استمرت علاقتي اني و فاطمه و سماح بتحسن عالي
صارن اقرب شي الي
جهال الصبح يكضو بمدرسه الضهر تعلمو يصلون و يتغدون شوي و يرحون ينامون يكعدون ادرسهم للعصر يكملون دراستهم
تجي فاطمه وسماح و فيونه بدت تمشي تعودت ع شوق و عشق و شبل
بليل يجي عامر يطلع جهال بره يفرهم و يجيب عشه نتعشه
يكعد يمهم شوي و نروح للغرفه انام تعودت انام بحضنه
ماقبل اسوي سونار اله ادخل شهر ٧
و اليوم دخلت شهر سابع بطني جبيره كلش و ثكل تعبني ينتبه عليه الهث
عامر : صباح الخير ام شبل اليوم دخلتي بشهر ٧ مو
فيان : صباح النور
اي دخلت بشهر ٧
عامر : خوش لعد العصر اخذج للدكتوره خلي جهال يك فاطمه
فيان : اوك سماح هم تجي اليوم
عامر : يلا ماشي محتاجه شي
فيان : سلامتك الله وياك
هيج استمرينه اني و عامر قرب بيهه ماكو بس بليل انام ع ايده و ادري بيه بليل يضل يلعب بشعري الي شوي طول
اهلي يجون يمي كل اسبوع بليل عشاهم يمي عامر يجهزه
بس اني بعد كلام جميله و جوان علاقتي بيهم تعبانه ل جوان و جميله و عدوان و ابويه الي ماحسب روحي عندي اب
يجون و يرحون اني اكعد يم رحيم و امي صح ابتسم بوجه باقين بس خلص حجيهم سهم بداخلي
اني شنو ذنبي همه يدرون بالاكو و ماكو
رضوان يخابرني دايما افتح كامره استقر بكندا و جهال كرار هم وياهم و دراستهم
رضوان دايما يكولي هناك احسن اله مرتاح
اجو جهال صلو و غديتهم بس اني تعبانه و الهث عبالك داخله حرب
جانو ديغفون
فيان.: شبل ماما حبيبي اني حطلع ويه ابوك العصر و تجيكم باجي فاطمه و خاله سماح مو تعبوها
شبل : نجي وياكم ماما حبابه
فيان : حبيبي مدشوفني شون مريضه و تعبانه حروح للدكتور اوعدك اخذكم للالعاب غير مره
كمت لبست صايه
و شال زيتوني
و مكياج هادئ و عطر
انتضرته اجه
عامر : ها انتي جاهزه
فيان : اي مكمله
عامر : خلادز ع فاطمه
فيان : ليش مادزهم يمهم احسن
عامر : بكيفج
رحت كعدتهم
لزمتهم و احاجيهم و لتعبون باجي من هالحجي
عامر يباوعلي و صافن عليه
شافني ابتسم الي
فتحلي باب الحارس باوعت ع سياره عاليه احاول اصعدها تعبانه كلش
عامر : امشي ناخذ سياره ناصيه احسلج
فيان : اي والله احسن الي
صعدت يمه بسياره
مايحجي كلام هادئ
تلفونه دك ركزت باسم مكتوب
معشوقتي
ماجاوب عليه
اني كبل كمت اباوع ع صايتي العب بيها
جان ديركز بيه اذا مركزة بيه لولا
جسمي كام يرجف لزمتني رجفه
وصلنه نزل فتح باب ديلدم ايدي جريت ايدي منه
عكد حاجبه باوعلي
بنضرج شنو شبيج
مشيت من يمه دخلت
اشر للحمايه يبقون
دخلت كدامي وحده
كعدت و هوه واكف بعيد عني لابس مناضره و صافن عليه
صاحو باسمنه
اجه ديلزمني سويت روحي ممنتبها ليه مشيت كدامه دخلت ع دكتوره ابتسمتلي و ابتسمت ل عامر
دكتوره : ام شبل مو
فيان : اي نعم
دارت وجهه ع عامر
دكتوره : جانت ام عامر تحبج الله يرحمها دايما تحجي بيج
ضاهر دكتوره امه نفسها جابني عليها
دكتوره : يلا ماما تمددي خلاخذلج سونار
تمددت و عامر كاعد
هيه و تفحصني ابتسمت
دكتوره : صارلج شكد مامسويه سونار
فيان : تقريبا من اني بشهر ٣ هيج شي ماسويت بعد
دكتوره : شتحسين بعني اوجاع شي
فيان : تصير عندي اوجاع و دايما حركة طفل واضحه عندي ضربات من كل جهات بس ثكل كلش متعبني يخليني الهث
دكتوره : كم طفل عندج ؟
فيان : ٣ دكتوره بس بطن وحده لان تؤم
دكتوره : ضاهر انتي بطنج بس توم تجيب
