نياط القلب بقلم طيبه الربيعي الناشربارق العراقي

الجزء الخامس

#نياط_القلب
#بقلم_طيبة_الربيعي
#البارت_الخامس
#الناشربارق_العراقي

(للكاتبة طيبة الربيعي)
حسن: مو هو العراق ملك الخلفوج، روحي روحي مو صوجج، حضري نفسج الاسبوع الجاي نولي
وطبكة، ضجت بس بنفس الوقت فرحت
حضرت اموري والاسبوع الورا اجة علينة الصبح
حتة نروح للمطار، وصلنة رجل وداد
محبينة نحجز قطار لو باص علمود علوشتي
حتة ميتعب ويانة
بس ترانزيت، ماكو دايركت (مباشر)
لان يعتبرون العراق خطر
ميدزون طياراتهم عليه
وصلنة التركيا
ومناك صعدنة الطيارة اللخ للعراق
علوشتي لعبت نفسة
وشصار بي ماعت روحة
تبهذلنة، وانوب هذا المخبل عصب علية
حسن: جيبي حباية صخام جيبي
رتيل: ميصير بعدة طفل، موزين عليه
حسن: خرب (كفر)(للكاتبة طيبة الربيعي)
رتيل: استغفرالله
من وصلنة جيكو جوازاتنة
وطلعنة اجة ابن عمة
يشتغل هنا بالمطار
علاوي نام، الحمدلله ياربي
وصلنة البيت بيبيتي
بوس علاوي وشالة
دكينة الباب
شوية وطلع عمي
رحب بينة وطببنة
ادور اجوي ولدة وبناتة
اصغر مني كلهم
عمي اصغر من بابا(للكاتبة طيبة الربيعي)
بوستهم وسلمت
جتي بيبي
ضلت تبوس بية وتشم
كعدنة شوي
بعدها كام حسن وترخص
لحو عليه يبات بس كال لازم
اروح ينتظروني بالبيت
طلعت اوصلة للباب
حسن: دير بالج علة علاوي، مي وصخ لتشربي، باجر اجيبلكم باكيتات مي معقم
رتيل: ماكو داعي اجيب قابل ماعندي فلوس اجيب
حسن: ماجايبلج اني جايب لأبني، يلة مع السلامة
باوعتلة صفح: مع السلامة
من راح رجعت يمهم(للكاتبة طيبة الربيعي)
عمي: عمي شعندة جاي وياج حسن، خير
رتيل: عمو علمود علاوي، ميريد يفاركة واني جنت مصرة علة جية علاوي وياية
عمي: بس مايجوز انتو اطلكتو
رتيل: اعرف عمو، بس شسوي مقبل وعلاوي همينة اذا غاب ابو عنة يتنحس ويبقة يعاندني
بيبيتي: عوفهة يمة هسه خل ترتاح، بيبي روحي نامي يم وليدج والصبح نحجي
رتيل: تصبحون علة خير
الجميع: اجمعين
دخلت لغرفة بيبي، علوشتي نايم، نزعت وبدلت
تمددت بصفة، محد غيرك مصبرني
داتحمل ابوك لخاطرك(للكاتبة طيبة الربيعي)
والا شنو مجبوريتي ابقة بنفس المدينة
المدينة السببتلي الألم والأحباط
ثاني كعدت علة بوساتة
فدوة اروحلك، كمت غسلتلة وبدلتلة
بيبي ماكو، اكيد كاعدة
غسلت اني وبدلت واخذت لوشي وطلعت
سلمت عالجميع كاعدين، تريكنة وسوالف وضحك
علاوي التهة وية الجهال
ابن عمي سراج اجاني، عمرة 23
سراج: لج رتولة بدلي خل افركم، اليوم ماخلي مكان ابغداد يعتب عليج
رتيل: حبيبي والله مابية حيل
سراج: دكومي كومي، خطية البنات هم ضايجات، واني مزاجي فول اليوم، يلة كومي بنت السويد لاتدللين علينة(للكاتبة طيبة الربيعي)
ضحكت كرصت خدة: فدوة الكلبك
بدلت وبدلت العلوشتي
لبست بنطرون جينس حصر
وفوكا بدي ابيض فوك الركبة
فخاذي مبينات
ولفيت شال بلون البنطرون، ازرك طوخ عبالك
