صگر⇇وصلت للمستشفئ بالليل من وره الازدحامات حته اجيت ادعم السيارات لان امشي سريع دخلت لگيت عمي واكف يم باب غرفه العنايه المركزه وشكله تعبان سألته عله ملاك كال...
ابو ملاك⇇بعدها فاقده الوعي
صگر⇇عمي راح اسأل الدكتور عله حالتها واجي
ابو ملاك⇇ماشي
...
صگر⇇رحت للدكتور وسألت عنها كال فقدت هواي دم وعدها انهيار عصبي لازم مضغطون عليها ولا تخلوها تتوتر ولتخلوها وحدها خاف اسوي شي بنفسها مره ثانيه
...نوب رجعت لعمي وكتله عله حالتها وكلت...
صگر⇇عمي تسمحلي ادخل اشوفها
ابو ملاك⇇تفضل ابني
صگر⇇دخلت عليها لكيتها نايمه وجها اصفر رحت كعدت يمها عله السرير وبست راسها اخذت ايدها السليمه ولزمتها اباوع لايدها الثانيه لافيها بشاش ; ضليت صافن عله وجها وره شويه حست وحركت ايدها وفتحت عيونها...
ملاك⇇كعدت بس دايخه كلش اباوع عله الغرفه بيضه -اني وين- بعدين استوعبت ردت انتحر ;;; عبالي هسه اني بالجنه شمدريني نوب ايدي اليسره الجرحتها توجعني باوعت عله واحد كاعد يمي - هذا اخر واحد اتمنه اشوفه - صدك كرهته من وراه بطلني بابا...
صگر⇇الحمدالله عله سلامتج
ملاك⇇اصلا كله من وراك انتحرت
صگر⇇هااا
انه شعليه
ملاك⇇لوما فضحتني كدام بابا مجان بطلني بس لو تموت مازوجك
صگر⇇ماميت عليج
كتلج علمود منو راح ازوجج لا اضلين اتمسلتين
ملاك⇇😒
صگر⇇وحركات الاخبال مال الانتحار بطليها
ملاك⇇هفف
صگر⇇ولا عبالج من انتحرتي عود راح افك النهوه لا غلطانه ولو تموتين هم ماراح افكها
...شويه ودخل عمي انه كمت منها...
ابو ملاك⇇يله بابا راح تجي الممرضه اساعدج بالتبديل حته نطلع
ملاك⇇اباوع لبابا مدنك راسه ويحجي وياي وميباوع بعيوني عبالي بعده زعلان كتله...
ملاك⇇يي بابا
...طلعو من يمي واجت الممرضه ساعدتني نوب طلعنه وصگر سوه اوراق الخروج صعدنه بسياره بابا وصگر لحگنه بسيارته: وصلنه ودخلنه للبيت لكيت ماما وجنات والعشيره وحته رحومه موجودين اول مادخلت اجت ماما حظنتني وبوستني وكلهم اتحمدولي بالسلامه ; اخذتني جنات لغرفتي وجوري جابتلي الاكل اكلت شويه وانطتني جنات المسكن ونمت...
فزيت من النوم ونوب ايدي ضلت توجعني ومنا اذكرت الي صار وياي ضليت ابجي وشفت جنات هستوها داخله عليه وذبيت كل عصبيتي بيها...
جنات⇇اهدئي حبيبتي
...تقربت يمها اريد اسكتها بس ضلت اصرخ....
ملاك⇇_بعياط_
اطلعي بره ماريد اشوف احد يله
كلكم اكررررهكم
...طلعت من يمي وضليت اشهك وابجي ومخليه راسي بين رجليه....
أنت تقرأ
مـلاك _ الصـگر
Romanceشيخ من الجنوب ينهي عله بنت عمه من دون حب ثم بعد ذالك يقع بعشقها.....🌙🌼 فهل بنت العم تبادله المشاعر ام عندها رآي اخر
