اسطورة الحب و القسوة

الحلقة5 «اميرتي »

8صباحاا بتوقيت الجزائر 

ناضت الصبااح فرحانة ..اليوم اخيرا لقات فرصة باش تتلاقى بحبيب قلبهاا..حظرت روحهاا ..لبست احلى روب عندهاا ،سيبت شعرهاا ،حطت غيسيل و غلوس على فمهاا طلعت تفتق بالزين خزرت في روحها مليح في لمراية تحكي مع روحها

 يخرب بيتك شو حبيتك ههه -

 ديجاا واقيل نغير رايي و منروحش.. اصلا ماكاش في الدنيا هذي ليستاهل زين كيما انااا... طبعت بوسة لروحها في المراية ...و هبطت للصالة وين كان قاعد باباها يتفرج .. قربت ليه باستو على خدو ياسمين : صباح الخير باباتي رد عليها وهو غاطس فالتلفزة يتفرج فالاخباار 

احمد : صبااح النور

 ياسمين : وااش راك تحس ..مليح شوية حرك راسو باايه ..بلا ما يشوف معاهاا قعدت جنبو تهز في ساقيهاا متوترة شافت الساعة عضت شفتهاا .. 

ياسمين : بابا مزاال باش جي تولين ؟ ماعيطتلهاش ؟؟ مقاتلكش وينهاا ؟؟؟

 احمد :لا مقاتليش ..دور وجهو لجيهتها خزر فيهاا من فوق للتحت ..عقد حاجبو ... وانت ان شاء الله وين رايحة ؟؟ عندك عرس واقيل ؟؟ ياسمين زاد توترهاا اكثر .. تلفتلهاا الهدرة ما عرفتش واش جاوب ما كانتش محظرة اجابة وبالزيادة هيا حابسة في الكذب و مكانش عندهاا داعي تتعلم تكذب لانو ولا مرة تجرأت تكذب على باباها و تخبي عليه ..عضت شفتهاا قعدت ثواني وهي طلع و تهبط في راسهاا لعلى و عسى تلقي كذبة بيضة بعيدة على الشبهات تخرجهاا من حصلتهاا 

ياسمين : ااه... اييهه.. رايحة للجامعة نراجع مع البنات ..تعرف للامتحانات قربو ..والوقت ماكاش..

 خزر فيها مليح وعدل قعدتو كشغل أمنهاا و ماأمنهاش.. و في نفس الوقت مش حاب يشك فيهاا لانها تربية يدو 

 احمد : ايه مليح ..حاولي ترجعي بكري العشية (مساءا) في هاداك الوقت دخلت تولين قالبة وجهاا ..كارهة حياتها ..تنفضت ياسمين من بلاصتهاا ومشات طول لعندهاا 

ياسمين : هدا وين ترجعي .. خير علاش طولتي ..!! قلبت عينيها و رجعت عليها بصوت ضعيف قريب مش مسموع فيه خيبة امل واضحة -اييه هدا وين رجعت .. علاش ؟؟ توحشتيني يا روحي .؟ 

يمكن هههه اصلا وشبيك قالبة وجهك.. كاشما قاتلك المعلمة ..؟ ردت عليهاا و هي تنحي في سباطها-  

لا عياتني بهدرتهاا كي العادة انا نحكي في جهة و هي في جهة اخرى .. .وزيد ما خلصتنيش في هاد الشهر-

ياسمين : وان شاء الله راح تاكلك حقك ؟؟؟؟

 تولين : طبعاا لا راح نرجعلها بعد يومين و لا 3 ...رفدت عينيها خزرت فيهاا من فوق للتحت .. وانت خير وين رايحة مش قلتي ماعندكش جامعة ليوم . ضربتها بشوية على كتافهاا ..اسكتي لا يسمعك بابا فضحتيناا .. تبسمت و قربت ليها تهمس في وذنهاا .. ياسمين : اليوم خارجة في موعد مع كريم ..حولي تغطي على غيابي اذا تاخرت.. بعدت عليها بسرعة رفدت ساكهاا وهربت تجري.. خارجة قبل ما تستوعب واش قالتلهاا و تصرعلهاا راسهاا بالأسالة و يمكن حتى تقنعهاا تغير رايها و متروحش تتلاقا بيه .. حكمت طاكسي وصلهاا للجامعة وقفت دقائق قدام الباب تستنى فيه يجي ..ترعش وحدها متوترة .. تدعي يجوز هاد النهاار على خير ..خايفة يشوفهاا كاش واحد من جيرانهاا ..باباها يقتلهاا خاصة انو هيا ولا مرة كذب عليه ..لمحت سيارتو توقفت في الجهة المقابلة ليهاا .. بلعت ريقهااا ..شافت من و من ..تاكدت انو واحد ما يشوف معاها ..راحت تجري قطعت الطريق و ركبت ..

