نياط القلب بقلم طيبه الربيعي الناشربارق العراقي

الجزء السادس

#نياط_القلب
#بقلم_طيبة_الربيعي
#البارت_السادس
#الناشربارق_العراقي

(للكاتبة طيبة الربيعي)
حسن: مو معطلين؟ شعندج رايحة
فتحت الباب: مع السلامة
وسديتة، مشيت للبيت ودموعي حركن خدي
الناس تباوعلي
خليت الكبوس علة راسي
ومشيت، وصلت اعصابي تالفة
دكت الباب وداد، مفتحتة
لفيت راسي ونمت
كعدت العصر
نضفت البيت لهيت روحي
اندك الباب(للكاتبة طيبة الربيعي)
باوعت من العين السحرية
دكتور هيثم
عزة شيسوي هنا
ركضت لفيت شالي
ولبست سترة وشديتهة
فتحتة
هيثم: مرحبا
رتيل باستغراب: اهلا دكتور
قدملي باكيت بي زلابية
هيثم: اجيت اطمن عليكم
رتيل: ليش زحمت نفسك
ابتسم: شنو مراح اطببيني
رتيل: لا لا تفضل
دخل نزع حذائة(للكاتبة طيبة الربيعي)
اشرتلة عالصالة: تفضل، هسه اجي
رحت للمطبخ خليت زلابية بماعون
وحلويات وخدرت الجاي
رتبتهن بالصينية ودخلت قدمتلة
تشكر مني، خليتة عالميز وكعدت
هيثم: شو علاوي ماكو
رتيل: والله يم ابو
هيثم: اها، شلونج انتي، شو ماتسألين ابد
رتيل: اعذرني دكتور بس ملتهية وية علاوي
هيثم: عوفي مال دكتور هسه، احنة مو بمكان عمل
ابتسمت: صح
بقينة نسولف سوالف عادية
لحد ما كال
هيثم: رتيل ترة اني منتظر جواب يقنعني بفارغ الصبر(للكاتبة طيبة الربيعي)
رتيل: دكتور
باوعلي رافع حاجبة بابتسامة
رتيل: هيثم كتلك ماكدر، ممستعدة لهل شي، واني ماكدر اعوف علاوي يتبهذل، اباوع للبعيد ابني اذا كبر بين زوج امة وابو تصير بي حالة نفسية، خاصة علاوي اعصاب ميتحمل
هو من ابو يغار علية مع انو هو طفل بس يفطن، شلون اذا كبر، اعذرني اتمنة تتفهم وضعي، انتة انسان رائع والف من تتمناك، اني ماكدر
هيثم ضاج: افتهمج رتيل، اعذريني عالملحة بس جي عجبتني اخلاقج وندارتج، اني يهمني العقل والتفكير مو المظهر، بس انتي كل الصفات الحلوة مجموعة بيج، مع الأسف طليقج مقدر النعمة الجان عايش وياهة، مع الأسف(للكاتبة طيبة الربيعي)
دك الجرس
رتيل: من رخصتك
هيثم: ولو اخذي راحتج
كمت باوعت، عزةة العزاااني
حسن، هذا شجابة هسه، كلبي صار بيدي
اذا شافة يمي شيفكر
بس لحظة، هو شدخلة بية
علاوي مو يمي يمة
يعني ابنة مالة علاقة بالرجال
فتحت الباب
رتيل: خير حسن علاوي بي شي
حسن: لا، نسيتي ثوبج، علاوي من شافج ماكو ضاج بس وديتة لاهلي التهة وية ميار (بنت نهلة)
اخذتة: اها شكراً
حسن: منو يمج
رتيل: شنو
حسن: حذائمن هاي(للكاتبة طيبة الربيعي)
تشجعت رغم رجلية يطكطكن من الخوف
رتيل: دكتور هيثم، ليش خير
شفت وجهة انعقج، معقولة يغار علية
حسن: هااا، سلميلنة
وراح، سديت الباب رجعت كلبي المكانة
