🌷عوازل القدر 🌷
الكاتبه روجينا❤
صغيره كنت استعجل الايام كي اكبر
والان ارتجي الايام ان تعيدني حيث طفولتي وتنساني هناك 🌸
^^^^____________^^^^
كعدت الصبح حاره موت الكهرباء مطفيه وهجوره نايمه جريت الغطه من عليه وطلعت من الغرفه لكيت امي بالمطبخ تطبخ الغده صبحت عليه
ام سيف __ صباح النور انتي واختج يمته اشبعن من النوم ماادري يالله اتريكي ونضفي البيت وكعدي اختج اتساعدج
ندى __ من عيوني نبع الحنان كلشي ولاتزعلين اكلت شوي وانه واكفه كعدت اختي ونضفنه البيت وساعدنه امي بالمطبخ شوي واجه ابوي واخوي تغدينه وابوي قرر ننتقل البغداد يم بيت عمي الكل اتفاجأ ماعدا امي يمكن عده علم بالموضوع
سيف __ بابا صدك هالحجي وبيتنه وشغلنه وهناك اشلون انعيش
ابوسيف __ انه بعد اسبوع اسافر انه وصديقي ومااعرف ياوكت ارجع فالاحسن تعيشون يم بيت عمكم ائئمن عليكم والبيت عمكم كال اكو بيت بشارعنه يردون ياجروه باجر اروح اشوفه ونتفق
عاسعر
ام سيف __ براحتك يالابنات شيلو المواعين
ندى __ انه وهاجر اتفاجئنه بالخبر اول مره ابوي يفتح هيج موضوع
هاجربعصبيه __ ندو انتي عجبج هاذ الخبر وصديقاتي اشون افاركهم عفته تحجي وديت الجاي
الهم
^^^^__________^^^^
في بغداد تحديدا في بيت ابو هشام
ام هشام __ اكولك ابو هشام خابرت ابو سيف عالموضوع البيت
ابو هشام __ اي خابرته الصبح وباجر يجي ايشوفه واذا عجبه نتفق عالسعر
تبارك __ صدوك بابا راح يجون ايعيشون يمنه
ابو هشام __ اي حبيبتي اشونج ويالدراسه والسادس
تبارك __ والله بابا ماكو دراسه قليله تعرف بدايه دوام
ابوهشام __ اي باباتي اريدج ادرسين من البدايه لاتعبين وتتراكم عليج التحاضير بأخير السنه مفهوم
تبارك __ انشالله بابا اطلع بمعدل زين وارفع راسكم
ام هشام __ الله كريم
^^^^___________^^^^
ندى __ثاني يوم سافر وابوي وامي البغداد شافو البيت ورجعو جانو مقتنعين بالبيت كال ابوي من باجر حضرو غراضكم وملابسكم بعد اسبوع ننتقل ثاني يوم كعدت دوامنه صباحي شوي دخلت امي شافتني كاعده صبحت عليه وكعدت اختي هاجر
انه وهاجر نفس المدرسه ثانويه هيه متوسطه ثالث وانه اعداديه خامس ومأجرين خط انه المدرسه بعيده على البيت طبيت للصف انه مالي خلك صديقاتي ابساع انتبهن عليه
نور وحنين __ شنو اشبيج اليوم مريضه لا سالفه لاضحكه وبعد الالحاح حجيتلهن الخبر
نور من اعز صديقه من الابتدائيه وياي صندوق اسراري واختي الثانيه خطيه انقهرت ماجنه متوقعين الهذا الشي جانت كل احلامنه وامنياتنه ندخل جامعه انه وياها رجعنه من المدرسه بدلنه ملابسنه ساعدنه امي بالمطبخ اشوي جوي ابوي ووسيف من الشغل طبعاهم يشتغلون بمحل تبريد ايصلحون سبالت اتغدينه وخلصنه غسلنه المواعين
^^^^____________^^^^
بعد مرور اسبوع
هاجر __ طبعا الاسبوع كله كضينا شغل وتعب انه وامي واختي ماارتاحينه باجر راح ننتقل البغداد اذكر اخر مره رحنالهم بالابتدائيه اتمنه بيتنه مثل بيت عمي قاسم ابو هشام حلو ومرتب مره عمي معلمه مثقفه واتحب الترتيب والنزاكه
ندى __ كاعدين باليل انه واختي بعد ماكملنه الشغل
والتحضير هاجر نامت وانه ضليت العب بموبايلي واراسل صديقاتي للفجر غفيت وكعدت على صوت امي........ يتبع 🌹قراءه ممتعه 🌹
الى اللقاء مع بارت جديد
انشالله من البارت القادم تبدي الاحداث لا تنسوون التصويت
🌷روجينا 🌷
أنت تقرأ
عوازل القدر
Romanceيوما ما ستجد نفسك تتمنى ان الشخص الذي احببته لم يكن موجود هنا 🍁🥀 اجتماعيه _ الكاتبه _ روجينا