اسود، لبست سترة بيضة فوك البدي بطولة
شديتهة من الخصر
طبعا اني رشيقة بس عندي زوائد بوركي
وخلفيتي شوية جبيرة
بس متناسقة وية جسمي
حنطية بعيون ناعسات عسليات كبار(للكاتبة طيبة الربيعي)
شعري اسود طويل وكثيف
حواجبي ثخان بيهن كسرة
رموشي كثيفات
شفايفي مليانات بلون وردي طبيعي
خشمي مدبدب بس صغير
طويل 165
حسن طولة 180
شعرة اسود بعيون سود فحم
ابيض بس يتشمس
ضارب سمار متناسق وية لون بشرتة
حواجبة مشمورات يخبلن ماشاءلله
جسمة معضل بس مو كلش يعني طبيعي
علوشتي طالع عليه ابيض بشعر اسود فحم
وعيون سود، بس شفتة علية نسخة
شفة ابو عادية مو مليانة(للكاتبة طيبة الربيعي)
المهم، طلعنة افترينة، اتصل بية حسن مرتين
مجاوبتة، غلقت فوني
اريد اتونس اريد اشيلك من بالي
تعبت تعبت
تونست وياهم كلش يعجبوني بالطلعة
سراج صدك مخلة مكان يعتب علية
رجعنة بالتسعة علوشتي نام بالسيارة
شلتة ودخلت
وتفاجئت بحسن وبيبيتة يمنة
سلمت وأشرت اودي علاوي وأجي
رحت وديتة الغرفة بيبي ورجعت
بوست بيبيتة كلش احبهة(للكاتبة طيبة الربيعي)
مرة طيبة وحبابة
شفتة كالب خلقتة ويهز برجلة
كعدت يم الحجية
تبوس بية وتكلي شلونج شما لونج
شوية وبيبيتي كالت تعالو نكعد جوة بالهول
عدهم هول وصالة، عفنة الزلم ورحنة
بيبيتة: رتولة ليش بيبي اطلكتو
رتيل: حجية ممتفاهمين
بيبيتة: وتطلكون؟ بيبي وهذا الولد شنو ذنبة، انتي ليش فاهية معرفتي تكسبي الج، شلون تعوفي لذني ال(غلطت عليهن)
ضحكت: بيبي هو ميت عليهن، شسويلة، حاولت هواية بس مفاد
بيبيتي: فاهية بنيتي فاهية(للكاتبة طيبة الربيعي)
بيبيتة: اي والله فاهية وثولة، ولج اني اول ماشفتج كلبي ارتاحلج، سألي عمتج، نسوان ولدهة كلهن من اجني مارتاحيتلهن بس انتي، بس ماقاهرني غير فهاوتج عرفت بيج ماتركدين وية حسن المسودن، بس بيبي عندكم ولد ينكط ورد، وكت طلاك هذا؟؟
رتيل: بيبي والله حاولت بس مفاد، ماكدر افهمة صعب، هذا هو كلمن مشة بطريقة
بيبيتة: ولج ااخ ربي لو يجيبوج يمي اسبوع، غير اطلعج مرة حوك معدلة، يل فاهية اهمداج خلي خلي بحضنهن(للكاتبة طيبة الربيعي)
بيبيتي: حجية لاتعبين نفسج، ها فهاوتهة علية، ماحصلت شي من جدج الله يرحمة ويذكرة بالخير، شجان يسوي بية وساكتة
بيبيتة: حجية هل زمن وحد، بنات هل وكت بسرعة يجزعن، ميحاولن، احنة جنة نشبع تكفخ بس نضل مجلبين برجولتنة، لزمت رجلي وبيتي وضلينة خيمة فوك روسهم، الله يرحمة ويذكرة بالخير
رتيل: الله يرحمهم، كلامكم صحيح بس مراح يقدم ولا يأخر، اختارينة طرقنة بعيدة عن بعض، وعلاوي مابي شي مرتاح يمي ويمة ممحسسي بنقص
بيبيتة: دخل يكبر وتعاي عتبي علية اذا ما يومية مسوي عركة وياكم، ضلي انتي ضلي بهاي فهاوتج، وهم مو صوجج صوج وليدي ابو راس اليابس، ولج بيبي ماشفتي شلون تخبل من شافج هسه، ضل يلوب من كلتلة الحجية طالعة وية ابن عمهة، دك عليج بس ماحجة، تدرين احنة من العصر هين؟ مايرضة نروح الة تجين ويشوفج
