نياط القلب بقلم طيبه الربيعي الناشربارق العراقي

الجزء الثاني

#نياط_القلب
#بقلم_طيبة_الربيعي
#البارت_الثاني
#الناشربارق_العراقي

(للكاتبة طيبة الربيعي)
واني بس اخلص شغل اجيك
ضل يبوس بية ولتروحين واخاف
بس اجوي الجهال لعبو ويا، نساني
تشكرت من البنية وصيتهة عليه ودخلت الشقتي
تغديت سبحت وحضرت نفسي واموري وطلعت
اخذت الباص ورحت، للثمانية يلة هدوني
اوف شكد تعبت، رجعت بالباص نزلت بالمحطة
مال سنتر، اريد اتسوك قبل لينسدن المحلات
بالتسعة كلشي يعزل، المهم تسوكت كم شغلة
وطلعت، اتمشة للبيت لان ماكو باص ياخذني منا
للبيت، ومو بعيد يعني عشر دقايق ربع ساعة اوصل
دامشي فتت من يم كافتريا واسمع الضحك
واشم ريحة النركيلة تخنك، باوعت وانصدمت
بألي شفتة، رجلية رخن وكلبي وجعني(للكاتبة طيبة الربيعي)
المنظر فعلا قاسي ومحرج، لمحتة كاعد وية جماعتة
كلمن بحضنة سويدية، وهو من ضمنهم
الي قهرني نفسهة البنية الي اجتي ذاك اليوم
من جنة بالمطعم، شافني، درت وجهي ومشيت سريع
دموعي من البرد متنزل، سمعتة يصيح وراية
مشيت سريع، جفلت من حسيتة جرني من ايدي
حسن: اوكفي
باوعتلة
حسن: شجابج هنا
مكدرت اتحمل بعد انفجرت
رتيل: ذني العفتني علمودهن؟ ذني الي يسون راسي؟ لك انتة شنو شايل بكلبك، عندك كلب انتة!
مادري بدموعي يجرن احس نفسي فقدت
عفتة ومشيت، رجع جرني
حسن: اوكفي(للكاتبة طيبة الربيعي)
دفعتة: لتلمسني، اياني اياك اشوفك طالع بوجهي مرة ثانية، اياني اياك!
مشيت واحسة يمشي وراية
حسن: رتيل لاتتخبلين، خل افهمج
رتيل: رووح لتجي وراية
حسن: خرب (كفر)
مشيت مهتميتلة، مادري شلون وصلت للبيت
ودخلت المفتاح بالباب ايدية يرجفن وكلبي يوجعني
بجيت علة حالي، كل السوا وياية وابجي عليه
ماعرف علة شنو دابجي، لان مقدرني
ومقدر اهتمامي بي وحبي الة
لو لان شفتة بهل منظر، غسلت وجهي
عاهدت نفسي بعد، حسن ماضي واختفة من حاضري
بدلت ورحت جبت علي، تشكرت من البنية
ورجعت للبيت، نومتة تعبان من اللعب
شكد جنت نعسانة وافكر بالنوم
بس بعد الي شفتة طار من عيني(للكاتبة طيبة الربيعي)
فز علاوي بليل يبجي، شربتة مي ونومتة بحضني
اشم بي ونمت علة ريحتة، فزيت علة دكة الجرس
كمت بسرعة ليفز علاوي
باوعت من العين السحرية، حسن
ليش اسوي نفسي مهتمة، ليش ابينلة انكساري
ميستاهل، فعلا ميستاهل، دخلت غسلت وجهي
وهو مستمر يدك، تمنيتة يروح تمنيتة يجزع
لبست حجابي وفتحتة
رتيل: الولد نااايم
دخل: ليش متفتحين الباب!