يمة الموقف يخوف، بس شلة دخل بية
رجعت كعدت، شوية وراح
اعتذر مني قبل ليروح وكال ياريت
نبقة اصدقاء وعلة تواصل اوعدج
اشيل فكرة الزواج من بالي
كتلة انشاءلله، انسان مثقف(للكاتبة طيبة الربيعي)
تمنيت حسن مثلة، بس مو كل الاصابع سوة
علة كولة وداد
بليل دكيت الباب علة بيت وداد
طلعتلي طببتني، بقت تعتب علية
كتلهة عذريني، حجيتلهة الصار
كامت تسب بحسن، واني ابجي
ضربتني وكالت امداج تبجين عليه
خلي هو الخسرج، فعلا خسرني
استمرت الايام واني وحسن مابيناتنة كلام
فقط بخصوص علاوي، يجي ياخذة
ويرجعة، التهيت بشغلي
مرن خمس سنين نفس الحالة
بس علاوي بدة يتغير
بدة يعاند ويغلط
صاير اعصاب(للكاتبة طيبة الربيعي)
اذا حجيت ويا كلمة يكوم يكسر بالغراض
ويبجي، وية حسن نفس الشي
نذرت عمري الة وهو يزيد بالخبال ميخف
فد يوم فتت للغرفة لكيت بيدة موس
ويجرح بأيدة، تخبلت
ركضت اخذتة من ايدة ولفيت الجروح اباندج
رتيل: لك ماما تخبلت! شبيييك شدتسوييي
كام يضرب بية: عوفيني عوووفيييني
دفعني حيل وكام يكسر ويضرب بالكنتور
صار ناااار، تخبلت، اخذت الفون ودكيت علة حسن
كتلة تعال بسرعة، اجة وعلاوي مهدأ
حسن تخبل كام يعيط عليه يريدة يسكت ماكو
شبكة وشفت حسن كام يبجي
حسن: ولك بابا شبيك منو وياك ليش هيج
واني ابجي، تلاثتنة نبجي، علاوي شوية هدأ
بس بقة يبجي(للكاتبة طيبة الربيعي)
علاوي: ماريدكم انتة وامي متحبوووني
دفع حسن وكام: بعد لتجون يمي مااااريييدكم
دخل للغرفة وطبك الباب حيل
رتيل: حسن شبي
حسن: مادري مااادري
استمر علي نفس الحالة
حسن يجي يومية
ومرات يبات علمودة
بس ميفيد، من يروح يم بيت جدة
يهدأ، اشوفة يميل لميار كلش
ويحبهة يداريهة، وهية تموت عليه
بس وياهة زين، ويانة اعصاب
لحد ما قررنة اني وحسن ناخذة
نسويلة فحص نفسي(للكاتبة طيبة الربيعي)
مقبل ناخذة، اخذنة ميار ويانة يلة
فحصو، طلع بي حالة نفسية
بي مرض نفسي اسمة (Personality disorder)
يعني اضطراب الشخصية
تخبلنة اني وحسن، سألنة السبب
الدكتور كال عدة من الاسباب
لو ضغط نفسي لو يعيش مشاكل عائلية
لو بالمدرسة يواجه ضغوطات
عرفنة السبب احنة، دمرنة ابنة بنفسنة
والحل لازم نسويلة جو عائلي
حتة ترجع الثقة بنفسة ويرجع
يتأقلم وية الناس
مرات يكون عصبي نار
ومرات منعزل، وهاي الاعراض
رجعنة للبيت
نومتة وطلعت، حسن رجع ميار لاهلهة ورجع
رتيل: شلون حسن فهمني، بدايتهة حالة نفسية نهايتهة شنو(للكاتبة طيبة الربيعي)
حسن خال ايدة علة راسة ومدنك
احاجي ميجاوبني
رتيل: ميهمك، ليش انتة يهمك شي!
باوعلي بعصبية: تسكتين لا اكوم ادميج، منو راد الطلاك غيرج انتي!
