عشق الدكتور

الجزء الثاني

توجه مصطفى إلى الكافيه ليبحث عن دفتر المحاضرات الخاص به وعندما دخل المكان شاهد ما لم يكن ف الحسبان

مصطفى : يا نهار اسود ايه اللى انا شايفه ده 😳 مش دى اسماء ومين اللى قاعده جنبه وماسك ايدها ده يلهوى لو معاذ عرف ده هتبقا ليله زفت على دماغها

دخل مصطفى إلى الكافيه دون أن تراه اسماء والجالس معها وسأل احد العمال عنه

مصطفى : بقولك ايه يا باشا ممكن سؤال
العامل : اتفضل يا فندم اقدر اساعد حضرتك فى ايه
مصطفى : هوا مين اللى قاعد هناك ده
العامل : ده دكتور هيثم دكتور فى كليه صيدله ووالده يبقا رئيس الجامعه زبون دائم هنا وديما بشوف خطيبته دى معاه هنا
مصطفى بهمس : يخربيتك يا اسماء
العامل : نعم يا فندم فى حاجه
مصطفى : لا كنت بقولك تعرف حاجه تانيه
العامل : اه يا فندم ده راجل غنى جدا وعربيته الفخمه دى اللى واقفه بره وبسمع كده انه عنده فيلا كبيره ف المهندسين
مصطفى : شكرا خالص ليك وخود دول عشانك
العامل : لا يا فندم ملوش لزوم
مصطفى : لا امسك بس وكأنك مش شوفتنى ولا سألتك على حاجه
العامل : تمام يا باشا اللى تؤمر بيه اى خدمه تانيه
مصطفى : لا شكرا خالص تعبتك معايا

خرج مصطفى من الكافيه وفى راسه الف سؤال وذهب إلى منزله ليفكر فى حل ل هذه المصيبه

مصطفى يتحدث ل نفسه : يا ترى هعمل اي دلوقتى اقول ل معاذ ولا اعمل ايه بس ياربى طب ما انا لو قولتله هيعمل مشكله وده متهور جدا وكده هبقا خسرت صحبى واخويا طيب اسكت وبعد الامتحانات اتكلم معاه براحه ياما نصحتك يا معاذ تبعد عنها بس هقول اي الحب أعمى لا يرى أمامه سوى القلب الذى ينبض له

اخرج مصطفى هاتفه واتصل على ملاكه حيث انه لا يوجد غيرها القادر على تهدئته

انجى : الو يا حبيبى ازيك وحشتنى اوى
مصطفى بحزن : وانتى كمان يا حبيبتى وحشتينى
انجى بقلق : مالك يا مصطفى صوتك مش مطمنى
مصطفى : لا يا حبيبتى مفيش حاجة
انجى : هتخبى عليا انا يا مصطفى
مصطفى : حصل موضوع زى الزفت يا انجى ومش عارف اتصرف ازاى ولا اعمل ايه ودماغى هتقف من التفكير
انجى : خير يا حبيبى فى ايه
مصطفى : انجى اللى هقوله ده سر ومفيش جنس مخلوق يعرف عنه حاجه
انجى : اكيد طبعا يا حبيبى

اخذ مصطفى يروى لها ما رأى وما حدث وانها ليست المره الأولى بل انها مرات عديده ومستمره

انجى بصدمه 😱 : يلهووووى انتا بتقول ايه إنتا متأكد من كده يعنى اللى شوفته ده حقيقى
مصطفى ب أسى : ايوه طبعا يا انجى حتى انا صورتهم كذا صوره وهما جنب بعض وهيا فى حضنه كمان ده ممكن معاذ يروح فيها
انجى : طيب أهدى كده يا  حبيبى وانا هريحك واقولك هتعمل ايه
مصطفى : ياريت يا انجى عشان ارتاح
انجى : بص يا  مصطفى انتا كانك مشوفتش اى حاجه ولا سمعت اى حاجه احنا هنتعامل معاهم عادى جدا بس تخلص امتحانات ومعاذ يرتاح ونفهمه الموضوع كله بس مش عايزه انبهك يا حبيبى نتعامل عادى جدا
مصطفى : حاضر يا انجى انا كنت بفكر فى كده بس مش كنت هرتاح غير لما احكيلك
انجى : خلاص يا حبيبى روح ارتاح انتا ونام والصبح اشوفك فى الجامعه
مصطفى : ماشى يا نوجه سلميلى على حماتى تصبحى على خير
انجى : وانتا من أهل الخير يا قلبي سلام

