غصبت نفسي

19

يجي ذاك اليوم
لاچن انه خايف !
گبل ذاك اليوم تاكلني العگارب 🖤!

شفت تابوت دخلو كلهم ويبجون ويعيطون

عامر ولا همام اكو

نغزني كلبي

يوه فيان عساه يموت وتخلصين منه

سمع عمه تعيط

لك يمه المن عفت هالصغيره

يا طخت براسي همام مات

بس شون مات وهوه ! بارحه كولشي مابي يضحك ويسولف

عاد كمت ابجي واعيط صراحه همام احسن واحد بيهم احسه جان كلبه طيب ويضحك

زنوبة واكفه يم تابوت متدري شصاير بس تلزم ببيتها وتكول baba nereda ابي اين

عامر ميبجي بس عيونه حمر وكلشوي يضغط ع ايده

اخذو عامر ودفنوه

وناس تسئل عمتي شون مات

ام عامر : لكوه مقتول بسيارته

لا حول الله همام مات مقتول حسبي الله ليش كتلو

مره : اخاف سلابه علمود باكت فلوسة

ام عامر : ياريت ع فلوس ننطيهم كلشي كلشي مماخذين

مره : عداوه عده عداوه ويه احد

ام عامر : هوه وين شايف عراق حتى يصيرله عداوه

3 ايام وفاتحه اني قايمه بوااجب اني وجيهان

عامر ماشفته ابد

الولد حالتهم متأزمه

جبار يبجي

زينب متعرف وضعيه شنو

زينب تعلقت بيه اني وسماح وين منمشي تمشي ورانه

اهلي هم اجو خلال فاتحه

جميلة مكدرت تطول يوم وراحت جهالها وعياطهم

اني الفاتحه افكر شون اتخلص من عامر

خلصت فاتحه

وعامر ماضل

مر 10 ايام وماكو عامر

وره 10 ايام اجه

جانت عيونه حمر

بيه ريحة شرب

اول مره عامر يطب بيت اهله وشارب 

شافه ابو

ابو عامر : عامر بويه راح همام لا تضل تأذي روحك

عامر : مات غدددر غدددر اريد اعرف منو كتلو

ابو عامر : ماشفت الكاميرات

عامر : هه ممسوحه كلها ممسوحه

ابو عامر : اوف روح شوف حالة امك لا ااكل ولا شرب

ماهتم عامر لكلام ابو صعد لغرفة وصاحني رحتلة ركض