استمرت الايام عاديه
ولا اشعر باي شي تجاه سيف او ندم لان اني مكنت احبه ولا راح احبه
بقوا 3ايام بالفندق هو وزوجته
م̷ـــِْن رجعوا امي راحت الهم بالبيت وشافت العروسه واخذت وياها هديه
اني جنت بيومها مريضه فمرحت وياها
ودائما اخابر علـّۓ. ملك ونسولف واسئلها عليها
اتكول مرات زينه ومرات لٱ والله مو خوش
وضايجه ومتقبل تكعد ويانه بالبيت كايف اخويه الاثول مجرلها بيت ومكعدها بي
نكعد اني وملك وسوالف وضحك علـّۓ. ياسر ومرته ومسويهم تصنيف
بس مرات ابقه ضايجه لان زين مو بالبيت صحيح هنه بس8ايام بس مشتاقتله هوايه
وكل يوم امي اتخابره وتسأل عليه وعلى وضعه وشوكت يرجع
وكل يوم عن يوم تتعلق بي اكثر واتحبه اكثر. وحتى صايره اتحبه اكثر م̷ـــِْن ما اتحبني
بس بالعكس ما اغار افرح لان هو اخويه وامه ميته وامي هيه مثل امه ولازم اكيد اتحبه
ومن اجانه زين للان امي اتكول
:رب العالمين ما رزقني بولد بس عوضني بزين
يوم الاربعاء
جنت بالدوام ورجعت الضهر حضرت غده وانتضرت امي وابويه يجون علمود نتغده
تقريبا ورا سَـآعــهْْ اجوي وصبيت وكعدنا ناكى م̷ـــِْن خلصنا
نضفت البيت وعزلته وصعدت للطابق الثاني نفس الشي نضفته ودخلت لغرفه زين عزلتها وطلعتله ملابس لان باجر يجي
خلصت المغرب نزلت للبيت امي ما موجوده رايحه لبيت خالتي عازمتها علـّۓ. العشى
وابويه طالع ويه جماعته
اني تعبت م̷ـــِْن التنضيف والتعزيل والدوام فما سويت اكل طلبت م̷ـــِْن برا
وصعدت سبحت وسرحت شعري بسرعه قبل لٱ يجي التوصيل
نزلت للصاله كعدت علـّۓ. التلقزيون ربع سَـآعــهْْ واتصلوا عليه طلعت الهم اخذت الاكل وانطيتهم الفلوس ورجعت للبيت كعدت اكل واباوع علـّۓ. التلفزيون
خلصت عزلت الاكل والمكان
ورجعوا اهلي باليل واني هم نعست وتعبت كمت طفيت الاضويه والتلفزيون وصعدت
حضرت ملابسي ونمت كعدت الصبح علـّۓ. صوت المنبه
الساعهب5:30
كمت سبحت علـّۓ. السريع وطلعت سرحت شعري وسويت ضفيره حفر
ولبست كيلوت قماش كمر عالي لونه ابيض وبي خط م̷ـــِْن الصفحات لون اصفر ولبست
تشيرت اسود ضيق ربع ردن داخل الكيلوت ولبست حذاء كعب اصفر
وجنطه صندوق صغيره بيضه وبيها مربعات صفرا
خلصت طلعت للدوام مر الًيَوُمًِ علـّۓ. خير خلصت المحاضرات وطلعت
بالسياره تُعباُنٌهْـ ونعسانه وبنفس الوقت متشوقه اشوف زين لان مشتاقتله كولش
وصلت للبيت لكيت اكو ناس هواي واكفه بالكراج وبرا البيت وسيارات هواي عاليه
ومضلله بقيت صافنه ووجهي صار اصفر خفت شلون ادخل للبيت