استغربت: بيبي هو ميت علية، علة ابنة اني شلي دخل
بيبيتة: ضلي ضلي يل ثولة، لا ما عضيتي ايدج ندم بعدين عاتبيني
اجتي بنت عمي، كالت حسن يكول يلة
ويريدج رتيل يحاجيج، كامت الحجية
بوستني وبوست بيبي
بيبيتة: خلي يتشعوط عليج يلة اترديلة
ضحكن ثنينهن، اني بيا حال(للكاتبة طيبة الربيعي)
صدك ميحس بالوجع غير صاحبة
طلعنة نودعهم، شاورني
حسن: فتحي جهازج
بس حجاهة بعصبية
من راحو دخلت بدلت وسبحت
طلعت لبست دشداشة خفيفة
وطلعت فوني من الجنطة
فتحتة، عشر مكالمات فائتة
عالفايبر لان ماعندي سيمكارت
ورسائل كلهة تهديد، ومن ضمنهن
"لا ماعلكتج بالبنكة اطلع ناقص"
هههه انتة اصلا ناقص عزيزي
ناقص احساس، اجتني رسالة
"راح اخابر طلعي لمكان وحدج"(للكاتبة طيبة الربيعي)
ياستار، استلم الرزايل، ماعرف شنو حارك دمة
هسه مو اطلكنة يااخي شتريد
دخلت بيبي
بيبيتي: ها بيبي شو مانايمة
رتيل: هسه اجي بيبي بس احاجي حسن، مدري شيريد
لمحت ابتسامة خفيفة علة وجههة: روحي بيبي
طلعت للحوش
كعدت عالدجة بالحديقة
اتصل
جاوبت: نعم(للكاتبة طيبة الربيعي)
بعياط: ليش ماكتيلي راح اتولين اطلعين
زرف اذني: شبيك تعيط، انتة شلك دخل بية
حسن: ماخذة علاوي وياج! ولج ذيلج طولان يرادلة كص ...وشايخة علية وتراددين ...ولج انهيج والله انهيج ...اخليج تتمنين الموت وماتلاكينة ...حيوااانة بالله صار عليه شي ...طالعة من النهار لليل شعندج ولج ...ماكلتي الحيوان اليدك عليج شيريد!
بقة يعيط ويغلط ويهدد
كل هذا اني دموعي تجري بصمت
شسويت ليش كل هل عداء الية
ليش شمسويتلك، واذا طلعت
واذا التفتت النفسي شوية
شبيهة اريد افتهم شبييييهة(للكاتبة طيبة الربيعي)
حسن: طبك حسي الله يطيح حظج، ولج دخل اسمع بيج ماخذتة وطالعة، امشي ولي وحدج مامستعد اخسر ابني بسبب فهاااوتج
رتيل بهدوء: خلصت؟
سمعتة عض اصبعة: ولج اااخ لو يمي، لشوفج انجوم الظهر والله
رتيل: حسن، شكد جنت احترمك واكول ميخالف ابو ابني، ميخالف لخاطر علاوي، بس لهنا بعد كلشي انتهة، بيني وبينك علاوي فقط، يبقة ابنك يمشي علة مرامك بس ابد ما الك حق تدخل بية، وفعلا اني غلطت مخبرتك اليوم، بس اعتقد هو ابني مثل ما هو ابنك، باي
سديتة، بقيت ابجي
لحد ما حسيت بروحي تريد تنتزع
دخلت عالسريع غسلت وجهي(للكاتبة طيبة الربيعي)
وبقيت فترة بالحمام حتة يخف حمار عيوني
ووجهي، ماريد بيبي تحس علة شي
البيت سنطة كلمن بغرفتة
بس دومعي منشفن
كلامة وجعني، صوجج انتي
منطيتة اكبر من حجمة
بس كلة لخاطر علاوي، ماريدة
يحس بالحزازيات البيني وبين ابو
رجعت للغرفة لكيت بيبي نايمة
طفيت الضوء وتمددت بصف علوشتي
بس شميتة حصر نفسة بحضني
بعد كل دنيتي وهلي
اتمنة انتة متخذلني(للكاتبة طيبة الربيعي)
اتمنة متوجع كلبي مثل ابوك من تكبر
اتمنة ...
