نياط القلب بقلم طيبه الربيعي الناشربارق العراقي

الجزء الاول

#نياط_القلب
#بقلم_طيبة_الربيعي
#البارت_الأول
#الناشربارق_العراقي

ما يعانيه الطفل بطلاق الوالدين
وما يعانيه الوالدين بما يشعر به الطفل وتصرفاته
احسنوا الأختيار قبل فوات الأوان
~~~~~~~~

(للكاتبة طيبة الربيعي)
-مداكدر افهمك مداكدر
-هو اني المفتهمج لعد؟!
-خلاص خلي كل واحد يروح بطريقة لعد
-شنو قصدج؟
-نطلك
-وعلاوي؟
-حسن مدنعرف نتفاهم، انتة عايش بغير عالم من شوكت تهتم العلاوي؟ كل همك ونستك وراحتك، تعبت ماعرف شلون اتصرف وياك
-اطلكج بس بشرط
-شنوة
-تضلين هنا، ماتنتقلين يم اهلج، اريد ابني كدام عيني مندخل القانون بيناتنة
-شلون اعيش وحدي هنا
-مشكلتج، ابني اريدة كدام عيني، وتعرفيني شسوي اذا لعبتي بذيلج(للكاتبة طيبة الربيعي)
-خلفالله عليك صرت العب بذيلي مو، ماشي موافقة
اي هذا زوجي، حسن، اطلكنة لان ممتفاهمين
كان زواجنة زواج تقليدي الاهل بيناتهم متفقين
خبروني من لكو الوقت المناسب
واني وافقت لان كل ضني الي يختارو
اهلي هو الي راح انسعد ويا
بس الحظ ميكعد وية كل واحد ...
وهل مقولة مو دائما تنطبق
اسمي رتيل عمري 26 صيدلانية
عايشة بالسويد من عمري 10 سنين
عائلتي متكونة من اب ام 3خوات واني الرابعة
و3 اخوة، تزوجت حسن بعمر ال20
بس ابد ممتفاهمين، بقيت اطبق كلام ماما
انو اتمسك ابيتي ورجلي عادي المشاكل
مو الة تودي للطلاك وكل بيت بي مشاكل
جنت اسكت وابلعهة، يجي متأخر دائما(للكاتبة طيبة الربيعي)
يسهر وية جماعتة مدري وية السويديات
الله اعلم، طايش ولا عبالك عمرة 28
رغم حبيتة بس مبادلني
مجان يحسسني بحب او اهتمام
كلشي عندة بالصياح والعياط لكن
احجي العلية والمو علية ابد مماد ايدة علية
بس كلامة يأذي، من جبت علاوي بديت
اخذ مانع حمل لا هو يريد طفل ولا
اني اريد اكبر المشكلة وابهذل جهالنة ويانة
بس يموت علة علاوي عندة خط احمر(للكاتبة طيبة الربيعي)
من جبتة الي هسه ماكدر ابات ابيت اهلي
يمكن مرة مرتين سويتهة لان ميقبل يفارك علاوي
اطلكنة وكلمن راح بطريقة، لا اهلي
ولا اهلة تقبلو هل شي بس كلنالهم ممتفاهمين
هذا الشي يخصنة لحد يدخل، اهلي لحو علية
اروح اعيش يمهم بنفس المدينة بس علاوي مانعني
ماكدر ابعدة عن ابو ولا ابو يكدر بدونة
كل اسبوع ياخذة يومين يم اهلة
بس بقة بالشقة واني طلعت بغير شقة
قريبة عليه البعد بيناتنة محطتين مال باص
يعني منطقتين والمسافة مو كلش بعيدة
احب مكان شغلي بهاي المدينة احسن باقية هنا
رغم راح اتأذة بوجودة قريب عني بس التهي بشغلي
مراح افكر بي هواية، مهما يكون 6 سنين مو قليلة
واني حبيتة لان زوجي وابو ابني بس هو مقدر المحبة(للكاتبة طيبة الربيعي)
