ملاك⇇كعدت ب 6 دنيااا المغرب عزززا هالوقت نايمه هسه امي تكتلني سبحت ولبست دشداشه ورديه ونزلت لكيتهن يصبن عشه وديت وياهن للصاله وكعدنه
جان كاعد الشيخ وبابا وصگر وعمي فهد بس نسر ماكو اشوف هذا صگر بس يخزر بيه ....شبي گبر لفه وعمي فهد خوب اكل جوري بنظراته اله افضحه 😂
كملنه عشه وصارت المواعين براسنه اني وسرى لان ضليت نايمه للمغرب امي عاقبتني واخذت جهازي كملناهن وكعدنه انسولف بالمطبخ اجت ماما كلتلي....
ام ملاك⇇ملاك شبيها ايدج ليش مورمه
ملاك⇇هااا ماما وكعت
ام ملاك⇇ عمه حته عمه مشوفين...زين وانتي سرى ايدج شبيها بس لا هم وكعتي
سرى⇇اي عمه
ام صگر⇇شمالجن غير تنتبهن
ملاك⇇اشوف ماما جرت ايدي وكعدت اشوفها
ام ملاك⇇هاي مو وكعه مسويه حلاوه مو اني مو كلت لسوين بعدج صغيره
ملاك⇇ماما والله لان عرس بس هالمره بعد ماسوي
ام ملاك⇇دخلي اشوفج اسوين اله اكسر راسج
ملاك⇇😐😑
...هستوني طلعت من المطبخ واجاني صوت الثور
صگر⇇سجى يمعوده وين الجاي
ملاك⇇كلت بيني وبين نفسي
دخلي اوديله سم وزقنبوت اسويها لوجه الله مو اله
رحت حميته وديته اله عباله سرى
صگر⇇عفيه بنيتي
ملاك⇇اني مو ابنيتك
شفته رفع راسه وباوعلي وصفن اجيت اكله الصفنه مو الك بس خفت خاف يگلب الجاي عله راسي 😅
صگر⇇جااا وحد هم ابنيتي انتي
ملاك⇇لا عيني اني بنت ابويه وبس
عفته ورحت
ــہہہـ٨ـــ٨ـــہـ💚ـہـ٨ـــ٨ــہہہــ
يوم الحنه....
گعدنه الصبح واجت حور وامها وراحت تاخذلها نومه بغرفه سجى كلتلها...
ملاك⇇ ادري ماعندج بيت
حور⇇يمعوده كوه كعدت امي ضلت اتنگ فوك راسي ومنا مصعب يتصل عليه اووف لو ادري مامتزوجه
ملاك⇇ها ها تره اكول لمصعب عليج 😂
حور⇇لا يمعوده ليروح يسحلني وياخذني لبيتهم بدون بدله خلي اخذلي غفوه وكعديني 😅😂
ملاك⇇طمررره انشاءالله ....اقصد نوم العوافي
نزلت لگيت الخطار كلها جايه والبنات متحزمات يودن جاي ودگ شغل بس متعجبه من جوري وجنات مطلعات شطراتهن ابيت الشيخ جااا شمالجن مطلعنها ابيتنه اله تگطعن نومتي حته اشتغل وياجن 😂😥
صار الغده وكملنه والمواعين طاحت فوك راسي رفعت دشداشتي حته اغسل والمطبخ يصوصي محد بي طبت سرى...
ملاك⇇ها كعدتن حور
سرى⇇يي ومقبلو نروح لام الصالون
ملاك⇇كالعاده العقده اخوج مو
سرى⇇يي
ملاك⇇بيها الخير ...اي بله وين نعدل جهرتنه
سرى⇇راح يجيبون ام الصالون للبيت
ملاك⇇يي
سرى⇇اروح اسبح وابدل
ملاك⇇گلعه ... وضليت اغسل المواعين
وادندن بغنية اوراس ستار
#گد ما حلوه تنضاكين
تنشمين تتخلين
فوك اكبر جرح ويطيب 🎼💃
صگر⇇دخلت للمطبخ وجان اشوف بلوتي تغسل مواعين وادردم ورافعه الدشداشه تقربت يمها وهمست...
صگر⇇اي والله بس نزلي الدشداشه رحمه لهلج
ملاك⇇وكع الماعون من ايدي ودرت عليه وكلت...
ملاك⇇مو عيب عليك تحجي هيج
صگر⇇ليش يابه شحاجي انه انتي ادردمين وكلت اي والله شسويلج اذا انتي تردين اسوين اغراءات
أنت تقرأ
مـلاك _ الصـگر
Romanceشيخ من الجنوب ينهي عله بنت عمه من دون حب ثم بعد ذالك يقع بعشقها.....🌙🌼 فهل بنت العم تبادله المشاعر ام عندها رآي اخر
