🌷عوازل القدر🌷
بقلم ...روجينا ❤
البارت الرابع
كم اعشق تلك النضرات الصامته ...التي تشرق كالشمس من عينيكي ...فتذوب ملامح وجهي بين ثنايا جفونكي الغائره ...فقلبي عقيم لاينجب حبا لاحد ❤
^^^^____________^^^^
ندى
طلعت بالطارمه كعدت عالمرجوحه اتذكرت اهلي ابوي اشتاقيتله حنيت الجمعتنه وسوالفنه ماتحملت ضليت ابجي شوي وشفت هشام جاي بتجاهي كمت من مكاني صبحت عليه كلي بس شوي احجي وياج
رديت المكاني ضل واكف وصافن علي حسيت بالارتباك والخوف كتله لو احد شافنه شيكول
كال مابيه شي واحد ويسولف وي بت عمه مايصير
جاوبته وانه ميته من الخجل والتفكير اي عادي من رخصتك ورحت من عنده وانه اسمعه يضحك
^^^^_____________^^^^
هاجر
كعدتني ندى من النوم كالت كعدي درسي شوي قبل الدوام كمت غسلت وبقيت ادرس خابرت امي كالت اليوم يطلع ابوي من المستشفى طرت من الفرح
مشتاقتله داومنه بس انه وتبارك ندى كالت اريد ارجع للبيت انضفه وتسويلهم اكل للمغرب واطلعو ابوي من المستشفى استقبلنا بالهلاهل والجكليت
وانشغلنه بالخطار والضيافه وبدت الامتحانات والدراسه وتعب
^^^^__________^^^^
تبارك
بدت الامتحانات وقلت اتصالاتي وي عبد الله واتفقنه بالعطله يخطبني بس هوه خايف يتلقى الرفض من ابوي واخواني لان اهلي عدهم الشهاده اهم شي اختي كملت جامعه بعده ازوجت
^^^^___________^^^^
ام سيف ...يلا بنات كومن ماشبعتن من النوم راح ايأذن الضهر
ندى ...كعدت غسلت شفت ابوي هووامي كاعدين صبحت عليهم باوعت للساعه عشره ونص كتله ماما أذانج بتوقيت غرينش بالعشره ونص
ام سيف ...شسويلجن ماتكعدن الابالجذب
كمت ساعدت امي بالمطبخ ونضفت البيت شوي واجت مره عمي كالت بعد يومين عرس ابن اختي وبلغتني اعزمكم كعدت شوي وراحت
^^^^____________^^^^
في بيت ابوهشام
كعد هشام من النوم نزل جوه شاف امه واخته سلم وكعد كال اليوم ريه وسكينه اشعدهن
ام هشام ... ماعدنه شي نسولف اصبلك ريوك
هشام ...لا مااشتهي راح نتغده
تبارك
يوم ثاني رحنه للحنه سوالف وركص ويه البنات
يوم ثاني العرس كعدنه من الصبح وتنضيف وهوسه الجهال والنسوان
^^^^__________^^^^
ندى
بعد يومين رحنه للعرس بعد الغده لبست فستان طويل لون اوف وايت وذهبي اكمامه اطوال حطيت
مكياج خفيف وهاجرلبست تنوره بينصل وستره
كل شوي وسيف صاح علينه يلا ورانه طريق ركبنه
بالسياره وصلنه البيتهم وشفت ولد عمي بصف
الباب سلمو علينه ودخلنه اتلكتنه ام العريس
ومره عمي كعدنه شوي واجت تبارك شفته كتله هاي شطالعه اخاف انتي العروس ضحكت اي ليش لاء
مافتهمت قصده
بعده رحنه للزفه ردنه نركب ويه البنات وصاح علينه
هشام كال تعالن وياي صعدنه
بس صعدنه كال اليوم طالعات ملكات جمال وعيونه
امركزهن عليه
وصلنه البيت العروس مارضى ننزل كال كل شوي
نازلات وصاعدات تعرضن ازياء
ردينه البيت العريس واشتد الركص صبو عشه
ورجعنه للبيت ميتين من التعب
^^^^_____________^^^^
تبارك
بعد اربعه ايام ويبدي الدوام خابر عبد الله كال
باجر ادز امي واختي يطلبونج من اهلج
انه صرت مثل الحمامه وطايره بالجو ماصدكت
بس خايفه من اهلي لا يعترضون
يوم ثاني كعدت نضفت البيت وسويت حلويات
للعصر خابر كال احنه يم بابكم
وخرت البرده شوي وشفت نسوان اثنين
مره جبيره والثانيه شابه رحت طلعت من الغرفه
وكفت يم الدرج اسمع حجيهم شوي وامي
كامت رجعت للغرفه وكالت بدلي ملابسج ونزلي
يم النسوان كمت لبست بنطرون وتيشرت
وكعدت يم النسوان
اخته حبابه وتحجي بثقافه بس امه ماعجبتني
بس تخوزر وكل ماتحجي امي شي تعوج حلكه وماعاجبه امبين راح تخربه علينه عجوز النار
اول مره اي كالت بعدهي تدرس وابوها ماينطيه
بس بعد اصرار من اخته كلتله انشوف ابوه واخوانه
ورجعلكم الخبر شوي وراحو
وامي حجت وياي ....... يتبع الى اللقاء في البارت
🌹قراءه ممتعه 🌹لاتنسون التصويت
روجينا ❤
أنت تقرأ
عوازل القدر
Romanceيوما ما ستجد نفسك تتمنى ان الشخص الذي احببته لم يكن موجود هنا 🍁🥀 اجتماعيه _ الكاتبه _ روجينا