كبل نهض عامر اجه تقرب يمنه
عامر : يعني شنو دكتوره وضحي
دكتوره : مبروك عامر
راح يجوك ٢ بعد
زوجتك بس تؤم مبين
فيان : ركزت ع عامر فرحته واضحه و دموع بعينه
دكتوره : ولد و بنيه
بس بنية الولد اقوى من البنيه
بنتج يحتاجلها غذاء اقوى ابنج كل غذاء يخلصه هوه
عامر : يعني شنو يعني دكتوره بيها نبض لولا
دكتوره : بيها نبض عامر شبيك يعني بس تعبانه مو مثل ابنك
عامر : دكتوره انقذيلياها اريدها
فيان : شبي هذا شنو ليش هيج متخبل عليها
دكتوره : كم بنيه عدكم
فيان : ٢ بنات و ولد
دكتوره : عامر ححاول كل ماعندي بس انت اهم شي غذاء تتغذه اكثر
و نفسيتها اهم شي نفسيتها متتعب للام شبل
عامر : لا ابد ماتعبها شعندي غيرها هيه و جهال
دكتوره : هاي ادويه مغذيات التزمو بيهن ورقمي يمكم اي شي يصير اتصلو بيه
عامر : انشالله دكتوره
طلعنه كعدت بسياره انطه علاجات لل حمايه و كاعد يمي
عامر : فيان ليش متاكلين الاكل متروس ليش متاكلين بعدين شبيها نفستيج
شو مو يمج لا حاجي لا ناطق بس بليل اجي و اخاف عليج لليل كله خاف حركة تأذيج
فيان : باوعت بعيونه ركزت بيها
عامر انت همك اني لو همك جهال !
عامر : بالنهاية انتي ام جهالي اذا يصير شي بيج معناها جهالي يتأذون
جريت نفس مجاوبته عرفت كل همه جهال
وصلت للبيت
دانزل
عامر : روحي لبيت اهلي و صيحي جهال خلاطلع انجيب عشه و نجي
حزت بداخلي مايريدني وياهم مافد يوم يخليني اطلع من بيت لو يطلعني اني و جهال مجاوبته نزلت يم فاطمه و جهال راحو ركضو لابوهم
دخلت لكيت فاطمه لابسه دشداشه و بحضنها فيان
فاطمه : ها ولج بشري
فيان : تؤم ولد و بنيه
طكتها هلهوله
فاطمه : بعد شتردين تعاي ارتاحي كعدي
فيان : شنو لعد ويه ابو عامر و محمود و ريان و لهيب
فاطمه : حبيبتي ليش ماعرفتي ابو عامر خطب ل ريان بس خطوبه و عقدو مسوو حفله عود بعدين العرس
فيان : و لا كانو اني جنتهم زين انتي ليش ماخذوج
فاطمه : مادري بس عامر و ابو عامر و ختهم راحو ماحاطيلنه اعتبار
يمعوده خليني اخلص شوكت يموت هالعجيز تعبني ولج صحته و طاقته احسن مني و منج تعبني كلش كمت افكر احطله منوم و اخلص
فيان : خرب يومج والله اضحكيني
فاطمه : فيان كل مايتقربلي اتخبل بس كوه الزم روحي
تدرين فلوس يطينياها ماصرف شي كله اضمهن اضمهن و ادز لامي هسه امي شترت بيت و اجرته مو هنا بالبصره حتى ليحس ابو عامر خليني استفاد من الفلوس اعدل خواتي قابل هم ينشمرن شمرتي لو تشوفيني من اروح الهم وحده وحده اوصيها ع دراستها
فيان : ليش متحاولين تحبي
فاطمه : فيان شبيج كل ماشوفه اذكر خالتي و دموعها كل ماشوف عامر اذكر ذله النذليتها
صدكيني مامصبرني ع هالبيت غير الفلوس و فيونه
فيان : زين ليش هيج انتي متعلقه بفيونه
فاطمه : بيها ريحة خالتي الحنينه هاي سنين خالتي انتضرتها اني يمكن اذا يموت الشويب اخذ فيان يمي اخاف عليها من عامر و اخوانه
فيان : شبيج شهل عقل عندج
فاطمه : مدام سوو بت خالتهم اليتيمه هيج كلشي اتصور
دانحجي جان طب ابو عامر و ريان و محمود
كبل فاطمه تلكته و تبتسمله خرب يومها شون كدرت تخفي كره و حقد داخلها
شافني ابو عامر
ابو عامر : ها ام شبل شونج اليوم
فيان : الحمدالله عمي
سلمو الولد عليه
فاطمه : ابو عامر ام شبل حامل بتوئم
ابو عامر : اللحمدالله الف مبروك بنيتي ديري بالج ع روحج
ابتسمتله كتله انشالله
