حكاوى فاطم 💙

جبره حلو💙

-دخلوا عليا وهى بتبكى وبتقوله:-كان نفسى ابقى ام يا كريم، كان نفسى جدا، بالله هنجرب هنا اخر مرة واخر معامل بالله عليك..
واستمرت فى البكاء بشكل فظيع، مكانتش كبيرة فى السنه فى حدود ٣٠ ،حاجه و٣٠ سنه كده، ماشاء الله اللهم بارك جميله ولبسها شيك جدا رغم انه واسع و فضفاض، شكلها كان فعلا لطيف، اخدها فى حضنه وهو بيقول: -يا حبيبتى بلاش عياط بالله، والله هعمل الى انتِ عايزاه بس بالله بلاش عياط، وبعدين انا راضى فى وضع والله راضى
انا واقفه بتفرج عليهم وقلبى بيوجعنى وفى نفس الوقت فرحانه جدا من إحتوائه ليها، قربت منها وقعد جانبها و بسألها كأنى مش عارفه حاجه، لاقيتها عيطت اكتر ولاقيتها بتحكي لوحدها وبدون كلمه زيادة..

-انا متجوزة  ١١ سنه، بقالى ١١ سنه بدعى ان ربنا يرزقنى بطفل واحد، واحد بس، وانا صغيرة كنت بحب الاطفال جدا، كان نفسى اكون ام علشان يكون عندى طفلى الخاص، العبه واحبه تعرفى انا اخترت ليهم اسماء حتى من قبل ما اتجوز كريم، يوسف، رقيه، عائشه، محمد... الخ، اخترت ليهم اسماء كتير اوى اوى، بس للاسف ربنا مرزقنيش مع انى والله العظيم بدعى بصدق بقلبى بيبكى كان نفسى افرح كريم كان نفسى يكون اب ورجعت تعيط تانى،حضنتها ولسه هتكلم سمعت صوت من ورايا فبلف لاقيت زوجها هو كمان بيعيط وبيقولها والله العظيم انتِ طفلتى وانا راضى ومش زعلان، دى إرادة ربنا والى هوه عايزه انا موافق عليه والله بالله عليكِ بلاش تعيطى..

بدأت تهدى ولاقيتها بتجذبنى من خمارى وتقولى بالله عليكِ خدى عينه الدم يمكن المرة دى يطلع فى حمل، انا حاسه انه ممكن يكون فيه المرة دى بالله عليكِ، تعرفى والله العظيم نفسى يكون عندى بيبى، مش بعترض على قضائه والله بس...

-حبيبتى، من غير ما تحلفينى انا هاخد دى شغلى، اهدى كده واسترخى وانا هسحب العينه وان شاء الله ان شاءالله ربنا هيرزقكم المرة دى ولعله خير بس بالله متعيطيش بقا

فضلت تحاول تبطل عياط بشهقات الاطفال  وهى بتقول -...حاضر... حاضر بس... بسرعه بالله عليكِ.....، كان شكلها جميل جدا، فعلا كان طفلته

دخلتها الغرفة الخاصه بالسحب وطلبت منها تكشف عن دراعها علشان اسحب عينه الدم لاقيت اثار وخزات كتير جدا، دراعها كله كان مليان وخزات، وبطريقة بشعه وواضحه خالص ..
-بلاش الدراع دا، هاتى التانى افضل

-لاخليكِ هنا معلش لان التانى ابشع +ان دى اثار بس مش هتوجعنى

-حاضر
سحبت منها عينه دم، وهى حاطه ايدها على عيونها وبتقولى بس خالى بالك وانتِ بتسحبى بالله عليا انا بخاف من الحقن جدا، ضحكت وانا بقولها بس انا خلصت وعينه فى الانبوبة اصلا، لاقيتها شالت ايديها من على عيونها وهى مذهوله وبتبص لدراعها الى عليه اللزق الطبى وبتبصلى، ها خلصتِ امتى، انا ما حستش خالص، ضحكت وانا بقولها هعمل الاختبار و ارجعلك
............
رجعت علشان ولسه هتكلم عن المعياد المفروض تنتظره قالتلى عارفه ووهستناه هنا، وطلعت من شطنتها مصحف وفضلت تقرأ، دخلت علشان اشوف النتيجه، وبعد فترة خرجت ليها، لاقيها بتبكى وهى بتقرأ بتبكى جامد، خلصت السورة الى كانت بتقرأ فيها، وطلعت منديل وفضلت تمسح عيونها وهى بتبصلى وبتقول ها، ايجابى قوليلى انه ايجابى بالله عليكِ، بصيت للـ report الى فى ايدى وبصيت ليها، ومش عارفه اقولها ايه؟, لاقيت نفسى ببكى ومش عارفه ارد عليها، لاقيها بتقول وهى بتبكى :-كنت عارفه، لا عادى مش مهم متعيطيش اكيد خير بتعيطى ليه يا بنتى، انا عارفه ان ربنا ليه حكمه حتى لو موجوعه ليه حكمه
بصيتلها وانا بقول: -positive حملك positive والله العظيم

لاقيت زوجها قام من على الكرسى وسجد وسجد على الارض وهو بيبكى وهو فقدت النطق من كتر الفرحه، فضلت تقول الحمدلله الحمدلله يا رب كنت عارفه انك مش هتخذلنى، اسفه على كل لحظه يأس يارب اسف والله سامحني، قام زوجها من الارض واخدها فى حضنه وهى مش مصدقه نفسها، وفجأة لاقيتها بتبصلى وبتقولى تصدقى نسيت أسالك عن اسمك يا وش الخير، هو انتِ اسمك ايه؟!. مسحت دموعى وانا بقولها اسمى..اسمى فاطمة وانا معملتش حاجه على فكرة صبرك هوه الى گان حلو جدا ودعائك كان صادق علشان كده ربنا إستجاب لاقيتها بتقولى وعد هسميها فاطمة هسميها على اسمك لو كانت طفله.
........
بعد سنين بالظبط لاقيتها جاية تانى وبتخبط على كتفى ومعاها يوسف وفاطمه ورقية ومحمد وبتقولى سميتها فاطمه على فكرة، قولتها ها، هى مين؟

انتِ مش فاكرانى انا سلوى الى كانت هنا من فترة، وبشرتيها بالحمل بعد ١١ سنه صبر ودعاء وبكاء متواصل،وقولتلك لو جات بنت هسميها فاطمه فعلا اول حمل ليا كان يوسف وفاطمه توأم مختلف وبعد بفترة بسيطة ربنا برقية ومحمد تؤام مختلف بردو، بصيتلها بذهول وانا بقولها اللهم بارك دول اولادك اللهم بارك بجد

-لاقيها بتبصلى وتقولى اه، نهايته جبر يا فاطمه نهايته جبر والله بس احنا ندعي..💙

#حكاوى_فاطم

#فاطم_حسام💁💙