ضحكت بقهر: اني السبب بطلاكنة؟ نسيت سوالفك التعبانة(للكاتبة طيبة الربيعي)
بعدك الي هسه ميهمك غير النسوان والونسة، دمرت ابنك من ورة انانيتك وحقارتك، دمرتنة ساعة السودة الازوجتك بيهة
كام جرني وكفني ودفعني عالحايط
غطيت وجهي وكمت ابجي
حسن: ولج البية مكفيني، سكتي لا اطشر دماغج سكتي صوتج ماريد اسمعة
تركتة ورحت للمطبخ، اعصابي تلفت
ماعرف شسوي فقدت السيطرة
علة علاوي وعلة نفسي وعلة حياتي
خليت راسي علة ايدي عالميز
تعبانة هموم الدنيا كلهة فوك اجتافي
علاوي اليضحك وية الهوة هيج صار؟
بسببنة، بسبب انانية ابو
بسبب حظي الاغبر الورطني بي
سمعت صوت حسن صاحني
رحتلة
حسن: كعدي
كعدت
حسن: خل نرجع(للكاتبة طيبة الربيعي)
باوعتلة باستغراب
رتيل: وين نرجع
حسن: نتزوج
رتيل: تعرف بنفسك شدتحجي؟
حسن: الولد تخبل، صارت بي حالة نفسية، خل نرجع نطلع بفلا محصور بشقة غرفتين وبس وياج ويوم هنا ويوم هناك اكيد يتخبل
رتيل: انطيني مهلة افكر
حسن: تفكرين وابنج بهاي الحالة؟ رديلي جواب باجر، حتة نعقد سيد ونولي للكنيسة نتزوج
رتيل: انشاءلله
كمت دخلت للغرفة، تمددت بصفة
امسح علة شعرة
ماكدر اسويهة وهو صاحي
ميخليني يهيج
بقيت الليل كلة افكر
عندي شروط(للكاتبة طيبة الربيعي)
مارجعلك هيج
مو رتيل الفاهية اني
كلبي ميتحمل غلطة لخ
ثاني يوم سمعت اصواتهم
صوت علاوي وحسن
طلعت غسلت ودخلت للصالة
لكيتهم كاعدين
وحسن يحاجي بس علاوي معاند
ماعرف علة شنو
رتيل: شكو
حسن: كوم بدل اكلك(للكاتبة طيبة الربيعي)
علي: ماروح كتلك
عرفت عالمدرسة
رتيل: ميخالف ماما لداوم اليوم، اني اخابرهم اكلهم مريض
كام: انتو المرضة مو اني
دخل للغرفة وطبك الباب حيل
حسن: راح اكفر بي
رتيل: ميخالف ميصير كلنة اعصاب، ميكدر يسيطر علة نفسة عوفة
حسن: نروح اليوم
رتيل: وين
حسن: نعقد غير
كعدت: عندي شرطين
حسن: اي؟(للكاتبة طيبة الربيعي)
رتيل: اولاً، ما الك دخل بية
حسن: شلون يعني مالي دخل بيج
رتيل: يعني زواج كدام علاوي فقط، انتة وحدك واني وحدي، مو تحاسبني عالطلعة والطبة ويامن احجي ويامن اروح ويامن اجي
حسن: ترة زوجج ومن حقي احاسبج
رتيل: لتخدع نفسك بهل كلام، ثنينة نعرف لا انتة تريدني ولا اني اريدك
صار عصبي: وتريدين تفلتين، اذا بيني وبينج الاتفاق الناس مو غشيمة وماتفتهم
رتيل: مو داكلك كدام علاوي والناس اوك
حسن: دكملي كملي
رتيل: ثانيا صديقاتك ميجن البيتنة، واذا وحدة جتي لو شفتك محاجي وحدة وانتة بالبيت، اخذ علاوي واطلع(للكاتبة طيبة الربيعي)
قدم راسة ليكدام وخلة ايد بأيد
حسن: اولاً ماضلن عندي صديقات كلهن شحتتهن، ثانياً لاتمشين وياي بالتهديد انتبهي علة كلامج من تحاجيني