قربت سلمت عليه بالبوس.. 

ياسمين : صبااح الخير يا روحي

 كريم : صبااح الخير اميرتي ..خليتك تستناي بزااف واقيل

 ياسمين : كل شيئ يهون على خاطرك تبسم على جنب .. نوض الطوموبيل وقلع طيارة ..بالنسبة لياسمين الطريق الكل و هي ترجف من الخوف ما عرفتش علاه يمكن لانو اول مرة تكذب على باباها ..أو يمكن أول مرة تطلع في سيارة رجل غريب و زيد لبلاصة مجهوله ..عقلهاا مشوش و قلبهاا ينغز ..صوت من اعمااق قلبهاا يقولهاا انها راهي تغلط وهذي الغلطة راح تكلفهاا الكثير ..تنهدت من اعماق قلبهاا دورت راسها شهقت فرد ..كل تخمامهاا طار في الهواء بمجرد شافت البحر ..سرحت مع المنظر الرائع ..تعشق البحر و تحب ريحتو و بحكم ما عندهش طوموبيل ماكنش عندهاا الفرصة تزوروو بزاف ..فاقت من سرحتهاا وقت وقفت الطوموبيل قدام مطعم على شط البحر .. هبط كريم فتحلهاا الباب ..

 كريم : هيا لحقناا اميرتي ..اعطيني يدك تبسمت وخرجت ..شدلهاا يدها و دخلو اليد في اليد كأي كوبل مثالي لي يشوفهم على هديك الحالة يحسدهم على حبهم و سعادتهم .. غير دخلو شهقت فرد مرة وحطت يدها على فمهاا داهشة و متفاجاة من روعة المنظر لي قدامهاا ..المكان كلو ورد احمر طاولة لشخصين في اخر المطعم وشمع في كل مكان (بالرغم كانو في النهار الا انو المكان لداخل كان ظلمة ) والموسيقى هادية زادت في رومانسية المكاان .. تبسمت حتى بانو كل سنانهاا من الفرحة تحكي في قلبهاا 

اكيد راح يعرض عليااا الزواج ماحستش كان علي يدو حطها على خصرها و اليد لخراا طالعة هابطة بكل حنية على ظهرهاا- ..شهقت كريم: وااش رايك تشرفيني بهاد الرقصة اميرتي تبسمت على جنب وحطت يديها ورا رقبتو .. يتمايلو على انغام دقاات قلبهم ..اما ياسمين كانت فرحانة تقول عايشة في عالم اخر ..الارض مش واسعتهاا.... عقلها طار لبعيد تحلم وتتمني كانها ملكة زمانهاا ما فيقها كان كي حط شواربو رقبتهاا شهقت فرد مرة مع الاول كانت مجرد بوسة عادية حتى تحولت لعضة قوية شهقت عينيها تحلو علخر ..دزاتو عليها مصدومة منو

 ياسمين : واش بيك زح هبلت ؟؟ تبسم بخبث ودزها في طاولة حصرها بيديه من و من يبوس و يعض فيها بكل قووة و شهوة.. مخلي مع كل بوسة اثار

 كريم : اايه مهبول بيك يا اميرتي .. اماا ياسمين كانت ترجف وتبكي تحتو تحاول بكل جهدها دزو من فوقها لكن هو كان اقوى منهاا بكثير

 ياسمين : تعيش كريم اطلقني خليني نروح ...تعيش قرب شفافو لتحت وذنيها يهمس بصوت كلو شهوة و رغبة  

كريم : احسنلك تتفاعلى معايا يا اميرتي مش ممكن نخلي هاد الزين كامل و ما نذوقش منو