حكاوى فاطم 💙

من ترك شيئًا لله عوضه الله خيرا منه 💙

خطب يا  فاطم خطب يا فاطم وحلمى الى كُنت بحلم بيه اتكسر خطب وانا اتكسرت وخطب وانا مش عارفه ابطل عياط من وقت ما ساعه عرفت الخبر
.......
-السلام عليكم ورحمه الله وبركاته
فاطم.. ازيك.. ممكن نتكلم شويه

-وعليكِ سلام الله ورحمته وبركاته
الحمدلله بخير طبعا اتفضلى 💚

-بوصى انا بحب واحد وبصراحه مش عارفه ابعد عنه طول الوقت بفكر فيه... بنكلم كل اسبوع شويه بس بحس بوجع فى قلبى كل ما اتكلم معاه بجد... بس مش قادرة ابعد

-بوصى يا ست البنات الحُب الحرام ابتلاء يُصيب القلب... فإنتِ لازم تعالجى قلبك منه لازم تبعدى تعرفى تقوليلى ايه الفايدة الى رجعت عليكِ من الحُب دا؟

-بصراحه ولا حاجه بس هو قال انه هيطلب ايدى بس لما ظروفه تتحسن..

-بوصى ياست البنات ....الشاب الى بيحب بنت بحافظ عليها من كل الناس حتى من نفسه فاهمنى.. لو بيحبك مش هيخليكِ تعصى ربنا علشانه.. الى بيحبك هيعمل المستحيل علشان يوصلك فى الحلال.... الى بيحبك مش هيعصى ربنافيكِ...الى بيحبك هيحافظ على قلبك ومش يفكر ولو للحظه انه يستهلك مشاعرك... الظروف دى حجج فارغه لا قيمه لها فاهمه...

-بس يا فاطم..

-مفيش بس  قلبك مش هيحميكِ ولا حتى هو من الذنوب ولا حتى من عقاب ربنا ليكم ... الذنوب اخرتها وحشه يا ست البنات احفظِ قلبك لله واعملى بلوك وقربى وادعى و صدقينى لو ليكِ فيه خير هيستجيب وهيرزقك به بس المرة دى هيكون حلالك

-ادعيلى يا فاطم �

-عيونى لكِ
..................

-خطب يا فاطم خطب وحلمى الى كُنت بحلم بيه اتكسر خطب وانا اتكسرت وخطب وانا مش عارفه ابطل عياط من وقت ما ساعه عرفت الخبر

-لو كان خيرًا لبقى.. 💙

-بس انا بحبه وكُنت بدعى به فى كل لحظه وكل صلاة كان حلمى الوحيد الى كان نفسى يا تحقق بس للاسف محصلش انا حاسه انى بموت يا فاطم بجد مش عارفه اعمل ايه..؟

-ادعى وقولى..."الله اجبر قلبى جبرًا يليق بعظمتك"..." اللهم ارزق قلبى حُب من يستحق حبه" .. واصبرى واحتسبى الى حصل لكِ دى بلاء نتيجه للتعلق بغير الله... علشان كده ربنا كان لازم يفوقك علشان ترجعيله لانه بيحب يسمع صوتك فى الدعاء... علشان كده عايزك تقربى بثق وحسن ظن فيه و يقين انه هيجبرك قريبا وقريبا جدا كمان واياكِ تنسى "إِنَّمَا يُوَفَّي الصَابِرُونَ أَجْرَهُم بِغَيْرِ حِسَاب " ‏سِكة الصبر نهايتها جبرك  مّهما طَالت... 💜

-بس انا تعبانه نفسيا اوى اوى يا فاطم 💔

-بوصى اسمعى قرآن كتير لانه هيشفى قلبك وهيطيب خاطرك وهيجبر كسرك والله وصلى قيام لو ركعتين كل يوم وابكى و ادعيلى ربنا انهيربط على قلبك ويرزقك بالزوج الصالح الى يستحق قلبك وادعى بحسن ظن بالله انه هيستجيب اياكِ تنسى حُسن الظن ربنا سبحانه وتعالى قال على لسان رسوله الكريم ﷺ : يقول الله تعالى : "أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة" رواه البخاري ومسلم ..... احسنى الظن فى الله وصدقينى هيجبرك 💙