🌷عوازل القدر 🌷
بقلم ...روجينا ❤
البارت السابع
لم تكن صدفه حين عثرت عليك
كنت مرسوما على حدود ايامي
كنت شيئآ انتضره وينتضرني
ولم يكن لقائنا الابدايه حكايه صاغها القدر بأتقان
^^^^______________^^^^
تبارك
نزلت جوه اهلي كلهم نايمين دخلت للمطبخ دك تلفوني شفته عبد الله
رديت عليه شوي وحسيت حركه رفعت راسي واشوف امي سديت التلفون واني خايفه
ومصدومه
حجت بذهول ويامن تحجين جاوبته بأرتباك
ويه صديقتي
كالت لاجذبين علي كلشي سمعت تقربت مني اخذت
التلفون اني مسميته حبيبي بالانكليزي
كامت تقره بالرسايل كالت انتي ماتستحين هيج
علمناج ضربتني راجدي وكالت والله لويدرون
ابوج واخوانج الا ايكسروج ويحبسوج بالبيت
امي تحجي بصوت ناصي بس بحركه كلب ماجنت
متوقعه هاذ الشي ايصير واتنكشف علاقتنه صعدت الغرفتي واني مقهوره كعدت بالكاع حطيت راسي
بين رجليه اتمنيته الصار حلم واصحى منه
امي فقدت الثقه بيه
^^^^____________^^^^
ندى
هشام من اتصل علي ومارديت بعد مااتصل
ولا راسلني
بيوم الدنيا عصر امي تخبز وانه وياها اجه اخوي
سيف يمشي سريع دخل الغرفته
ومانسمع بس الكسر بالغرفه
ام سيف ... سيف يمه اشبيك افتح الباب
سيف بصياح الله يخليكم عوفوني لحد
يحجي وياي
ابوي خطيه وهو على الكرسي ايصيح
عليه وهو يتمنه يحرك رجليه ويمشي
ضلينه كلنه بقلق لليل ابوي ارتفع ضغطه
واتخربط جوي عمي وهشام اخذو للمستشفى
واخوي ماطلع من الغرفه وغالق الباب
امي ضلت اتروح وترد بالبيت وتفرك بيديه
ابوي من جهه واخوي من جهه الخ
بعد ثلاث ساعات جوي من المستشفى
بس ابوي حيل تعبان عمي سأل عن
طيحه ابوي وامي سولفتله على تصرف
سيف كال باجر اعرف السالفه من عنده
شوي ودخلت مره عمي دخلت للمطبخ اسويلهم
جاي دخل وراي سيف انه ارتبكت ردت اطلع
عرضلي بالباب حجه وهو يكتم عصبيته
كال ليش اتصل عليج وماتردين
جاوبته بتلكأ ..انه استحي احجي وي ولد
ماعندي جرأ
كالي بس انه مو اي واحد انه خطيبج
وانه وياج لازم واحد يتعرف عاثاني
وتعرفين تصرفاتي وشنو احب واكره
واوعدج انكون مثل الاصدقاء الى ان
نزوج
انه ضليت صافنه ومنزله راسي من خلال
حجيه حسيت ابراحه حسيته متفاهم
مو مثل اخوي دائما عصبي وماعنده اسلوب
مرت دقائق وحجه كلي يمعوده وين صفنتي
الجاي احترك طلع من المطبخ وانه صبيت الجاي
وديته
تبارك
من بعد سالفه التلفون امي ماحجت وياي
والتلفون ضل يمه والمدرسه صارلي اسبوع
ماداوت مالي واهس احس الدنيا ضاكت بعيني
افكر ب امي وعبدالله قبل يومين جتي البنات
ندى وهاجر حجت وياي ندى كالت
اشبيج وجهج اصفر وضعفانه وصارلج كم يوم
مااداومين انه حسيت واحد وفتح جروحي
كمت اشهك من البجي هيه شبكتني
وانصدمت كالت اصاير احجيلي
حجيتله عن علاقتنه انه وعبد الله والتلفون
كالت انتي غلطانه اشلون اتثقين بشخص
وتحجين ويا ماكلتي يلعب علي ويعوفني
ضلت تحجي وانقهرت على حالي
^^^^____________^^^^
ندى
انقهرت على حال تبارك ماتوقعت عده هيج سوالف الله يصلح حاله
اخوي صارله يومين بدون اكل مايحجي
مانعرف السبب
بيوم صادف جمعه انه واختي بالمطبخ انسوي
غده وامي وابوي بالهول اجانه عمي
سلم على علينه ودخل الغرفه اخوي
امي بعده دخلت عمي ماقبل
كال خلونه نحجي بس اني وياه
امي طلعت وبعد كلام عمي واصرار سولفله
المشكله
انه كنت واكفه بصف الباب واصنت الحجيهم
سيف __ شكلك ياعمي انه وصديقي اشتغلنه بشركه وهميه
وخسرنه مبلغ جبير صديقي حالتهم زينه وسدد
المبلغ وانه ضليت
ابوهشام بعصبيه ...ياحمار على هالسالفه
اشوداك عليه
سيف بحزن ..والله ياعمي الرجال كالنه اشغلكم وياي
وانت تعرف ابوي وعلاجه ومنا البيت
اشتغلت وانطاني مبلغ زين
ابو هشام ..وشكد المبلغ المطلوب عليه
سيف وهو منزل راسه ٤٠٠ مليون
ابوهشام بصياح ..طاح حضك وضربه راجدي
وهسه اشلون اسدد المبلغ هاي بيه سجن
سيف .. صديقي كال انه اسدد عنك المبلغ بس
بشرط
ابوهشام بنفاذ صبر وشنو الشرط
سيف بتوتر ......الى اللقاء في البارت القادم
🌹قراءه ممتعه 🌹لا تنسوون التصويت
روجينا ❤
أنت تقرأ
عوازل القدر
Romanceيوما ما ستجد نفسك تتمنى ان الشخص الذي احببته لم يكن موجود هنا 🍁🥀 اجتماعيه _ الكاتبه _ روجينا