فيان جان بحضني غافيه لكيتها
اجه ريان اطينياها عنج
اخذها دخلها بغرفته
و ابوعامر و فاطمه راحو لغرفتهم
محمود كبران صاير عمره تقريبا ١٤
مغمضه عيوني و اذكر تلفون عامر من اتصل
دخل عامر و جهال ركضو يم محمود
طبعا محمود روحه بيهم همه و فيونه
صاح خدامه حضرت الاكل
طلع ريان سلم ع عامر و باركله
عامر : ابوي وين
ريان : بغرفه هوه و مرت ابونه
عامر : ضحك و ابتسم
طلع ابوهم لابس كلبيه و فاطمه وراه تهلي و ترحب بيهم كعدنه تعشينه و سوالفهم سوه و عامر كل شوي يعيط بجهال التهو بعد ويه محمود تعبونه مياكلون
كملنه رحنا لبيتنه
رحت يم جهال اوصي ع تبديلهم و تفريش اسنانهم
لفراشاتكم يلا
غمضو عيونهم
رحت يم عامر
اني كل ماهدئ روحي من ناحيته تقرف نفسي اكثر
من سوالف بنات و خيانته
لبست ملابس نوم اسود مريحه كلش
عيونه عليه متركزه
عامر : باجر جاين خطار و انتي تعرفيهم حضري روحج
عكدت حاجبي بله منو ذوله
عامر : خابري سماح تجي اذا هيج
مجاوبت
عامر : شبيج يوم ملتزمه سكوت و هدوء خيرج
فيان : مابيه شي شوي تعبانه
عامر : اها تعبانه كتيلي
مجاوبته غفيت و نطيته ضهري
جر راسي و خلاه ع ايده
ماجاني نوم الصبح ركزت بيه كاشخ جان و مرتاح رحت ع جهال وكفت عليهم حتى يبدلون و يرحون ريكتهم ع سريع وكفت بالباب اني و عباتي عامر صعدهم بسياره ويه سايق و اشرلي ادخل اجت فاطمه يمي رتبنه و سوينه غده بعدين اجت سماح
سماح : خير منو اليوم عازم عامر و شنو انتي تعرفيهم يعني اكيد نعرفهم
فيان : والله مادري قلقني كلش
دخلو زلم للاستقبال و بنيه شابه سمره كلش عيونها كبار مبينه عدسات و مطلعه شعرها من حجاب شفايف كبار و حمره لونها احمر لابسه صايه من ذني مخصرات الصدر بارز منهم و حزام من يم الخصر
سماح جانت مركزه بيها اني ماعرفتها
سلمت علينه
جانت تحجي و تتموع ياربي صوتها مو غريب
سماح كبل عاطت رزان ؟
رزان : اي اني شوننننجن مشتاقتلجن
راحت ع مخيلتي البنيه صغيره اصغر مني بسنتين جيرانه
امها مدرسه و ابوها مطلك امها لاسباب محد يعرفها وره سننين من كبرت رزان امها تزوجت واحد مزوج وصرفت عليه و كبرته و ماعدها غير رزان و مشتريه بيت بصف اخوهها و شالو يمهم
سماح ابد ماتحبهم اني جنت انقهر عليها بس هسه مصدومه اني عود اصغر مني بسنتين اني واكفه يمها شحالنه
من بعد ترحيب و كلام وياها سألتها سماح
سماح : اي شون وصلتو لابو شبل
رزان : عن طريق زوج ماما السيد شغل و هيج ف اني بصدفه عرفت هوه زوج فيان
فاطمه هيه و تشاور سماح
ابد ممرتاحتلها اني
اجت العامله ضيفتها دخلو جهال
بوسوني و سلمو عليها
فيان : روحو ماما بدلو و صلو و تعالو يمنا خطار
رزان : شكد حلوين بس اكثر شي ماخذين من ابوهم هيج انتي تحبي
فاطمه : اي مشوفين عامر عيني يحبلها توم ب توم و تتعب حتى باب شارع ميخليها تطلع يغار
جانت رزان تصرف طبيعي بس سماح و فاطمه ابد مارتاحو الها
بس اني جنت فرحانه بيها صديقتي من ايام زمان رجعت حبيت ترجع صداقتنه
تكمله بارت اخير عكب باجر ينزل
أنت تقرأ
غصبت نفسي
Misteri / Thrillerعامر .. باحلامج ترحين انتي اجيتي برجلج الي وجنتي تردين تزوجين وسند كتلتلي روحج ع رجال تضلين ببيت صوتج ماسمعه انتي مجرد مره اخذ شهواتي وتصير ام لجهالي فيان ... شجاك عامر افتهم تعبت اني من ردتك وضليت وياك وصابره ردت ارتاح واستقر يااخي جحيم اهلي ولا...
