اسطورة الحب و القسوة

الحلقة7 «خبر سيئ»

اقل من ساعة كان فوق الجسر.. المكان خالي تسمع كان صوت السيارات من بعيد هبط من الطوموبيل عينيه حمورا... بزعافو هادا يقدر يقتل انسان عادي ..بلا ما يحس على روحو .. شاف من ومن ..عيط باقصى صوتو

ايااد : وين راك يا **** اخرج و واجهني ..كون راجل مرة في حياتك .. دار كي سمع صوت تصفيق موراه

كريم : هاهاها برافوو عرض شباب ..عندك موهبة خوك فالتمثيل ... الله يبارك ههه لز على سنيه و توجه ليه مباشرة عطاه بونية الاولى و زادلو الثانية حتى فقد توازنو و طاح فالارض و زاد طاح فوقو يضرب باقصى جهدو معادش حاس بروحو ضرب حتى تعب ومعادش فيه اكثر ... جبدو من كول الشوميز

ايااد : وينهاا ..و واش عملتلهاا يا واحد ***** تف الدم من فمو

كريم : هاهاهاها لعبناا شوية برك ..جبد التصاور من جيبو و لاحهم على وجهو شهق وفتح عينيه على اخرهم حط يديه على راسو مش مصدق واش راهو يشوف ..عقلو مش قادر يستوعب انو ياسمين ممكن تعمل هاد الشيئ هي حب حياتو الطفلة الوحيدة لي عشقها يفديها بروحو و حياتو .. من صغرهاا و هو يراقب فيهاا بنا في راسو احلام معاها .. انهار ضربة وحدة عينيه غرغرو بالدموع ..مش حاجة ساهلة ابداا تشوف حب حياتك في وضعية كيما هادي مع شخص ااخر ..هبل في مخو

كريم : هاهاهها غدتني و الله شفقان عليك ..شفت بعينيك انو هياا تحبني انا و مستعدة تعطيني جسمهاا على طبق من ذهب ..مستحيل تكون ليك و لا تخزر فيك ... جواد مزالو بنفس الوضعية مصدوم ...تمنى الموت تديه و لايشوفهاا مع شخص ااخر ..قلبو كان يبكي دم ..مدمر علخر على حب حياتو لى راح في مهب الريح..

كريم: اقعد تتامل في الصور ايا باي باي ..

يضحك بكل استهزاء .فرحان انو عاش و شاف ايااد بن *** مدمر كانو حقق انجاز عظيم ..

10 ليلا بتوقيت امريكا

جواد كان قاعد على البار مع كمال.. شارد ،قلبو مزير علية حاس بشيئ خايب ..و كانو حاجة تخنق فيه ..عقلو يخمم في بااباه و خوه توحشهم بزاف ..يشرب كاس مور خوه ..يحب يمحى هاد الاحساس ..يا ريتو سمع من الاول لباباه و راح معاه قبل ما يزلق في مستنقع الشهرة .. حتى لو قرر يطلع منو ما يقدرش لانو اذا غرقت فيه مستحيل تخرج منو حي حتى تموت ...يتمنى يخرج قدام الناس و واحد ما يعرفو و لا يحوس عليه ..يتمنى يحب و يتحب بدون مصلحة و لاتمثيل ..يتمنى يرجع بيه الزمان 7 سنين للور ..لكن هاد الشي مستحيل

كمال : خليني نوصلك للدار راك كثرت بزاف ليوم ..هيا قوم .. رجع عليه بصوت ثقيل

جوااد : لا مازال شوية ..حاب نزيد نقعد هههه ...يا الغرصون ...زيدناا كاس

كمال : بركانا من الفضايح جوااد .. تعرف الصحافة تستنى اقل غلطة منك رفد الكاس في وجهو جواد : و على هاذي بالذات راني نشرب كمال نوضو بسيف (بصعوبة) و هو يحاول يغطيه بالفاست على وجهو باش ما يعرفوهش الناس .. جوااد : يا الخراا نحي هاد الخراا من وجهي ..غميتني يا الزح (حشاكم

كمال : الحمد لله ما يفهموش الدزيرية رااك فضحتنااا

10صباحاا بتوقيت امريكا

فتح عينيه بشوية ..اشعة الشمس تعمي فيه ..مسح على جهو بيديه..تنهد من اعماق قلبو .. راسو يحسو يوزن قنطار ونص .. الدوخة مكملة عليه .... كثر من الشرااب لبارح ..رماا يدو جهة الطابلة (table de nuit ) يحوس على تليفونو ..شاف فية ..عقد حواجبو .. عندو اكثر من 50 مكالمة و زيد من الجزائر .. عدل قعدتوو ..قلبو يخبط بالقاوي كأنو في سبااق ..هذي هيا نفس الحالة تصرالو كل مرة يشوف رقم من الجزائر ..كانو هارب من الواقع او خايف من المواجهة .. عيط في اخر رقم ..اقل من 3 ثواني رفد عليه ... بصوت يرعش

جوااد : ااالو ..شكون معاياا

جوااد اناا امين ..وين راك من صبح .. و اانا نحاول نعيطلك-

جواد: ما سمعتوش كان وضع صامت ..خير ان شاء الله علاه راك تعيط مع صبح ربي .

امين : جواد لاااازم ترجع للبلاد .. تنفض من بلاصتو قلبو شوية و يحبس ..جسمو الكل يترعد رد عليه بصوت فيه رعشة تعبر على قلقوو

جواد : علاااش ..واش صراا ؟؟

احكي امين علاش راك ساكت .. ماتقلقنيش

... امين : خوك ايااد

شهق فرد مرة ..فتح عينيه على اخرهم مش قادر يرجع النفس يديه يرعشو ..الدوخة لعبت بيه ..طلق التيليفون من يدو طااح فالارض ..شد راسو بزوج يدين غلق عينيه غارق في تخماموو يحاول يستوعب لكلام لي سمعو .. دقائق و هو على نفس الوضعية ..حتى فااق على روحو..فتح عينيه بسرعة. تنطر من بلاصتو وخرج يجري هكاك بحوايج لي كان لابسهم في سهرة لباارح ..مش حاسس على روحو ركب طوموبيلتو و قلع باقصي سرعة مباشرة للمطار .. بعد اكثر من 15 ساعة ..حطو الطاكسي قدام باب الفيلا ..الباب الكبير كان مفتوح ..مقابلينو بزاف عيباد كلهم لابسين اسود دخل في وسطهم جهامة بلا روح عينيه حموراا.. مفتوحين علخر مش قادر حتى يرمشهم شعرو مفرفش و حالتو حالة... يشوف فوجوه غريبة تسلم عليه ويقولولو في كلام غريب عليه..عقلو مش قادر يستوعبو او بالاحرى مش حاب يستوعبو.. مش قادر يرجع عليهم.. يبعد فيهم عليه (يتجنبهم) .. بين عينية باب الدار فقط ..حاب يوصل يفتحها و يقابلو خوه الصغير بضحكتو لي كانت متفارقش وجهو مزالو على امل انو هاذا كابوس .. و راح يفيق منو يحلف في اعمااق قلبو انو اذا فاق من هاد الكابوس راح يعتزل.. كل شي يخليه موراه و يرجع لبلادو و لناسو يبدا صفحة جديدة ومش راح يفارقهم ابدااا ..