رتيل: هههه صدكتك، المهم هاية شروطي اذا متكدر عليهن كلي قبل لاتورط وياك مرة لخ
حسن: شو انتي تجاوزين، شنو اتورط وياك
رتيل: ليش تريد مشكلة، عاجبك اطلع حركة كلبك بية؟
حسن: سكتي كافي
رتيل: كلي حتة اخبر اهلي
حسن: اي افتهمنة
كمت خابرت ماما(للكاتبة طيبة الربيعي)
كتلهة حنرجع لخاطر علاوي
مقبلت وابوية اخذ منهة الفون
وكام يعيط علية وكال لتسوين شي اني جاي
وطبكة
كلت الحسن، كال خل يجون ونعقد
ثاني يوم اجوي
حتة اخوتي
اجتمعو اهلي واهلة
وصارت مشاددات بالكلام
رتيل: خلاص يمعودين، كل الداسوي علمود ابني، داكللكم بي حالة نفسية! محد بيكم محترك كلبة بكدي، لحد يكلي لتعيدين الغلط نفسة، مراح اعيدة، اريد ابني اني اابني
تركتهم ودخلت للغرفة سديت الباب
ابجي علة حظي
ابجي علة مصيبتي(للكاتبة طيبة الربيعي)
محد يحس بكلبي المحروك محد
دخلت ماما
ام رتيل: كافي ماما لتبجين، هذا هو محد يفك حلكة، اهم شي علاوي يرجع مثل ماجان واحسن، كافي بنيتي
شبكتني بجيت لحد ما دخل بابا
كلي هذا هو مثل متريدين
لخاطر علاوي كلشي يهون
بوسني ومسح دموعي
اجة السيد عقدلنة
ورحنة للكنيسة همينة عقدلنة القس
القانون هنا هيج يكول(للكاتبة طيبة الربيعي)
علمود نعتبر متزوجين ويكتبون اسمنة
متزوجين بالسويد لازم نتزوج بالكنيسة
صعدنة بالسيارة
وصلنة كدام العمارة
طفة السيارة وجر حسرة
حسن: البارحة دورت فلة، لكيت هنا قريبة بس لازم شغل ابيض، راح ناخذهة بأسمج اني ماعندي شغل ابيض
رتيل: مو مشكلة
حسن: اليوم نحاجي علاوي، بس يرحون اهلج اجيبة من بيت نهلة
رتيل: ماشي
حسن: رتيل
رتيل: ها
ثنينة انباوع ليكدام
محد يباوع للاخ
حسن: تتوقعين علاوي يشفة ويرجع مثل قبل
رتيل: اذا صرنالة العلاج يرجع
حسن: اذيتكم اني، هواي(للكاتبة طيبة الربيعي)
رتيل: هسه يلة حسيت يا حسن، من ادمر علاوي
حسن: جنت بنص عقل، ماهمي غير الونسة
رتيل: خلاص حسن مدام لحكنة قبل ليطور المرض الله يوكف ويانة، يلة تعال خل نودعهم
نزلنة، ودعنة اهلي راحو
اهلة بقو شوية وراحو، راح هو جاب علاوي
كلي كوة جبتة ميقبل
دخلنة اثنينة ورا للغرفة
علي: طلعوو
حسن: بابا علاوي، نريد نحاجيك حبيبي ليش ماترضة
رتيل: ماماتي، رجعنة اني وابوك، راح نعيش سوة ابيت وحدنة
حسن: راح ننتقل البيت جبير، قريب علة بيت جدك وعمتك(للكاتبة طيبة الربيعي)
باوعلة: يعني بعد تبقة ويانة بالبيت؟
حسن: اي
باوعلي: وانتي متروحين؟
اشرتلة براسي مبتسمة: لا
بقة يباوع علية وعلة حسن
نزل راسة: اريد انام
رحت بستة، مدفعني
رتيل: تمام حبيبي
بوسنا وطلعنة
ورة فترة انتلقنة للفلة، واسعة وبيهة حديقة
طابقين
فوك غرفتين وحمام
وجوة صالة وغرفة وحمام ومطبخ
الحديقة حلوة كلش
مشت الايام والاسابيع
والاشهر، علاوي اعصابة هدأت