رتيل: داكلك الولد نايم، جنت نايمة شعندك جاي من الصبح شكو
حسن: اريد احاجيج
رتيل: تفضل
حسن: شعندج اجيتي لذاك المكان البارحة
عكدت حاجبي: تدخل بابنك مسموحلك اما بية ابد ما الك حق(للكاتبة طيبة الربيعي)
فرك وجهة ورجع باوعلي: ترة صبري بدة ينفذ
رتيل: جاي تهدد من الصبح، اذا ماعندك شي يخص علاوي روح
حسن: اطرديني؟
رتيل: شتحسبهة احسبهة
حسن: شبيج انتي ليش هيج متخبلة
رتيل بعصبية: الك عين تسأل؟! لك كتلك ابنك ابنك خلي يمك بس يوم واحد، مرة وحدة بحياتي اطلب منك طلب مرة وحدة!
حسن: نصي صوتج
رتيل: رجاءا امشي اطلع
تقرب: ادميج اذا عدتيهة
رتيل: اعتقد انتة طليقي هسه مو زوجي؟ رجاءا كافي عوف هل تصرفات، اطلع كتلك
بقة يباوعلي، بسرعة البرق حسيت(للكاتبة طيبة الربيعي)
شفتة اخترقت شفتي، انصدمت بحقارتة
ونذالتة، دفعتة ابجي فاير دمي
رتيل بصياح: اطلع!
علي: ماما
درنة علة علي اثنينة
حسن: روح لفراشك بابا هسه اجيك
رتيل بعصبية: اطلع كتلك!
حسن: صمي حلكج كتلج!
دفعتة حيل ورحت للغرفة سديت الباب
كعدت ابجي، شسوة شنو غايتة!
ياربي عيني اني وحدي هنا
الله لينطيك نذل وحقير
شوية وسمعت الباب انسدت
وباب الغرفة انفتحت(للكاتبة طيبة الربيعي)
علي: ماما بابا راح، ليش تبجين شسوة بابا وعيطتي عليه
كمت شبكتة وابجي بحركة
كام يبجي وياية
رتيل: اش اش حبيبي لتبجي فدوة اروحلك، كافي ماماتي مابية شي دخل صابون بعيني حبيبي اسكت
كوة سكتة، رجعت نومتة وكمت علة شغل البيت
من هل لحظة بديت فعلا اكرهة لحسن
شكد متناقض براس يابس واسلوب زفت
المنظر ميروح من عيني، لك مرة وحدة
بحياتي كلهة اطلب منك شغلة
ومتخصني، تخص ابنك، مفكرت وين راح
اودي؟؟(للكاتبة طيبة الربيعي)
فضلت السويديات الي ممخليات حضن يعتب عليهن
وبزعتني منك باسلوبك الزفت؟
ثاني يوم اتصلت علة مكان عملي
كتبت نفسي مريضة تلث ايام
لان فعلا مريضة ومالي خلك
اودي علاوي للروضة وارجع اكابل
دموعي واكعد، بعد تلث ايام بالضبط
ارتاحيت وسويت اعادة تشغيل النفسي
يتصل ماجاوبة، يجي مافتحلة الباب
واخبر جيراني اذا سألهة تكلة طالعة
اليوم الرابع داومت، طلبوني بالمستشفى مرة لخ
دفعة جديدة مال مبتدئين من غير مدينة
خلصت شغلي وقبل لا اطلع اجاني دكتور
هم عراقي حاجية ويا يمكن مرتين تلاثة(للكاتبة طيبة الربيعي)
وبخصوص الشغل، توني دانزع رداء الصيدلة
دخل، الغرفة هاي مال تبديل ومختلط نساء ورجال
يعني مجرد تبديل الملابس الخارجية
ابتسملي: شلونج ست رتيل
رتيل: الحمدلله دكتور، انتة شلونك
اسمة هيثم
هيثم: الحمدلله، راح تروحين؟
رتيل: اي والله، خلصت ولازم اجيب علوشي من الروضة
هيثم: اذا امكن اخذ من وقتج دقايق
رتيل: اكيد تفضل(للكاتبة طيبة الربيعي)
