حكاوى فاطم 💙

عوض ربنا عظيم 💙

-تعرفى انى كُنت بحبه جدا جدا  يافاطم...

-عادى وفيها ايه ما فى كتير من المخطوبين بيحبوا بعض بس مابيصرحوش وبيفركشوا يا بنتى فيها ايه..

-انا كُنت بحبه من قبل الخطوبه كان بالنسبه ليا صعب المنال كان عنه صفات مش عند حد فى نظرى لدرجه انى وافقت عليه من غير سؤال واحد متخيله يا فاطم ..

-انبهار مُبالغ فيه بس الامر فى الاول وفى الاخر كان امر قلوب... علشان كده فشلتِ لان عقلك كان لازم يشتغل فى المواقف الى زى دى لانه مستقبل... ولكن قدر الله وما شاء فعل...

-طيب ليه يا فاطم الى بنحبهم ميكنوش زى ما احنا عايزين ليه مابيحصلش نصيب فى الحاجه الحلوة 💔

-اى حاجه حلوة.. فين الحلاوة فى واحد اكتشفتِ انه لا بيصلى ولا كويس وبيكلم بنات ومش محترم ومالوش اى علاقه بالاسلام يادوبك ديانه فى البطاقه والاوراق الرسميه وبس وكل الى انتِ كُنتِ شايفاه كان مظهر خارجى فارغ... ايه الحلاوه الى  انتِ كُنتِ عايزاها تكمل فى واحد زى دا... ايه رائيك .. كُنا سيبنا الحلاوة تكمل واتجوزتيه وتعيشى حياة زى الجحيم معاه بل اضل.. احمدى ربنا احمدى ربنا انه نجاكِ من حياة زى دى والله.

-بس يا فاطم...

-بس ايه؟!  بوصى يا بنت الناس الحُب لو مكانش من واحد يستاهل ولواحد يستاهل مايبقاش حب تمام🙋.. الحُب الى لما اجى يوم القيامة اتسأل عليه ومعرفش اجاوب لان مفيش ليه ثمار صالحه يبقى يبدوب كان حمل على القلب والعقل ومايبقاش حب فاهمه

-فاهمه يافاطم... بس اعمل ايه فى قلبى؟!

-واقفيه عند حده بقا وقوليله اصبر العوض جاى وبطل تفاهه اصل الحكايه خلصت فمتحاولش.. مش هنرجع تانى لواحد كان ناوى يضيعنا دنيا واخرة واثبت "لعل الله يحدث بعد ذلك امرا"

-طيب ي فاطم.. انا عايزة اتغير وابقى افضل نفسى اقرب من ربنا اكتر واحس بالرضا نفسى ارتاح

-اكترى من الصلاة والكلام مع الله فى كل ركعاتك يُجبر قلبك... والذكر ليلين القلب ف "آلا بذكر الله تطمئن القلوب" ذكر عادى زى "سبحان الله-الحمدلله-ولا اله الا الله -والله اكبر - ولا حول ولا قوة الا بالله -ولا اله الا انتَ سبحانك انى كُنت من الظالمين-وسبحان الله وبحمده سبحان الله العظيم... الخ" والصلاة على النبى ﷺ والاستغفار فهو احد مفاتيح القلب والرزق.. الصدقه اجبرى الفقراء ولو بمبلغ بسيط يبجبركِ الله.. القرآن آيات الله تُريح العقول والقلوب وتجبرها.... واقرأى فى سيرة الرسول ﷺ وازاى ربنا دائما كان جانبه سبحانه وتعالى فى  اسواء ظروف حياته ﷺ واكثرها فرحا واقرأى فى سيرة الصحابه والتابعين وقد ايه همه صبروا على الابتلاءات وازاى كان عندهم رضا تام ومش عايزة حاجه من الدنيا ومن فيها... اشغلى وقتك بأى حاجه غير الحُب دراسه خياته علم شرعى اى حاجه المهم نبعد عن الحُب.. الصيام دائما صومى.. غيرى نفسك بنفسك بجاهدها فى الطاعات 🙋💙