مشت الايام
ومابقة وية حسن وحدي
من يتصل ماجاوب
ادزلة مسج
وهو هم بدة يجنبني
البرود الصار عندي قاتل
اني خايفة منة
يجي ياخذ علاوي يومين تلاثة ويرجعة
رجعنة للسويد، ورجعت لحياتي الفوضوية
بوجودة، صار يتمنة الزلة علية حتة يتفنن
بكلامة القاسي، بس الي دمرني وعصر كلبي
اهمالة العلاوي، جان يموت اذا ميشوفة لو(للكاتبة طيبة الربيعي)
ميسمع صوتة، هسه صار يغيب اسبوع
اسبوع ونص بدونة، وعلاوي بدة يتنحس
كلشي ميعجبة
بس احاجي يزعل ويكوم يبجي
ويغلط علية وعلة ابو
ماعرف شجا ابني
ليش هيج والله ممخلية شي بنفسة
بس الخبلني منين متعلم يغلط
ما فد يوم سمعتة كلام محلو
او خليتة يسمع(للكاتبة طيبة الربيعي)
بالروضة ماكو كلام بذيء ابد
اطفال شعرفهم بهل كلام
وحسن هو الي محذرني اغلط كدامة
منين متعلم ياربي
يكلي انتي نذلة ومتحبين بابا
وبابا حقير ميحبج
حرت ويا مكدرت اتصرف
حاولت بأشد الطرق
والشغل ماكدر اتركة
مصدر رزقي، بيوم
حسن صارلة اربعة ايام(للكاتبة طيبة الربيعي)
لا سائل علة علاوي ولا جاي ماخذة
علاوي تخبل علية
كام يكسر بألعابة وصار نار
وجهة صار احمر صار اعصاااب
احاول احاجي والدمعة بطرف عيني
رتيل: ولك يمة شبيك، شيوجعك حبيبي
بقة يعيط ويشمر بألعابة ويبجي
ايدية يرجفن واتصلت بحسن
جاوب: الو
احاجي وابجي: الو حسن، فدوة تعال علاوي مدري شبي
حسن بخبال: شبيي ولج ليش يعيط شمسويتلة!
