أنتى نبض قلبى

التاسع عشر

فى الجامعه
مليكه بدموع : انا مش عارفه اعمل اى
منى: انتى مكبرة الموضوع يا مليكه
مليكه : بس انا محتجاه جنبى الفترة دى هو مقدرش ان انا محتجاه ووافق ان هو يسافر
منى اخدتها فى حضنها : معلش يا حبيبتى كل حاجه هتتصلح
وفجأه سمعوا صوت مراد الغاضب
مراد : مليكه
مليكه بخوف : نعم
مراد قرب منها : ممكن افهم ازاى تخرجى من غير اذنى
مليكه بجمود: مكنتش موجود ورنيت عليك ومردتش وكان لازم اجى اخد الملازم
مراد بغضب : ولو كان ممكن تخلى منى تجبهالك
مليكه : اه يعنى انت عايز تحبسنى مش كدا
مراد بغضب: مليكه اركبى العربيه حالا لاما هتصرف تصرف نندم عليه
مليكه خافت وركبت العربيه وروحوا ومراد شادد مليكه وراه والكل نادى عليه بس مردش على حد
دخلوا الاوضه
مراد : اول واخر مرة تعملى التصرف دة
مليكه : تصرف اى بقلك رنيت عليك بس حضرتك مردتش عليا وثانيا انت قررت تسافر وكان دورى بس ان اسمع القرار دة
مراد : مليكه مدخليش الامور فى بعض
مليكه بصوت عالى: لا هدخل انت مش حاسس بيا بقلك محتجاك جنبى فالوقت دة بس انت ولا همك اى حاجه
مراد : وانا جنبك بس مضطر للسفر ولازم اسافر
مليكه : الكلام مش هيجيب نتيجه معاك
مراد : وبعدين انتى ازاى تطلبى من بابا عربيه
مليكه بصدمه : مين قالك كدا
مراد : مش لازم تعرفى مين قالى
مليكه بضحك ودموع فى عنيها : طبعا اكيد دكتورة جيهان وحضرتك صدقتها مش كدا
مراد: انا بسألك
مليكه : انت كان لازم تعرف الجواب من غير ما تسأل خيبت ظنى عن اذنك وسابته ومشت
مراد بغضب مسك قزازة البرفان وزفها فالمرايه وكسرها
مليكه كانت خرجت وسمعت اللى حصل بس داست على قلبها ومشت
.########################
مليكه راحت قعدت فى اوضه تقى
تقى : طب قوليلى اى حصل
مليكه بدموع : مفيش
تقى : طب بطلى عياط بقه اكيد اتخانقتى انتى وابيه
مليكه : تقى ممكن اريح شوى هنا وابقى صخينى كمان ساعه
تقى : اكيد
#############$$$$$$$$$$$$
المساء
كانوا قاعدين بيتعشوا
مراد نزل من فوق ومعاه شنطته
خالد : رايح فين يا مراد
مراد وهو بيبص على مليكه : مسافر امريكا
اياد : مجبتلناش سيرة الموضوع دة وازاى هتسيب مليكه وحدها
مراد : الموضوع جه فجأه ومليكه مش لوحدها انتو معاها
مليكه رفعت وشها وماسكه نفسها بالعافيه
جيهان : يلا يا مراد انا جاهزة
مليكه بغضب: نعم انتى رايحه فين
جيهان بخبث: هسافر مع مراد
مليكه بصت لمراد اللى عارف هى بتفكر فى اى ومش قادر يتكلم
مليكه : عن اذنكوا
خالد : استنى يا مليكه انتى مأكلتيش
مليكه : شبعت يا بابا الحمدالله وسابتهم وطلعت جرى على اوضتها
###########$$$#$#$#######$
مراد سافر هو وجيهان ومليكه بقت مقهورة وبتحاول تعدى الفترة دى
وقررت متكلمش مراد خالص وتستنى ان هو يكلمها بس للاسف هو كمان مستنى ان هى تكلمه وهو كان بيتصل على تقى يعرف اخبارها منها وبتعملةاى فالامتحانات ومليكه كانت بتطمن عليه من جلال

اما اياد فحبه بيزيد اضعاف اضعاف لرهف ولطفله اللى فى بطنها ورهف اتعلقت بيه وعلاقتها بحماتها اتحسنت جدا ومليكه كمان سهير قربت منها وحاولت تعوضها عن غياب مامتها