استيقظت جيهان ووجدت نفسها فى مكان غريب
لا تتذكر كيف جاءت الى هذا المكان ومتى
جيهان : هو انا فين
مروان : صباح الخير يا مراتى العزيزة
جيهان : مروان واحنا فين وايه المكان القديم ده
مروان مسك ايدى جيهان
مروان : تعالى وانتى هتعرفى كل حاجه
جيهان اول ما طلعت ووجدت جنى ماسكه يد محمد وخايفه جدااا من مجدى
خصوصا بعد ما عرفت ان مجدى هو الى خطفها واحضرها الى هذا المكان
جنى : ينفع بقى تقولوا احنا فين وايه المكان ده
جيهان لجنى : هم عملوا فيكى حاجه
جنى أشارت ب لاء
جيهان لمحمد : احنا فين و٠٠٠٠٠٠٠٠
مروان بعصبيه : انا عاوز اعرف انتى ليه قولتي لجدى انك مضيتى على الورق
محمد : يا ابنى هى مش فاهمه حاجه
جيهان : هو ايه اللى بيحصل
مجدى : هنقولكم على كل حاجه بس الاول لازم تتفضلوا فى الدار القديم ومش هتخرجوا منها الا لما نقولكم
جنى : انا مش فاهمه حاجه
جيهان بعصبيه: ايه الكلام الفارغ ده انا عاوزة اطلع يلا يا جنى
مروان مسك ايد جيهان : مفيش طلوع يا جيهان من هنا ساااامعه
محمد : لو سمحتى يا جيهان اقعدى
جيهان : انا هقعد بس علشان خاطرك يا محمد
مروان بعصبيه : الله يخربيت دماغك
جيهان بعصبيه : شايفين هو٠٠٠٠٠
تعرفى انا بقى مش هرد عليك لانى٠٠٠٠٠٠
محمد موجه الكلام لجيهان ومروان : خلصتوا ولا فى حاجه تانيه
مجدى : حالا هنقولكم على كل حاجه مجد لسه عايش
جيهان وجنى بصدمه : ايه
جنى شافت مجد ومجدى التوأم اغمى عليها
مجدى جرى على جنى: جنى يا جنى قومى
جيهان بضحك : مين ده
مروان : نعم يا اختى
جيهان مازالت تضحك : لا بجد مين
مروان بعصبيه : مجد اخو مجدى التوأم
جيهان بعدم تصديق: اااة قصدك مجد الى مات من زمان رجع تانى الله اكبر
واغمى عليها
مروان جرى على جيهان : جيهااان يا جيهااان
مروان لمحمد ومجد : روحوا هاتوا كوبايه ميه بدل ما انتوا واقفين كدا
مروان لجيهان: جيهان قومى اشربى كوبايه الميه
جيهان فاقت
مجدى : جنى قومى يا جنى
جنى فاقت الحمد لله
جنى بخوف : مين ده
مجدى بعصبيه: مجد يا جنى
جنى ببكاء : لاء بقى انا مش هقدر استحملكم انتوا الاتنين
اساسا واحد فيكم عملى رعب انتوا كدا هتجيبولى جلطه
مروان لجيهان وجنى : ينفع تقوموا عشان تفهموا ولا مش عاوزين تفهموا
جيهان وجنى فى صوت واحد : طبعا عاوزين نفهم
محمد: ربنا يستر هو شغل العصابات بدأ
مجد:هههههههههه شكله
جيهان لمجد: انت ياواد متضحكش خااالص لحد ما اعرف حكايتك ايه
محمد: انا هقولك الحكايه بدأت لم كنا صغيرين
استووووووب
هارون وهريدى كانوا اكبر عائلتين فى البلد و كانوا بيحكموا البلد
هارون شخص طماع كان عاوز يحكم البلد لوحده
هارون عنده ولدين شاكر وشكرى
شكرى اتجوز ميسون وخلف مروان و التوأم مجدى ومجد
وشاكر اتجوز مى هو عنده ولد وبنت إللى هو انا وجيهان اختى الله يرحمها .
و كان فيه تار فى البلد
وكان بابا هو اللى عليه الدور في التار علشان كده سافر بره البلد
وهريدى عنده ولد واحد بس إللى هو كمال
وكمال اتجوز شكرية و عنده توأم جيجى وجنى
هارون عرض على هريدى يجوز جنى لمجدى ومروان لجيجى ومجد لجيهان
بس هريدى رفض علشان عارف هارون وفهم خطته
وبعدها هارون بدأ يدبر مكايده علشان يحكم البلد لوحده
مجدى ومجد عملوا حادثه (هنعرف بعدين ازاى مجد عايش )
هارون بعت مجدى ومروان خارج الصعيد
هارون زرع الكراهيه فى مروان ومجدى على عائله هريدى
هريدى قبل ما يموت طلب من كمال انه يسافر عند شاكر عشان يبعد جيجى وجنى عن مروان ومجدى لانه عرف بخطه هارون خصوصا ان هو عارف ان مروان ومجدى خلصوا دراسه وجاين البلد
بعدها عمى كمال هو بيسافر هارون عرف بالى حصل بعت نااس علشان يقتلهم .
بقلم سارة خالد هيكل
