°°°شظايا أنثى°°°💙مكتملة💙

الجزء:1

.... جالسة فوق كرسي خشبي قديم الصوت ديال زعزعتو كيتسمع في المنزل كامل حاطة إديها على رأسها و خصلات شعرها الاسود وخارجين من الجنب ديال زيفها عينيها حمرين كيدلو على البكاء ديالها و لونهم القاتل كيعطيها طابع ديال الشراسة و التحدي حواجبها مرسومين بإتقان و حناكها لي حمرتهم مختالفة على العادة.... قدام عينيها منظر سبسيال الثلج كيطيح و السماء ظلمتها حالكة و النجوم مزينينها  إضافة لتوهج  البرق لي زاد هاد الجامد حلة مختلفة و صوت الرعد الخفيف كيختارق صمت و ظلمة منزلها..... الجدران كتسمع شهيقها و الحيونات في سباتها المعتاد أحلام وردية تنتجات في فترة جنون حطمات المستقبل كامل  ••••لا تخبروه أنني أشتاق إليه لا تخبروه أن القلب لا زال ينبض بإسمه لا تخبروه أنني لا زلت أطوف بين ذكريات الماضي و أبتسم كالحمقاء عند تذكر كلماته لا تخبروه أن صوته لا زال يتراقص في أذني كمقطوعة تأبى الصمت لا تخبروه أنني لا زلت أعيش على أطلاله•••• سنوات دازت على حطامها و لكن الذكريات و الأحاسيس باقا هي هي نفس الصدمة لي تلقات باقة كتلقاها كل مرة طاح ليها في بالها حركاتو اللامبالية و هضرتو الموزونة سبب عذابها و حزنها . ^^^فلاش باك^^^ .....:تعد الرغبة محددة من محددات وجود الإنسان و بعدا من الأبعاد المختلفة التي يحملها هاد الوجود. فالإنسان بإعتباره كائن راغب يعيش بشكل مستمر عرضة لرغباته بوصفها مكونا مهما في حياة الإنسان و بكونها خاصية إنسانية تقترن بخصائص أخرى كالوعي، الإرادة الحاجة و السعادة. فالإنسان دائم السعي و الجري بعد إشباع رغباته و الاستجابة لها ظننا منه أنه بإشباعها سيكون إنسان سعيد بشكل مستمر ،غير أن الرغبات تتعدد و تتنوع من شخص إلى آخر. هز عينيه في أصدقاؤ كيحاول يقرا تعابيرهم و يعرف إلى أي حد قدر يوصل ليهم الرسالة إلا أنه تفاجئ بالأغلبية ما مصوقينش ليه إلا وحدة لي كانت الإستثناء لاحظ تعابيرها و شوفاتها لي كيوحيو بالشر و كيختارقو جسدو الهزيل دقق في تفاصيلها مزيان و كيتسنى منها سؤال بادلها نفس النظرات....هزات إديها بثقة في النفس و خدات الإذن . ......: نقدرو نعتابرو الرغبات ديال الانسان دائرة زمنية . شاف فيها و وقف بشموخ و في عينيه شوفات التحدي رسم دائرة بلا مايدوي و هي متبعة معاه كتب في الجهة ليمنى قبل إشباع الرغبة و الوسط لحظة اشباعها و الجهة الاخرى بعد اشباعها هز عينيه فيها ....:شنو بان ليك في هاد شي صحيح ما ناقص والو . ......:اه صحيح  ضحك ضحك مصطنعة  .....:نفترضو بلي تحققات الرغبة غادي تجي وحدة أخرى وغادي تبقى داير هكا عنيتي نتي  ....:اه  .....:و لكن نسيتي حاجة وحدة بلي كاينة شي حاجة سميتها الموت في الحياة و غادي تقطع ديك الدائرة إذن ما نقدروش نعتبرو بلي الرغبة دائرة زمنية إنما خط زمني . شافت فيه بخبت و شكراتو على الشرح و عقدات حجبانها كتحاول تغلب على غرورو و كبرياؤ و لكن هو مستعد دئما للحرب الباردة لي بناتهم رجع لبلاصتو و الضحكة شرقات على محياه و قدر يتغلب على كرامتها و شقاوتها حط يدو على وجهو كيحاول يتفكر تفاصيلها و عينيها لي كيرشفو غير بالنار و هو عاجبو الحال لوهلة مسح ضحكتو بأفكار ختارقو عقلو الشفاف و رجع لتخنزرتو لي كتعطيه طابع الجدية. .....طلقات شعرها الحريري و كحوليتو ميزاتو عضات شفايفها بالامبالاة إلى أن الجنس الاخر كتجبدو غمضات عينيها المجرية و سرحات مع أفكارها عقلها خدام بدون توقف و يديها كذلك شفايفها ستحوذات عليهم الحمرة حنكها أيضا هزات راسها فيه و الكره مسيطر على مشاعرها شافت فيه و طلعاتو بتدقيق تفاصيلو كيخليوها تنجادب ليه ببطئ ذكاؤ و ملامحو الطفولية الرجالية و شعرو الحريري تفكيرو سبسيال و أخلاقو و كبرياؤ الشرقي غرورو و تكبرو كيستنزفو قوتها و كيخليوها تبان قدامو في وضع الغباء خرجات نفس سخونة و حطات إديها على قلبها لي كيضرب كلما تفكرات صورتو . .....:سعد يا سعد نتمنى نكمل هاد العام بخير . حطات راسها على الطاولة و أفكار يديوها.. وحدين آخرين يجيبوها . ....رجع بأفكارو لور كيقلب في الأعماق ديال عقلو على أول لقاء جاية بشعرها الطبيعي لي خلاه يقارنو بالسماء و عينيها المجريتين .... نجمة وسط الكم الهائل من الغيوم لون بشرتها شديدة البياض و شفايفها الكرزيتين كسوتها لحمرة طويلة لكتغطي مفاتنها إنما غراتو بدون ما دير مجهود . خرج من متاهتو و قلبو كيضرب و الوحش لي فيه ما قدرش يقاوم أنثى قوية....شرسة...... متمردة....... حرة...... ذكية...... واعية.....مثقفة...قارئة......حالمة. حط إديه فوق راسو حل عينيه الباهتين و ما كيبينو إلا على الندم فرك شعرو الأشقر و جسمو الهزيل لي مختالف على بني جنسو خرجو من متاهتو صوت الجرس، خرج نفس عميقة من قلبو. ....كتمشى بزربة و شعرها طاير مع البرد عقلها ماهداش من التفكير و قلبها من الأحاسيس لي مقدراتش تحكم فيهم صورتو ختارقات عقلها ....