عندة اخت وحدة وتلث اخوة وكلهم متزوجين
مرن شهرين عاديات يجي يسلم وياخذة
واني ملتهية بشغلي، هو ميشتغل لان اهلة زناكيل
هو زنكيل ممحتاج الفلوس، بس مرات من يعجبة
يشتغل وية صاحبة بمعرض مال سيارات فولفو
وبيوم اخذت اجازة علمود علاوي تمرض شتة
وماخذ برد، جنت حاجزتلة موعد بالمستشفى
علمود يفحصو اخاف عليه كلشي يصير
الفحص يطمني، بدلتلة لبستة زين
سودة علية مجروح باصبعة من لايحتة برودة
وبشرتة ناعمة وحساسة
كلسع يشوفني
علي: ماما بوسي(للكاتبة طيبة الربيعي)
ابوسة يرجع يباوع عليه ويباوعلي ويبتسم
فدوة اروحلك محد مصبرني غيرك
طلعنة ركبنة باص، دكيت الكارت رفعت عيني
شفت حسن بنهاية الباص وية جماعتة
ماكو هواية ناس بهيج وقت دنيا ظهر
والاغلبية بدواماتهم لو بالشغل
استغربت ليش صاعد باص وعندة سيارة
شافني ترخص من جماعتة واجة، احنه واكفين
بالبداية قريب علة ابو الباص بس مو ذاك القرب
حسن: سلام عليكم
رتيل: وعليكم السلام
شال علاوي يبوس بي
حسن: شلونك بابا
علي: باوع اوا
تلمس ايدة: بالله اشوف(للكاتبة طيبة الربيعي)
باسهة وباوعلي: شلون تعور
رتيل: من البرودة، ميقبل يلبس جفوف
حسن: لا بابا حبيبي لازم تلبس
علي: اي بابا البس
باسة: عفية بالسبع
باوعلي: وين
رتيل: عندة موعد بالمستشفى
عكد حاجبة: ليش
رتيل: ماكو شي، ماخذ برد وحجزتلة مال فحص اريد اطمن
حسن: وليش ماعندي علم؟ غير تكليلي؟
رتيل: راح من بالي التهيت بس جنت ناوية اخبرك اليوم
باوعلي بعصبية ودار وجهة
حسن: هسه اجي(للكاتبة طيبة الربيعي)
اخذ علاوي وراح يم جماعتة، شوية واجة
حسن: اجي وياكم، لتعيديهة بعد
سكتت محجيت شي، بس صار عندي فضول
ليش راكب باص
رتيل: شعجب راكب باص
حسن: بعتهة السيارة، راح اشتري وحدة جديدة
رتيل: اها
وصلنة للمحطة، نزلنة وهو شايل علاوي
دخلنة ننتظر دورنة، شوية وصاحت علينة الممرضة
فحصتة وهو بس يضحك يدغدك حبيبي
كالت مابي شي، هذا الوقت اغلب الاطفال يصابون
بالبرد يعني طبيعي ماكو داعي للقلق، اخذنا وطلعنة
حسن: مداومين اليوم؟(للكاتبة طيبة الربيعي)
رتيل: لا، اخذت اجازة علمود علاوي
حسن: دمشي اغديكم حتة ارجعكم للبيت
رتيل: ماكو داعي مسوية غدة
علي: بابا وديني للمطعم
حسن: صار بابا، يلة امشي خلي الغدة للعشة عود
مشة، مشيت وياهم امري لله، رحنة لمطعم عربي
مال كباب شاورما دجاج ومن هل اكلات
حسن: شتريدين انتي
رتيل بشبه عصبية: حسن كتلك ماريد
حسن: وشبيج كابة، تعاي اخذيلج راشدي
رتيل: مابية شي وكل ابنك وخليني اروح اشوف شغلي
حسن: لو ما العالم اعرف شلون احاجيج، بسيطة
يعني اطلكنة وكلمن راح بحالة، ليش تجبرني اطلع وياك(للكاتبة طيبة الربيعي)
والعالم هنا ربهم دينهم الكلام، عود اخلص من السانهم؟لا والله النفاق حتة هنا
