كلت خطيه علمود اسد بس يكبر اسد ترجع للدراسه واذا ماكو رداد اخذ جوان يمي واروح

ام رحيم : وهيه تعوج حلكها
هههههه عود كولي هللكلام لعدوان

رادت تحجي سماح وجرتها جميلة وكلتها نضفي

بنات ستلمن تنضيف

واني استلمت الغده و حلويات ومقبلات يعني كعدتي صارت بمطبخ