هيثم: مو حلوة نحجي عالواكف، والموضوع يرادلة كعدة، اذا ماعندج اشكال نكعد بالكفتريا
استغربت شنو الموضوع
رتيل: عادي ماعندي مشكلة
تمشينة للكافتريا، طلبنة ثنين كهوة، كعدنة
___________________________________________________
هيثم: طبعا اني متابعج من زمان قبل لانتعرف، وكلش تعجبني شخصيتج
فكيت عيني
هيثم: رجاءا ست رتيل اكمل وانطيني رأيج، اعرف جنتي متزوجة سابقاً، وهذا الشي ميهمني مدام انفصلتي، يمكن متعرفين اني همينة انفصلت عن زوجتي سابقاً، وصارلي بحدود التلث سنين ممفكر بالزواج، بس من شفتج ارتاحيتلج واتمنة تنطيني فرصة ادخل حياتج واتعرف عليج عن قريب
وعلاوي ابنج مثل ابني، لتشيلين هم من هل ناحية
طبعا كلامة صدمني(للكاتبة طيبة الربيعي)
ايدية يرجفن من التوتر والخجل
بس مو غبية حتة اعيد نفس التجربة
واخلي ابني بين زوج امة وابو الحقيقي
رتيل: اشكرك دكتور علة صراحتك واسلوبك الحلو، بس اعذرني ممفكرة بالارتباط مرة لخ حالياً وماعتقد ارجع افكر بي، عندي علاوي روحي من الدنيا ماريد ابهذلة بيني وبين ابو واتزوج، عالاقل اني ابقة خيمة علة راسة، اعذرني ماكدر اكلك موافقة
هيثم: فكري ست رتيل، انتظر جوابج بعد ماتفكرين لتستعجلين بالرد، من حقج تكملين حياتج
رتيل: لتنتظر مني جواب دكتور، مستحيل افكر بالارتباط مرة لخ، مرتاحة هيج ماريد زواج
هيثم: ارجع واكلج فكري، ورديلي خبر من تشوفين نفسج مستعدة(للكاتبة طيبة الربيعي)
رتيل: انشاءلله
كمت: من رخصتك دكتور اروح
كام: الله وياج
رجعت للغرفة، نزعت الرداء لبست سترتي
اخذت الجنطة وطلعت، رحت لعلاوي للروضة
كالو اجة ابو اخذة، يوو راح من بالي اليوم
يجي ياخذة، رجعت للبيت سبحت سويتلي
لكمة تغديت وبديت ارتب البيت، لان الصبح
اعوف الغرفة هوسة مالحك ارتبهة
من ارجع انضف وارتب، دك الجرس
باوعت، جيراني، وداد
فتحتة: هلو وداد تفضلي
بوستني: شلونج عيني ام علاوي
رتيل: الحمدلله، انتي شلونج الجهال شلونهم
وداد: الحمدلله بخير، شنو اشو مدتجيني هل ايام خير(للكاتبة طيبة الربيعي)
رتيل: والله ملتهية، هستوني كلت اخلص شغل وامر عليج، سبقتيني
وداد: لج مكتلج، اجة رجلج اليوم
رتيل: اي عادي
وداد: متريدين تعرفين ليش
رتيل: اذا يخص علاوي احجي
وداد: يخصج ويخص علاوي
رتيل: شكو
وداد: كلي كوليلهة راح ياخذ علاوي ويروح لستوكهولم يم اختة، كم يوم ويرجعون
كلبي وجعني، يمة شلون افاركة
وانوب بعيد عني، زين ليش مكلي
تذكرت موبيلي من الصبح طافي مابي شحن
ونسيت اشحنة، مردت ابين ضوجتي
رتيل: ماذكر كلي بس موبيلي طافي يمكن دازلي ومشفت، زين مكلج شوكت يجون
وداد: لا محدد، كال كم يوم
رتيل: تمام(للكاتبة طيبة الربيعي)
مادري بنفسي اخذتلي صفنة
وداد: شبيج ليش هل صفنات، صاير شي وضامة علية
رتيل: لا والله صابل شصاير
