🌷عوازل القدر 🌷
بقلم ...روجينا ❤
البارت الخامس
اشتاق اليك حتى وانت في احضان قلبي ...
وكل جزء من كياني متلهف لعبق انفاسك ...
استشف من وجنتيك لون الزهور ...
ومن صمتك نغم الهوى ...❤
تبارك
طلعن النسوان من البيت كمت اريد اروح الغرفتي
دارت حجت امي بنبره غضب وقهر
كالت والله لو عندي هايشه مانطيه الهم
مو يردوني انطيهم ابنيه متعلمه وحلوه
رديت المكاني كعدت حجيت بروود
بعدما اكتمت الحزن والقهر الي اجتاحني
من كلام امي كتله يووم ليش اشبيهم
كالت ماشفتي امه اشون طريقه كلامه
ليكول احنه دازين عليهم هاذ الموضوع من هسه
ينتهي انتي بعدج زغيره وراج مستقبل وجامعه
انتبهي لدروسج احسن وحته ابوج مانفتحله هالموضوع وباجر ادزلهم الخبر
تبارك ....بعد ماسمعت كلام استغربت انه كل ضني
ابوي يعارض بس بعد ماكو فايده الموضوع منتهي
دخلت للغرفه فتحت التلفون لكيت عبدالله متصل اكثر من مره
اتصلت عليه رد كال ها وين جنتي ليش ماتردين
علي
ما اتحملت كمت اشهك من البجي
كال شبيج حياتي ليش البجي
كتله اهلي ماوافقو عليك كال ابوج ماوافق صح
كتله لا امي المارضت كالتلي بعدج ازغيره
ومستقبلج اهم من الزواج
حسيته ضاج وانقهر جر حسره وكال ميخالف
خلي تعدي فتره وانه اجيب ابوي وعمامي
واجي وكال لا ضوجين كلشي واله حل
سديته وانه راسي افتر من التفكير
^^^^______________^^^^
ندى
انه وامي كاعدين انلف دولمه اجه اخوي من الدوام
سلم وكعد بس ضايج
سألته امي اشعجب اليوم جاي من وكت
جاوبه ببرود مصطنع كله بطلوني من الشغل
كلتله امي يا ليش
كله والله محد يعرف السبب المدير دز علينه
انه وبعد كم واحد انطانه رواتبنه وكال بعد لا داومون
كلتله امي تفرج انشالله بس انته لا ضوج
^^^^_________^^^^
في بيت ابوهشام
والكل مجتمعين بعد ماخلصو غده
ام هشام ... اكولك ابوهشام بت اختي نورس
اليوم اتصلت علي وخطبت ندى لحماها شدكول
ينطوها
ابو هشام ...والله مااعرف بس البنيه صغيره وتدرس بس ننطيهم خبر احسن
هشام يحجي وهو كاتم عصبيته وببرود مصطنع
اكولك بابا ندى صغيره مو حمل مسؤليه وزواج
وهيه شاطره والزواج يلهي
ام هشام ...بس ميخالف يمكن لبنيه اتريد تزوج
هشام ... ماكدر يسكت ويحط حل قبل لا
تروح حبيبته من ايده حجه بتوتر وكللهم ندى انه رايده وما تزوج غيري
حط الكل امام الامر الواقع دون سابق انذار
ابو هشام بضحكه وفرح ...اي زين ماتسوي بت عمك
مؤدبه واخلاق وانته اولى بيه من الغريب وعن قريب افاتح عمك
^^^^___________^^^^
تبارك
خلصت العطله وبدت المدرسه و بعد مارحت
ال عبدالله للمكتبه مااريد اتعلق بي اكثر
يمكن مو نصيبي ندى وهاجر حسن عليه
بيه شي لا سوالف ولا ضحك
خطيه اتوسلن ويلحن ماحجيت شي
ندى ...اليوم من راجعين من المدرسه شفت اخوي ويا صديقه يم باب بيتنه كان ملابسه مرتبه وهو
يمتلك ضخامه وعضلات وسيارته حديثه
بس هوه طول مانمشي عيونه تترقبنه دخلت
تبارك البيتهم انه وهاجر مشينه مسافه ودخلنه البيتنه لليل جوي بيت عمي كلهم ومن بين ما احنه
كاعدين انسولف
طرح عمي موضوع ويه ابوي
كال اريد ازوج هشام وانه مالكه بنيه مثل
بناتك واخلاقهن فحبيت اخطب ندى
حجه ابوي وانه احسه الفرحه بعيونه
كله انه اذا علي كبع واخذ وهشام رجال
والنعم منه ابن عمه اوله من الغريب
انه بلحضته اجتاحتني مشاعر متناقضه
مابين الضايجه والفرحانه اشوف الكل
فرحان ومتونسين للخبر شوي وعمي
حجه وياي كال هاعمي انتي شنو
رايج
ندى بارتباك .......يتبع الى اللقاء في البارت القادم
🌹قراءه ممتعه 🌹لاتنسوون التصويت
روجينا 🌷
أنت تقرأ
عوازل القدر
Romanceيوما ما ستجد نفسك تتمنى ان الشخص الذي احببته لم يكن موجود هنا 🍁🥀 اجتماعيه _ الكاتبه _ روجينا