منطقتنة كلهة عرب بالأخص عراقيين
كعدو ياكلون هو وحسن واني
اباوع العلوشي شلون ياكل، شسوة بنفسة
_______________________________________________
رفعت راسي شفت بنات ثنين سويديات
جايات نحونة، اجتي لطاولتنة
البنية: مرحبا
رتيل: مرحبا
شفت حسن باوعلي ورجع باوعلهة
كام: هسه اجي
اخذهة وطلع خارج المطعم بس اكدر اشوفهم
هههه عفتني علمودهن، معدتي وجعتني
واحس بالدمعة محصورة بعيني، شفتة باوعلي
درت وجهي علة علاوي سويت نفسي ممهتمة
رتيل: حبيبي اجيبلك بعد زلاطة؟
اشرلي براسة لا ورجع ياكل، رجعت باوعتلهم
شفتة يحاجيهة بعصبية، باوعتلي هية ورجعت
باوعتلة لان مدري شكللهة، حسيت بحرارة تطلع
من راسي، شهل مهزلة، شوية واجة(للكاتبة طيبة الربيعي)
رجع كعد واني اباوع لعلاوي، ماريد اباوعلة
ويشوف القهر بعيوني
علي: يلة بابا اخذني اغسل
اخذة وكام، من رجع كلي
حسن: يلة ارجعكم؟
كمت اخذت سترتي لبستهة واخذت سترة
علاوي وبديت البسة
حسن: مو وياج
رتيل: ماكو داعي، نرجع وحدنة اخذ راحتك
حسن: ترة مامنتظر منج الأذن، يلة بابا علاوي
شال علاوي ومشة، اوف ليش مهتمة
مو اطلكنة مو هذا الي ردتة، انجبرت افكر بالطلاك
انجبرت بسبب تصرفاتة(للكاتبة طيبة الربيعي)
مشيت ورا اخذنة الباص، جان ازدحام
حصرني وواكف مقابيلي لان شباب
هية بس الغيرة فالح بيهة
متعرف تحب يااخي تهتم، مو بس غيرة وعنف
وصلنة للعمارة
حسن: يلة، اذا تحتاجون شي خابريني
حجيت بدون ماباوعلة
رتيل بعدم اهتمام:انشاءلله، يلة ماما علاوي
شبكة حيل: بابا لتروح
حسن: حبيبي بليل اجيكم بس اخلص شغل تلكاني يمك
نزلة: ماريد اسمع بيك متوكح خوش؟ حتة اجيبلك سيارة وياي اليوم(للكاتبة طيبة الربيعي)
هز براسة اي بابتسامة، شكد حلو المنظر
بس ناقصة حب يربطنة اني وحسن
مع الأسف
حسن: يلة طبي
اخذت علاوي وطبيت، هه شكرا علة اهتمامك
المزيف
التهيت وية علوش اليوم، صديقتي جيرانة
اجتي يمي لليل يلة راحت، دك الجرس رحت اباوع
من العين السحرية
جنت لابسة ثوب حصر، عزة هذا حسن
ركضت عالسريع لبست سترة طويلة فوكا
ولفيت شالي، فكيت الباب
حسن: ساعة!(للكاتبة طيبة الربيعي)
رتيل: جنت بالحمام
اجة علاوي ركض حضنة
دخل، سديت الباب ورحت للمطبخ
اسمعهم يلعبون ويضحكون، اجاني علاوي ركض
يجرني من ايدي: تعاي شوفي السياااارة
ضحكت: علة كيفك ماما
جرني جر للصالة، شفت سيارة صغيرة علة كدة
حلوة
رتيل: متعشي؟
حسن: اي ماكل، تعاي اريد احجي وياج
استغربت، كعدت مقابيلة، علاوي ملتهي بالسيارة
حاير بيهة
حسن: شنو هل تصرف اليوم، اطلكنة مو معناتهة ماتحترمين وتجاهليني من احاجيج
رتيل بعدم فهم: ليش اني شسويت؟
حسن: اليوم احاجيج ضربتيني بعرض الحايط
رتيل: يتهيئلك ماكو هيج حجي
حسن: رتيل