رتيل: ممسويتلة شي، تخبل علية وكام يكسر بالعابة ويبجي، تعال شوفة مداعرف شسوي
حسن: جاي(للكاتبة طيبة الربيعي)
سدة، رحت اريد الزمة شمر سيارة صغيرة علية
عفتة، شوية واندك الجرس، فتحتة حسن
نزع حذائة وطب جفت، لزم علاوي هدئة
حسن: شبيك بابا منو وياك
علي: ماارييدكم ماااحبكم
بقة يهدي بي واني ابجي
شالة بوسة مسح دموعة
كام يكلة كلام حلو واخذك افرك
واوديك مدينة العاب
وماما تجي ويانة، باوعلي علاوي
اشرلي بيدة تعاي
رحت يمة جرني وشبكني(للكاتبة طيبة الربيعي)
شابكني اني وابو
سودة اعلية شبي وليدي
بعدين تركني وحضن ابو حيل وخلة راسة
علة جتفة
حسن كام يمسح علة ظهرة ويفتر بي
واني لملمت العابة وحطيتهن بالباكيت
وتركتهن يم القنفة(للكاتبة طيبة الربيعي)
رحت للحمام غسلت وجهي وطلعت للمطبخ
صبيت غدة لنفرين، الة والعلاوي
رحت اريد اكلة يجي يغدي
اشرلي اششش، شفت علاوي مغمض
عينة وكلش هادئ، يعني دينام
شوية ونام، اخذة لفراشة واجة
حسن: شبي، صاير شي؟؟
رتيل: لا والله، جان طبيعي البارحة، كعد الصبح ميحاجيني وميريد يتريك، عفتة براحتة، لحد الظهر كب كام يكسر بالعابة ويعيط ويبجي
حسن: انتبهي عليه خاف شي بالروضة خاف واحد ويا من الجهال
ضحكت: يعني مدتشوف الغلط وين؟ مدتحس أبنك ليش هيج صاير اعصاب
حسن بعصبية: لتحجين بالالغاز، كليلي وين المشكلة
رتيل: بيك
رفع حاجبة: بية؟
رتيل: صارلك شكد مجاي عليه؟ ولا متصل؟ ولا سائل؟(للكاتبة طيبة الربيعي)
حسن: مو كتلج مشغول عندي شغل
رتيل: وشغلك شنو؟ غير الونسة والنسوان
حسن: وزني كلامج لا امد ايدي
رتيل: تمدهة؟ بأي حق تمدهة؟ رجلي؟ خطيبي؟ ابوية؟ اخوية؟ حسن لتخلي علاقتنة تأثر علة علاوي، من يحتاجك عوف كلشي لخاطرة لتخلي يحس بيك مبتعد عنة، اني داتعب حيل وكل الأسوي ميهمة العلاوي بكد ميهمة الي انتة تسوي علمودة
شفتة صفن علية
بعدين كال: راح اخذة يمي اسبوع، اتعبة واجيبة الج
رتيل: اخذة، بس خليني علة تواصل ويا
حسن: انشاءلله، يلة رايح بالليل اجي اخذة
رتيل: ماشي(للكاتبة طيبة الربيعي)
راح، سديت الباب وكعدت اصفن
شلون وياك يا حسن، تتعدل فترة
وراهة تعوج، كعد وكلتة جان هادئ حبيبي
بليل اجة عليه حسن يريد ياخذة ويا
لح الة اني اروح وياهم
رتيل: ماما عندي شغل ماكدر اجي، روح اتونس وية بابا راح يوديك لمدينة الالعاب
علي: مااا تجين ويانة
حسن: بابا امك عدهة شغل، باجر تجي
كام يبجي ويصيح، باوعلي حسن
حسن: دبدلي وتعاي، امرنة لله
باوعتلة بصدمة: وين اجي، دنيا ليل
حسن: جاية لبيت كواد! ماتريدين خلي الولد كاب ويبجي(للكاتبة طيبة الربيعي)
رتيل: حسن انتة شبيك، وين اجي واني طليقتك
حسن: خرب (كفر) وبطليقتي، امشي بابا امشي
شالة وذاكة يبجي ويعيط
رتيل: اوكف انتظرني ابدل
حسن: بسرعة
دخلت عالسريع بدلت وخليتلي كم شغلة
بجنطتي، طلعت ينتظروني بالسيارة
صعدت ليكدام، علاوي ميصير ليكدام
هنا نظام الطفل لازم ليورة والة
مقعد مال اطفال خاص
وصلنة لبيتة، كلبي وجعني
اوف الذكريات اليوم تموتني
صعد شايل علاوي واني وراهم
فتح باب الشقة
وانفك الجرح ويا