بس بقة منعزل عن العالم
وميضحك بس وية ميار
كمنة نبيتهة يمنة(للكاتبة طيبة الربيعي)
يموت عليهة
ياكل من تاكل هية
يضحك من تضحك
ميار علاج علاوي
اشوفهة هية هم اداري
اذا برد تركضلي اتكلي انطيني سترة علاوي
حسن هم لاحظ هل شي، اهلهة همينة
امهة حبلت والتهت بحبالتهة
كتلهة خليهة يمنة
مرت سنتين
علاوي متغير تعاملة ويانة
منعرف السبب شنو
ليش مو رادنة نرجع، مو هل شي الي يريحة؟
مابيني وبين حسن شي
بالغرفة ينام بالكاع واني عالسرير
بعيدين رغم القرب(للكاتبة طيبة الربيعي)
حسن بطل سوالفة من صدك
البنات يخابرن ايدزن ميجاوبهن
بس علاوي مصيبتنة الوحيدة
صار علاوي عمرة 12
وبعدة نفس الشي
فد يوم كاعدة بالغرفة
دخل حسن
عصبي ومتخبل
حسن: شلون بأبنج شلون! بدة يفقدني اعصااابي
خفت: شبيك شكو
حسن: مايحترم ويلاسن، دزو علية كاتل واحد ويا بالمدرسة مدمي
رتيل: عزةةة، وينة جبتة؟
حسن: اي ذاك بالغرفة وية ميار، اكلة بابا ليش يكلي بكيفي، كومي حاجي اذا استمر هيج ابدي استعمل ويا الضرب
كمت بسرعة: لا حسن شنو ضرب، هسه اشوف شبي
رحت وحسن وراية(للكاتبة طيبة الربيعي)
دكيت الباب وفتت
شفتة يلعب بلي وميار تشجع بي
رتيل: ماما علي تعال شوية
علي: روحي مشغول
حسن بعصبية: كوم!
رتيل: علة كيفك حسن
حسن: كوم لا اجيك كوم
علي بتحدي: تعال، ماكوم
حسن راد يطب لزمتة: لحظة
اشرت الميار
ميار: علاوي حباب كوم، اخاف من تسوي هيج
باوعلهة، ترك البلي وكام
ميار علاج ومنقذ
دخل للصالة دخلنة ورا(للكاتبة طيبة الربيعي)
كعدنة
رتيل: ماما ليش هيج صاير، بشنو مقصرين وياك احنة
باوعلي مجاوب
رتيل: مو رجعنة لبعضنة اني وابوك شنو الي يريحك كلي حتة نسوي
ضحك: رجعتو؟ شنو عبالكم اني اثول غبي، ترة ادري بيكم رجعتو بس بالاسم، ليش مينام يمج عالجرباية؟
حسن صار اعصاب: وانتة شعليك بهاي السوالف
رتيل: ماما عيب شنو هل حجي، ميجوز تدخل هل شي خاص بيني وبين ابوك
علي: مو خاص لا، اني اريدج ترجعين تحبي ويحبج، مو تاخذوني علة كد عقلي، ترة اني كبرت وافتهم كلشي يصير(للكاتبة طيبة الربيعي)
كام: كلشي ماريد منكم، اطلكو اذا تريدون، بعد متهموني
كلبي وجعني من كلامة، جان يحجي
والدمعة بطرف عينة
اني وحسن واحد يباوع للاخ
سمعنة طبة
درت وجهي جان اشوف علاوي واكع
ركضنة عليه، حسن يكعد بي واني اضرب بي
ماكو ميكعد
حسن بعياط: جيبي السويييج روووحي جيبي السويييج(للكاتبة طيبة الربيعي)
ركضت جبتة وانطيتهيا
ميار اجتي شافت علاوي كامت تبجي
واني ماعرف دموعي التجري لو دمي يجري
حسن اخذة وراح
واني بقيت يم ميار
حسيت بدوخة اريد اوكع كوة ساندة نفسي
بقيت ابجي والطم وميار تبجي وياية
حسن ...مرحبا اني حسن رجل رتيل
من ازوجنة رتيل مقصرت وياية بشي