رتيل: نعم(للكاتبة طيبة الربيعي)
حسن: علاوي شافعلج
كمت: من رخصتك اشوف الجاي
عفتة ورحت للمطبخ، بكل عين صلفة
صبيت الجاي واخذتة حطيتة كدامة ورحت للغرفة
لان سمعت فوني دك، جاوبت امي، كالت باجر نجيج
اني وابوج، كتلهة هلة بيكم
همزين حيجون لان عندي شغل وحايرة
علاوي وين اودي، الروضة السجلتة بيهة
قريبة علة بيت اهل حسن وماريد اشوفهم
عكب باجر انشاءلله انقلة لغيرهة
التهيت بالمطبخ وهمة بالصالة
صاحني: رتيل
رحت: ها
حسن: اني رايح، دير بالج عليه وفكي التدفئة البالغرفة
هاي جانت طافية خاف ذنيج هم طافيات
رتيل: جانت خربانة اليوم صلحوهة ونسيت اشغلهة
علاوي: بابا ابقة لتروح(للكاتبة طيبة الربيعي)
باسة: عندي شغل حبيبي، باجر هم اجيك
رتيل: يجون اهلي، ماكو داعي تجي
حسن: انتي شبيج، شنو فلمج، اطرديني؟
رتيل: مداطردك، اذا تريد تعال اخذة يمك، باجر اني مو هنا واهلي حيبقون ويا، ماعتقد تحبهم لهل درجة علمود تبقة يمهم
حسن: بسيطة رتيل، لسانج هذا طولان ويرادلة كص
مجاوبتة، لان هسه اذا حجيت اكب عليه
انفجر اطلع كل البكلبي وماريد هل شي يصير
اذا هو مو مهتملي ليش اني اهتم، راح
نومت علاوي ونمت، ثاني يوم اجوي اهلي
من الصبح، بقيت يمهم علاوي وطلعت الشغلي
بقو يومين وراحو، سجلت علاوي بالروضة
تسهلت اموري، دوامي من الصبح للعصر
اروح اجيبة ونرجع للبيت، وهكذا
لحد ما بيوم اجاني أمر انو امر عالمستشفى
بالاربعة علمود المبتدئين يستفادون من خبرتي
رغم اني مصارلي هواية بس شاطرة(للكاتبة طيبة الربيعي)
وبسرعة اتعلم لكن مو بس اني وياية صيدلانيين
اخرين ودكاترة واطباء، حرت علاوي وين اودي
مالي غير حسن، اتصلت بي واني بالدوام
حسن: الو
رتيل: هلو حسن، ممكن احجي وياك اذا عندك وقت
حسن: شكو، علاوي بي شي؟
رتيل: لا، اني اليوم عندي موعد بالمستشفى بالاربعة وابقة لليل كلت اذا تكدر تاخذ علاوي يمك اليوم، يعني تاخذة من الروضة وتبقي يمك اليوم
حسن: اليوم ماكدر، مشغول
ضجت وانقهرت(للكاتبة طيبة الربيعي)
رتيل: ماشي، مع السلامة
سديتة بوجهة، شكد زين وية الناس
بس وياية يستحقر، دك مجاوبتة
بعد مدك، شكد مهمل وماعندة مسؤولية
حرت شسوي، اهلي بعيدين كلش
ياربي ابتليت بلوة اني، منين الكاهة
ماعندي غير البنية صديقتي جيرانة
اخاف عليه شلون اخلي يمهة، هية عراقية كلش حبابة
بس مهما يكون اخاف عليه وهم عيب منهة
هية هم عندهة جهال ورجال، اوووف
شسوي ماعندي غيرهة، صديقاتي ذنيج ماامن عليه
يمهن، اتصلت بيهة، مردتني البنية الله ينطيهة انشاءلله(للكاتبة طيبة الربيعي)
كالت صدك جذب اني اروح اجيبة اصلا
كتلهة لا اني اجيبة بس ديري بالج عليه
ورة الدوام اخذتة من الروضة وديتة للبيت
بدلتلة ووكلتة ووديتة الهم، كتلة تصير عاقل

يتبع...🌹🌹🌹🌹