(بيت ابو جراح)....
فاديه⇇يمه يمه
ام جراح⇇ها يمه شبيج راكضه ع الدرج هسه توكعين وتنكسرين
فاديه⇇يمه (وهيه تلهث) اريد اروح لبيت عمي
ام جراح⇇ياهو منهم
فاديه⇇عمي الشيخ مالك جاي يمهم عمي حسن والبنات
ام جراح⇇يمه اني مابيه حيل اروح باجر اروحلهم
فاديه⇇يمه بس اني اريد اروح (بزعل)
...نزل جراح
فاديه بهمس لمها⇇يمه گلي لجراح خلي يوديني
ام جراح⇇يمه جراح
جراح⇇ها يمه
ام جراح⇇يمه ودي اختك لبيت عمك مالك
جراح⇇صار يمه
فاديه⇇(بفرح) عااا شكرا شكرا خويه اروح ابدل واجي(بوسته من خده)
جراح⇇مرحباا وياكم جراح اشتغل محامي عمري 25 حنطاوي وطويل ومعضل عيوني عسلي مزاجي وقليل اشاقه واضحك ومرات أخذ الامور بجديه
فاديه ⇇هلاو وياكم فاديه عمري 18 اني هادئه مو هواي اسولف مواصفاتي سمره بس سماري حلو عيوني ملونات شعري طويل واسود وعندي غمازات وطولي وسط
********❤❤********
دخلت ام مصعب وبنتها نرجس وسلمن ع الحجيه وام صگر واما ام ملاك سلمن عليها من وره خشومهن (والله مال اگوملهن بالنعال)
بالمطبخ...
سجى ومهى يطبخن وسرى دسوي زلاطه وشامرين الخضره عله جنات وجوري بعدها مطموره واني كاضه الخياره وكاعده اكل طبت نرجس اهوووو بدت المشاكل
نرجس⇇هلاووو شلونجن بنات
ملاك⇇بهمس...لا هله
البنات⇇هلاوات
نرجس⇇دخلت للمطبخ وشفت بنيه شگره اجنن كلش
رحت يم مهى
نرجس⇇(بهمس) ولج مو كتلج من يجون بيت عمي حسن تكليلي
مهى⇇نسيت
نرجس⇇اكلج هاي البنيه الحلوه منو
مهى⇇هاي ملاك
نرجس⇇ صدك 😨صح حلوه بس اني احله 😌
مهى⇇يي كلش 😒
ملاك⇇اكلج سرى
سرى⇇ها
ملاك⇇هذن شبيهن يتبسبسن
سرى⇇والله مادري علمي علمج
ملاك⇇باوع عليهن يتبسبسن ويباوعن عليه اكيد يحجن عليه هزيت ايدي ادري بمهى مو صلح اني وياها من زمان ونرجس تغار مني هذن راح يطابگن سويه ويسولي مشاكل 😑شلون سالفه هاي
...رحت سلمت عله ام مصعب من وره خشمي مثل مسوي بأمي اسوي بيها 😌
ملاك⇇شلونج خاله 😒
ام مصعب⇇هله بس منو معرفتج
ملاك⇇ملاك اني ملاك 😌😒(بغرور)
ام مصعب⇇هله بيج 😒
اباوع عليها هاي صايره شحلاتها بس بنتي احله
ملاك⇇ضلت اني اخزر بيها وهيه تخزرني😂
صاحتلي بيبي لغرفتها (عززا بس لا تضربني بالعكازه)
ملاك⇇...ها بيبي صحتيني (يم الباب واحاجيها)
الجده⇇اي يمه تعاي ليش واكفه بالباب
ملاك⇇لا بيبي هنا مرتاحه شتردين تكولين 😥😅
الجده⇇تعاي هنا كعدي يمي...لتخافين ماسويلج شي انتي بنت الغالي
ملاك⇇صفنت عليها ...خوش بنت الغالي وقبل شويه زورگتني بالعكازه كتلها...
ملاك⇇بيبي اني راح اجي بس وخري العكازه
الجده⇇تعاي يله (شمرتها)
ملاك⇇كعدت يمها
الجده⇇حبوبه لزعلين مني تره اني لمصلحتج احجي من اكلج تعلمي واشتغلي مو معناها اكرهنج لا بس اريدج اصيرين شاطره وام بيت مو تخلين اليسوه والمايسوه يحجي عليج
ملاك⇇يي بيبي كلامج صح ...اخلي ماما تعلمني
الجده⇇اي حبوبه تره ام مصعب وبنتها ميحبنج لا انتي واخواتج وحته امج المسكينه لان من الشمال ميردنها يكولن عنها غريبه ومو من ثوبنه
ملاك⇇لتخافين بيبي اني الهن بالمرصاد اريد وحده تفك حلكها ع امي لو اخواتي غير انتفها من شعرها 😬
الجده⇇عفيه السباعيه...هسه روحي صبي وياهن الغده
ملاك⇇اوك
أنت تقرأ
مـلاك _ الصـگر
Romanceشيخ من الجنوب ينهي عله بنت عمه من دون حب ثم بعد ذالك يقع بعشقها.....🌙🌼 فهل بنت العم تبادله المشاعر ام عندها رآي اخر