وداد: دحجي احجي شصاير
رتيل: مصاير وداعتج، بس
كتلهة عالدكتور
وداد: ليش رفضتي، تبقين هيج
رتيل: لج عيني عوفيني مرتاحة، اهم شي علاوي يمي وبحضني
وداد: دادة شكد كلبج طيب وعلة نياتج، لو وحدة غيرج اجق ابنهة برة وتزوج، انوب دكتور يربي
ضحكت: تسلمين دادة، واذا دكتور، كلهم نفس الشي
وداد: انتي لتبقين كلهم نفس الشي وكلهم نفس الشي، مو كل اصابعج سوة
رتيل: مو كل اصابعي سوة صح، بس الاصابع مو مثل الانسان(للكاتبة طيبة الربيعي)الانسان طاغي وبي نطفة من الحقارة
وداد: عوفينة هسه، كليلي شوكت تروحين لاهلج
رتيل: فكرت باجر، مدام علاوي يم ابو
وداد: اخذتي اجازة
رتيل: باجر اخذ
سولفنة لحد مدك الباب رجلهة
سلم وسألني اذا محتاجة شي
كتلة سلامتكم كلشي ممحتاجة
اخذهة ودخلو البيتهم
خلصت تنضيف ودخلت للغرفة ارتاح
كلبي نار علة علاوي، شأكل اشرب
زين ملابس مأخذلة
اذكرت عندة بالبيت قسم من الهدوم
لزمت الفون، مترددة، ماريد اسمع صوت حسن
ولا اريد احجي ويا كارهتة مطايقتة
صارت بالتسعة اتصلت بماما كتلهة جايتكم باجر
كالت شو جايتكم، لعد علاوي ميجي(للكاتبة طيبة الربيعي)
كتلهة وية ابو، ورة مخلصت حجي وية ماما
كمت اكلتلي موزة، مالي نفس اكل
فركت اسناني ورجعت للغرفة تمددت
حاولت انام، من بديت اغفي دك فوني
باوعت حسن، عالفايبر
جاوبت
رتيل: الو
علي: ماما اني يم بابا انتي وين
رتيل: حبيبي فدوة الصوتك اروح، اني بالبيت قلبي، من تجي محضرتلك مفاجئة
علي بفرح: شنية
رتيل: اذا كتلك متصير مفاجئة، من ترجع تشوفهة، شلونك قلبي تغديت تعشيت؟
علي: اي بابا جابلي كباب
رتيل: شدتسوي انتة هسه(للكاتبة طيبة الربيعي)
علي: يم بابا كاعد راح انام وباجر نروح لكَرونا لوند (اسم مدينة العاب)
رتيل: اها، انطيني بابا حبيبي
اسمعة كلة بابا ماما تريدك، بابا اكعد
يمكن نايم، اجاني صوتة مبين جان غافي
حسن: الو
رتيل: الو، وين ماخذة باجر
حسن: لمدينة الالعاب، ليش
رتيل: لتخلي يركب الخطرات، بس مال سيارات
حسن: شتريدين هسه
ماكو اسلوب مو بيدة
رتيل: باجر رايحة لأهلي، من تريد ترجع علاوي انطيني علم علمود ارجع
حسن: شكد تبقين(للكاتبة طيبة الربيعي)
رتيل: بوسلي علاوي، باي
سديتة، ميخصك شكد ابقة
دزلي رسالة
"بسيطة، صايرة تجاوزين"
سديت الفون ونمت، ثاني يوم اخذت
اجازة، حضرت جنطة صغيرة وحجزت تذكرة
قطار، العصر سلمت علة وداد ورحت
وصلت للمحطة بمدينة اهلي، اجاني
رسول اخوية، الصغير ممتزوج
الباقين كلهم متزوجين
هو اصغر مني بسنتين
بوستة سلم علية وكلي مشتاقلج ليش متجين
كتلة مشغولة وماعرف شنو
وصلنة للبيت شفت بابا حبيبي شكد مشتاقتلة
وماما وجانت يمهم اختي الثانية، بعد السلام
والاحضان رحت انام لان تعبانة من الطريق
(للكاتبة طيبة الربيعي)
يتبع...🌹🌹🌹