نسر⇇كاعدين نشاقه واشوف فاديه صافنه عليه واني هم صفنت عليها من جنه صغار احب اضوجها واكلها زروگه وهيه اضوج بعدين سجى گرصتها يله انتبهت *خرب بيج سجى*
سجى⇇اسولف ويه فاديه وهيه ولا يمي اثاري تباوع عله نسر ادري بيها تحبه گرصتها حته تحس خاف تنفضح خطيه وجراح يخنگها اضرب من صگر هذا
فاديه⇇اوي شبيج وجعتيني(بهمس)
سجى⇇ووجع شبيج متيهه الاول والأخر هسه ينتبهون عليج وتوصل السالفه لجراح وشوفي حته نسر انتبه عليج
فاديه⇇(بهمس) عززه العزاني
سجى⇇عززه العزاني (تعيب عليها)
فاديه⇇😂لتعيبين ولج
نسر⇇اسمع ضحكه فاديه ويه سجى فدوه حته ضحكتها نازكه مثلها من دون البنات من جانت صغيره لحد هسه هيه هادئه ومينسمع الها صوت يعني تكدرون تكولون هيه صديقتي من الطفوله صح اكبر منها بس احب العب وياها
فاديه⇇من احنه وصغار اني احبه لنسر جنه نلعب سويه جان يكلي زروگه لان سمره وازعل منه ويجي يرضيني ونوب يكلي عيونج ملونه حلوات (اووف...احبه)
واليوم من اجيت حته اشوف بيت عمي
جنت متلهفه حته اشوف نسر لان اشتاقيتله وهوه مو هواي يجينه واصلا من يجي مااطلع....ومن طلعنه للبستان ضليت بس اصفن عليه وگرصتني سجى وانتبهت لگيته هوه هم يباوع يبووو شكد عيب
نسر⇇اي فاديه ليش ماتجينه
فاديه⇇استحيت يباوع عله عيوني ويحجي
...امي متقبل (نزلت راسي)
نسر⇇(فدوه خجلت طبعا اني احبها كـصديقه واخت مابالي شي وياها بس لان هادئه يجذبني هدوءها)
...يله عيني صار دنيه ليل وين ملاك خلي تجي حته نروح
سجى⇇ماشي خلي اروح اصيحها
فاديه⇇لا اني اصيحها (شردت من نظرات نسر)
❄ــہہہـ٨ـــ٨ـــہــہـ٨ـــ٨ــہہہــ❄
ملاك⇇اول مادخلنه للبيت تلگانه صگر بالصاله كاعد وحجه ويه نسر
صگر⇇ليش تأخرتو
نسر⇇هوه اصلا توقيتنه جان غلط طلعنه ب 5
صگر⇇ممم
ملاك⇇هز براسه وكعد يگلب بالفون بس لو اعرف ليش ميضحك هذا جان ارتاحيت شفته باوعلي وخزرني حجيت بهمس بيني وبين نفسي _سالمين شبيك_
صگر⇇اگلب بالجهاز واشوف ملاك تباوعلي خزرتها شفت شفايفها تتحرك وتحجي بهمس بينها وبين نفسها -اكيد تحجي عليه- مهتميت وضليت اگلب بالجهاز
جوري⇇(بهمس) وتكولين مو حلو اشو تباوعين عليه
ملاك⇇لج لا مميته عليه بس اريد اعرف ليش ميضحك
جوري⇇اعتقد ماكو شي يضحك حته تردي يضحك لصيرين ثوله
ملاك⇇ممم هم صح
سجى⇇بنات باجر حور تجي يمنه
جنات⇇ليش
سجى⇇كومن بغرفه حبوبه انسولف مو هنا
ملاك⇇هنه كالن غرفه جميره كمت عله حيلي نسيت صگر ونسر وحجيت
...يمعودات سترن عليه الله يسترجن هاي جميره حاطه نگرها من نگري خاف تگوملي بالعكازه وتكتلني بعده جسمي مزورك من وره العكازه مال البارحه
حجيت هيج ماشوف غير البنات خانسات ونسر ميت من الضحك وصگر وكف ومخنزر وعيونه حمر _عيونيش هذن جنهن فلم رعب ـ بگلبي ـ بعدين عاط بينه
صگر⇇متروووحن تصخمن بغرفجن وتسولفن (بصياح) يله بسرعه اصعدن واريد اشوف وحده منجن هنااا اله اكسرها تكسررر يله ولننن شمنتظرررات
أنت تقرأ
مـلاك _ الصـگر
Romanceشيخ من الجنوب ينهي عله بنت عمه من دون حب ثم بعد ذالك يقع بعشقها.....🌙🌼 فهل بنت العم تبادله المشاعر ام عندها رآي اخر