دخلت نزعت حذائي وبقيت واكفة
اجاني صوتة: مطبين
باوعتلة، دخلت للصالة يمهم
علاوي ركض يلعب بملاعيبة
الشقة مو كلش مرتبة
بس نفس الاثاث والديكور(للكاتبة طيبة الربيعي)
حسن: فوتي للغرفة بدلي وتعاي
اخذت جنطتي ورحت فتحت باب الغرفة
دخلت هوسة، ريحة عطر مال نسوان
ههه بالعافية عليك
تلمست الميز
شفت عليه مكياج، زاد كرهي الة
مسحت دموعي وطلعت ثوب من الجنطة
اوف يا علاوي ليش تحط امك بهيج موقف
ليش، لبستة ولبست سترة طويلة فوكا
وشمرت الشال علة راسي وطلعت
لكيتة كاعد ويا ويلعبة يدغدغ بي وذاكة
ميت ضحك(للكاتبة طيبة الربيعي)
رتيل: عندك شي ينوكل؟ ترة علاوي ممتعشي
حسن: اي روحي للمطبخ كلشي موجود، سويلنة عشة اني هم جوعان
رحت للمطبخ، فتحت الثلاجة بيهة طماطة
اجبان عصائر ومن هل سوالف
فكرت اسوي مخلمة
مال لحم وفاصوليا معلبة، هاي الحمرة
فتحت المجمدة لكيت لحم مثروم
طلعتة خليتة بمي حار وبديت اثرم بصل وطماطة
حمست البصل واللحم وووو
هدرت تمن ابيض(للكاتبة طيبة الربيعي)
من خلص الاكل صحتهم
اجة شايل علاوي
صبيت كعدو ياكلون واني اللكمة كوة
تدخل حلكي، كملت قبلهم شلت مواعيني غسلتهة
رجعت اباوع العلوشتي ياكل وحدة
رفعت عيني علة حسن لكيتة يباوعلي
جر حسرة، نزلت عيني
اوف نظرتة ربكتني، بس مو بكد الجملة
الي وجههة الية
حسن: تدرين شكد مشتاق الأكلج؟
باوعتلة، ماعرف شأكلة، هذا شبي خير
علاوي قاطعنة: بابا غسلي
حسن: صار بابا
شالة اخذة للحمام واني شلت المواعين
والجملة ترن بأذني، عمرة وحياتة
مكلي هيج كلام حلو، بعديش يا حسن(للكاتبة طيبة الربيعي)
ههه هو قابل علمودي، اني معروفة بأكلي
كلهم يكلولي اكلج يخبل
بليل كلش اجة وقت النوم
حسن: انتي وعلاوي نامو بالغرفة واني هنا، بس جيبيلي الفراش من المخزن
رتيل: ماشي
رحت للمخزن فتحت الضوة
داريد انزل الفراش لمحت ستيان
تقززت وصدك لعبت نفسي منة
شلت الفراش ووديتة الة فرشتة
علاوي لزك يمة
عفتهم ودخلت للغرفة(للكاتبة طيبة الربيعي)
انام عالسرير وهو ممخلي وحدة منايم
وياهة عليه؟ ابد لو اعرف اموت
اخذت المخدة والغطة
ورحت جبت دوشك من المخزن
فرشتة بصف السرير وخليت شالي
عالمخدة تلعب نفسي
تف شكد رخيصات
هو الرخيص هووو
فزيت علة احد يبوس بية
فكيت عيني علاوي
نومتة بحضني وشبكتة
الوليلة يلة نام
كعدت الصبح علة صوت دكة الجرس
كمت لفيت شالي
وطلعت شفت حسن نايم
رحت باوعت من العين السحرية
نفسهة البنية، درت وتوني اريد اطلع شفتة
كعد باوعلي(للكاتبة طيبة الربيعي)
حسن: منو، خوما فتحتي
رتيل: حبيبتك، مفتحت
دخلت للغرفة وسديت الباب
نزلت دمعتي، مراح اكدر ابقة
ليش اعذب نفسي
شناقصني اني ومحبيتني
شنو البية خلاك تتونس بتعذيبي
سمعت اصواتهم برة
لبست هدومي ولفيت شالي
دك الباب، فتحتة
حسن: وين(للكاتبة طيبة الربيعي)
رحت للجنطة سديتهة: راجعة
حسن: وعلاوي، مايرضة ترجعين
رتيل: عندي شغل، انتة لهي
احجي وماباوعلة
حسن: مو حبيبتي، صديقتي
باوعتلة رافعة حاجبي: واني شلي دخل
نزلت بوست علاوي
اخذت الجنطة وطلعت
لبست حذائي

يتبع...🌺
يتبع.........