قعدت معنقتعاا ..تمسح على شعرهاا حتى غفات في نوم عميق ..تنهدت و غمضت عينيهاا ..حست بتأنيب الضمير لانها ما حاولتش تسالهاا على احوالهاا .. هي كانت دائماا الصدر الحنون لختهاا وسندها ..حتى ولو انهاا مش ختهاا من لحمهاا ودمهاا الا انها مدينة لهاا بحياتهااا ومش راح تنسى خيرها وكل لي عملاتو معاها
Flash back
احمد : طمني ..كيف حالهاا
الدكتور : راح نخلوهاا تحت المراقبة في الوقت الحالي ..لكن لازم نلقاو متبرع في اقرب وقت ..لانو وضع كليتهاا الوحيدة مش جيد ابداا
احمد : واذا ما لقيناش مترع ..واش هو الحل ؟؟ هبط راسو متأسف و جاوبو
الدكتور : للاسف ..ماكااش حل ااخر
ياسمين : سامحوني على التدخل ..
خزرو فيهاا ..
ياسمين : اناا مستعدة نتبرعلها
شافت مع باباها ابتسمت في حين هو ماكانش ابدا متفاجا باقتراحها بنتو الوحيدة يعرفها طيبة و قلبها حنين يعرف معدنها و مدى قوتها و يعرف واش ممكن تعمل على حبابها و خاصة اختها تولين على هاذي ماحاولش يوقفها او حتى يسالها
الدكتور : خلي الممرضة ترافقك ..نتمنى التحليل يطلعو ايجابية
ابتسمت للدكتور و مشات مع الممرضة لاجراء التحاليل اللازمة
___________________________
ناض الصبااح على صوت تيليفونو يصوني ..رماا يدو للطابلة (table de nuit ) رفدو .. جاوب بلا حتى ما يشوف شكون .. جواد: الوو شكون معاياا
- ههه صباح الخير مراكش تعقل ..
جبد تليفونو ..شاف الرقم ..تنهد بعدما عرف شكون و رد جواد : هاد نتااا خير مع صبااح ربي ..واش كاين امين : والوو راني جيهة داركم ..اهبط لعندي ..5 دقائق و نلحق ..
قلب عينيه ..ناض من بلاصتو كاره حياتو ..عمل دوش خفيف و لبس حوايجو ..و هبط كي سمع صوت باب الفيلا لكبير تفتح .. قرب ليه ..خمس معاه جواد : مرحباا بيك ..هذي غيبة طبطب على كتفوو امين :ههه الله لا يغيبك .. راك مليح شوية
جواد : الحمد لله .. خليناا نقعدو قعدو فالجاردان (الحديقة )
بعدما طلب من الخدامة جيبلو كاس ماء مشا للحديقة قعدو دقائق و هماا ساكتين ..خزر فيه لقاه سارح لبعيد ..تنهد من اعمااق قلبو ..وقالو
امين : شوف لحالتك راهي غير تزيد تدهور ..لوقتاش راح تقعد فهاد الحالة ..
تنهد ..رفد يديه مسح على وجهو اللي باين فيه علامات الحزن و التعب ..
جواد : مارانيش قادر نستوعب السبب لي خلاه ينهى حياتو بالرغم من انو كونا موفرين له كل شيئ يحلم بيه ..مش مقصرين معااه فاي شيئ ..
امين : من الافضل تتقبل هاد الشيئ ..ادعيلو بالرحمة احسن
هز راسو يمين و يسار بمعنى لا
جواد : مش راح نرتاح حتي نعرف السبب الحقيقي .. تنهد ثواني وهو ساكت ممبعد .. دور راسو جيهتو بسرعة ..
جواد : مش انت كنت معااه اخر مرة كي عيطتلي ..ماحاسيتش شيء غريب..؟؟؟ مقالك والوو ..؟؟
امين : لا اما حسيتو حزين و افكارو مشتتة ..
جواد : وهذا بالظبط لي راهو محيرني و راني حااب نعرفو .. واش لي يخلي واحد كيما خويا متوفرلو كل شيئ ..وككل وسائل الرفاهية ..يكون حزين و ينتحر بالطريقة هذي ..شايفها عادية !!
امين : ما نعرف .. يمكن بسبب المراة لي كان يحبهاا ..
عقد حواجبو ..سكت شوية ممبعد تبسم على جنب باستهزااء
جوااد : راك حاب تقول انو خويا انهى حياتو بسبب مراة ..!
تلفت ليه
امين : مش اي بنت ..كان يعشقها ..كانت بالنسبة ليه كل حياتوو ..كان داير فيهاا ثقة عمياء و هي خدعاتو ..
جبد مجموعة صور من جيبو وحطهم قدامو طلع حاجبو للفوق يشوف معاهم مش فاهم ولا شيئ امين : ما كونتش حااب نقلك ..لكن بما انك مصر تعرف مش راح نخبيهم اكثر .. رفدهم يشوف معاهم طفله في وضعية مخلة للحياء مع رجل غريب ..
عقد حواجبو عقلو يطلع و يهبط و يحاول يفهم علاقة الصور مع موت خوه قطع عليه تخماموو امين يحكي
امين : بشوية معارف قدرت نجيبهم من عند الشرطة ..لقاوهم فالجسر نهار لي انتحر اياد من جهة ماحبيتش عمي حكيم يشوفهوم و من جهة ما حبيتش تكبر القضية ..باش ما يوصلش الخبر للصاحفة ..
فتح عينيه مصدوم يخزر مرة في التصاور و مرة في امين ماشي مصدق لز على سنية
جوااد : وصحاا شكون المراة هادي و وااش هي علاقتهاا ..؟
امين : هدي نفسهاا البنت لي حكيتلك عليهاا من شوية ..
YOU ARE READING
اسطورة الحب و القسوة
Short Storyكرونيك جزائرية تجمع بين فنان مشهور في امريكا و فتاة تنتحل شخصية اختها بالخطا فمالذي يجمع ابطالنا جواد و تولين ؟؟ مزيج بين القسوة و الحب الانتقام و الذكرات الاخوة و التضحية فهل ياترى ستتغلب شرارة العشق على جحيم الانتقام ؟ من فضلكم الكرونيك تحتوي...
