انـــه
المايـدري ويـن الوكت وداه
انه المتروس نـاس ومحد ويـاه
ضفنت عليه
شنو اسافر وين اروح
و جهالي يم منو يبقون
عامر : كدام عينج
فيان : شنو كدام عيني شدتحجي انت
عامر : اذا تردين جهالج و محد يتضرر مم الساعدوج
امشي بكلامي
انتفضت و صرخت بوجهه
باحلامك اسوي تريده و ارضخلك
تقرب مني حط عينه بعيوني
نفسه قريب مني
و ايده ع ركبته
عامر : باوعي بعيوني فيان و شوفي
تتوقعين كلمتي تصير اثنين
تتوقعين اذا ثنيتي كلمتي
مااذيج و لا ااذي جهال و لا ااذي الساعدوج
المجرم بداخلي لا تصحي
المجرم بداخلي اقوى من السابق
و هروبج مني و حرماني من بناتي
حرماني منج
حرماني من عطرج
حرماني من جسمج
يخلي المجرم بداخلي يقتل بدون رف جفنه
لا دولة تكدر و لا احد يكدر
وان طخ بعقلي اقتلهم كلهم كدام عينج ووراها شيصير خل يصير
فيان : جسمي رجف من عنده و من كلامه
نضرته الي اخترقتني
صوته و هوه يهمس دمرني
دفعته عني
و كمت اخذت جنطتي داطلع
عامر : حضري روحج بليل اجيج
فيان : باحلامك لو تموت
عامر : بكيفج المهم اجيج بليل
عفته و طلعت دموعي تنزل
رحت للكاظم حتى مارحت للفندق
دخلت ابجي و ادعي يهديني للطريق صح
اتصلت ب جميله
ماتجاوب
اتصلت ب سماح
جهازها مغلق
اتصلت ب جوان
ردت عليه
جوان : هاااا فيان شونج خو ماسوالج شي احجي شكال شصار
لج دخل عدوان بكل برود كال ببرود فيان رجعت و هسه هيه يم عامر رجلها
ولج امج ماتحملت كبل صعد ضغطها
و عدوان يم راسها يحجي يكووللها
عدوان : يمه هذا رجلها وذولة جهاله ب النهاية ترجعلهم و دشوفين شسوه ب رضوان و رحيم
تره يمه عامر اذا ماسايرته فيان مايرحم احد وو حتى اني يأذيني و تضل جهال هيج مشرده محد الهم و يبقن الامهات لا رجال و الجهال لا اب
أنت تقرأ
غصبت نفسي
Mystery / Thrillerعامر .. باحلامج ترحين انتي اجيتي برجلج الي وجنتي تردين تزوجين وسند كتلتلي روحج ع رجال تضلين ببيت صوتج ماسمعه انتي مجرد مره اخذ شهواتي وتصير ام لجهالي فيان ... شجاك عامر افتهم تعبت اني من ردتك وضليت وياك وصابره ردت ارتاح واستقر يااخي جحيم اهلي ولا...