بس اني ماحبيتهة
تعودت عالحرام(للكاتبة طيبة الربيعي)
عمري 15 واجيت وية اهلي للسويد
مشيت بهذا الطريق
ماكدرت اطلع منة
تعودت عالونسة والبنات الشكرات
من اجة علاوي للدنيا صرت اسعد
انسان بالعالم، علاوي صار النفس
اليصعد والينزل بية
ماقصرت ويا بشي
بس مابيناتنة اني وامة تفاهم
اني متعود عالونسة
وهية تريد التفت الهم
طلكتهة، بديت احس بنقص
حاولت املي هل فراغ بالنسوان
بالاصدقاء(للكاتبة طيبة الربيعي)
بس مانملة، مثل السلة المزرفة
اترسهة مي وماتنملي
مثل المنخال
كمت انخل بعمري بدونهم
حسيت بقيمة رتيل من طلكتهة
النار شبت بية من سمعت دكتور وياهة
طلب ايدهة
نويت صدك احرمهة من علاوي
واعرف اذا سويتهة ماتتزوج
فعلا جنت اناني ومافكر بس بألي اني اريدة
ماخليتهة تكمل حياتهة، بس هية رتيل بنت اصول
ماقبلت تعوف ابنهة وتتزوج
واني؟ مستمر بعلاقاتي
بس بعد فترة(للكاتبة طيبة الربيعي)
تركت كلشي
بس محد يدري بية
من شفت الدكتور يمهة بالبيت
رجعت لسوالفي
ورجعت حتة علاوي اهملة
بس بعدين كلت ماعدهة شي ويا
هو اللاطش بيهة
لان رجل صديقتهة
صاحبي كلش
كلشي يصير وية رتيل يكلي
اني الحاجيتة من اطلكنة وكتلة الكالهة
شقة يمكم
ولكالهة، بديت اتعذب ابعدهة
واغار عليهة
اتحجج بعلاوي
بس اني قاصدهة(للكاتبة طيبة الربيعي)
حتة من رحنة للعراق وشفتهة لابسة هيج
وطالعة وية ولد عمامهة
تخبلت، بس مالي حق ادخل
طلعت حجة بعلاوي
من صارت شغلة علاوي كرهت نفسي
لمتهة بس اني الوم بروحي
اني الوصلتنة لهل مواصيل
اني السبب بحالتة النفسية
من رجعتلي رتيل فرحت
رغم شروطهة عذاب
بس اهم شي علة ذمتي وكدام عيني
علاوي مخبلني، ماتحسن
رغم قلت اعصابة
بس مجنبنة اني وامة(للكاتبة طيبة الربيعي)
منا رتيل مجنبتني ومنا علاوي
فقدت اعصابي وحلفت ابدي امد ايدي عليه
اذا ماتعدل، بس ميار بنت اختي ماتخليني
تدفعني اذا تعصبت عليه
وتكوم تبجي تكلي عوفة عوفة
اشوفة شلون يموت عليهة
وهية اداري
رغم صغار بالعمر بس عبالك كبار
يفتهمون ويحسون
ومن تخربط علاوي ركضت بي للمستشفى
دخلو حالة طارئة
طلع التقرير
تخبلت من قريتة
كلبة ضعيف وخيوطة متمزقات
باقيلة جم خيط
اذا تكطعن يروح علاوي من ايدي
يروح ابني
قريت التقرير كلة(للكاتبة طيبة الربيعي)
خيوط الكلب معروفة ب"نياط القلب"
تتمزق كل ما الانسان ينفعل ويتعصب
الحزن والعصبية سبب تمزقهة
قريت اذا استمرت الحالة يتوقف كلبة
ويموت لا سامح الله
حسيت جبال الدنيا كلهة انهدت علية
ضليت افتر مثل المخبل
انطوني موعد، فحص ثاني ورة فترة
ما الة علاج غير التقليل من العصبية
والانفعالات الزايدة
طبيت شفتة(للكاتبة طيبة الربيعي)
ضليت ابوس بي واشم بريحتة
كمت ابجي
مسح دموعي: بابا ليش تبجي

يتبع...🌺