على الجهه الأخرى كان معاذ انتهى من عمله وذهب إلى منزله ووجد الهدوء يعم المنزل فانها الساعه الواحده بعد منتصف الليل دخل إلى غرفته الذى يميزها الجمال والبساطه وبدل ملابسه وأخرج هاتفه فانه يحتاج إلى بعض الحب من معشوقته وحبه الأول

معاذ : مساء الخير يا احن وارق سو فى الدنيا
اسماء : مساء النور يا حبيبى وحشتنى اوى
معاذ : وانتى كمان يا نور عيوني
اسماء : ها قولى عملت ايه انهارده
معاذ : مفيش يا حبيبتى روتين الشغل زى ما انتى عارفه
اسماء : ربنا يعينك يا حبيبي
معاذ : امتا بقا يا سو يجى اليوم اللى تبقى فيه فى بيتى وقتها هكون مش عايز حاجه تانيه من الدنيا كلها
اسماء : ان شاء الله يا حبيبى بس تخلص دراستك ونشوف هنعمل ايه فى حياتنا
معاذ : هانت يا روحى كلها كام شهر وابقا دكتور رسمي وانتى يا حبيبتى كلها سنتين وتبقى احلى دكتوره فى الدنيا كلها
اسماء : تسلملى يا عمرى
معاذ بصوت غنائى : روح ربنا يخليك ليا ويحلى صورتك فى عنيا انا فين هلاقى الحنيه اللى انتا جيت وادتهالى
معاذ : اسماء سو حبيبتى انتى نمتى كالعاده يخربيتك مش هتبطلى  العاده دى ماشى انا هضربك ف قلب الجامعه بكره تصبحى ع خير يا ملاكى 😘❤️

ها قد جاء يوما جديدا يحمل فى طياته الكثير من الحب والألم والصدق والخداع

استيقظ معاذ من نومه كالعاده ووجد اباه وأمه على سفره ومجهز بها الفطار ذهب معاذ إلى والده وقبل راسه ويده وهكذا مع والدته كم يشعرون بالسعاده والفخر تجاه ابنهم الوحيد البار بهم

معاذ : صباح الخير يا بابا صباح الخير امى 😍
الاب : صباح النور يا نور عيني
الام : صباح الورد يا قلب ماما
معاذ : خودى يا ماما الفلوس دى انا قبضت امبارح الحمد لله وربنا كرمنى بقرشين كمان من الزباين وقسمتهم بالنص نصهم ل مصروف البيت ونصهم ليا عشان الجامعه والمواصلات
الام : ليه يا ابنى كده ابوك الخير والبركه ومش مخلينا محتاجين اى حاجه
معاذ : وانا قولت حاجه يا ست الكل وانا معايا وزياده الحمد لله فضل ونعمه من عند ربنا
الاب : راجل يا ابنى طول عمرك وانتا بتعتمد على نفسك طول ما انتا بتحمد ربنا كده ربنا هيزيدك من فضله ويحميك يا ابنى ويكتبلك ف كل خطوه سلامه

خرج معاذ من المنزل بعد أن ترك ابويه وذهب إلى الجامعه اخذ يبحث عن مصطفى صديقه فوجده أمام مبنى المحاضرات

معاذ : صباح الخير يا درش
مصطفى بقلق : صباح النور يا ميزو
معاذ : مالك ياض فى ايه وشك مخطوف كده
مصطفى : ها لا ابدا مفيش حاجة يا عم يلا ندخل المحاضره
معاذ : مصطفى فى ايه إنتا مخبى عليا حاجه
مصطفى وقد زاد قلقه : وهخبى عليك ايه يعنى
معاذ بجديه : انتا فاكرنى مش عارف يعنى انا عرفت كل حاجه على فكره
مصطفى : ايه عرفت ايه ومين اللى قالك 😥
معاذ : ايوه عرفت ان.................

يا ترى معاذ عرف ايه 😳
يا ترى مصطفى هيعمل ايه 🤔
يا ترى اسماء هتفضل تكدب وتخدع ل امتا 🤨